- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورتالىق تەلەۆيزياسىنىڭ تىلشىلەرى قومدا حۇجاتتى فيلىم ءتۇسىردى
2014.04.01 14:19
قاناستىڭ قارلى دالاسىنداعى 5- كەزەكتى جالاڭ شاڭعى ۇسىنىس جارىسى 29- ناۋرىزدان 31- ناۋرىزعا دەيىن قوم- قاناس موڭعۇل ۇلتتىق اۋىلىندا وتكىزىلمەك. ورتالىق تەلەۆيزياسى حۇجاتتى فيلىم ارناسىنىڭ «جۇڭگوداعى قارلى القاپ» اتتى باعدارلاما گرۋپپاسىنداعىلار وسى ارادا فيلىم تۇسىرەدى.
التاي تاۋىنىڭ قويناۋىنداعى قوم قىستاعىنىڭ ءبىر جىلداعى قار قىمتاپ جاتاتىن مەزگىلى 7 ايعا سوزىلادى. بۇل ارانىڭ ماي بوياۋلى سۋرەتتەگىدەي كوز تارتاتىن تاماشا كورىنىسىنەن سىرت شاڭعى تەبۋگە باپ كەلەتىن ورتاسى دا جۇرت نازارىن ايىرىقشا اۋدارۋدا. ورتالىق تەلەۆيزياسى حۇجاتتى فيلم ارناسىنىڭ «جۇڭگوداعى قارلى القاپ» باعدارلاماسىن كەسكىنگە تۇسىرۋشىلەر مالشىن وتباسىنداعىلارعا قۇجاتتى فيلىم تۇسىرۋگە سايكەسۋدى تاپسىرعاندىقتان بۇگىن مالشىن وتباسىنداعىلار جازداعىداي قاربالاستىققا تۇستى.
35 جاستاعى مالشىن جەرگىلىكتى ورىندا وتكىزىلگەن نەشە كەزەكتى شاڭعى جارىستارىنىڭ اعا جۇلدەگەرى بولىپتى ءارى سىرت جەرلەردە وتكىزىلگەن شاڭعى جارىستارى مەن تاۋعا شىعۋ جارىستارىنا قاتىناسىپتى.
قوم قىستاعى ادامزاتتىڭ شاڭعى ونەرى جارىققا شىققان جەر ەكەنىن 2006- جىلى جالپى جۇرت مويىنداعان. قازىرگى ادامدار شاڭعى تەبۋدى ءبىر ءتۇرلى سپورت قيمىلى دەپ قارايدى، الايدا قوم قىستاعىندا تەرى شاڭعى بۇرىن قىستاعى نەگىزگى قاتىناس قۇرالى بولعان. وسى ءداستۇردى كوپتەگەن قىستاق تۇرعىندارى قازىر دە ساقتاۋدا.
شاڭعىشى مالشىن: «تەرى شاڭعى قولايلى بولعاندىقتان تۇرمىستا قاتىناس قۇرالى رەتىندە پايدالانامىز»-دەدى.
بىرنەشە كۇننەن بەرى كەسكىنگە ءتۇسىرۋ گرۋپپاسىنداعىلار مالشىننىڭ باستاۋىندا قوم قىستاعىنىڭ ماڭىنداعى ۇلكەندى- كىشىلى جوتالاردى تۇگەل اينالىپ شىقتى. شاڭعى تەبۋگە پايدالاناتىن وزىق جابدىقتاردان سىرت كوپشىلىك مالشىننىڭ تەرى شاڭعىسىنا قاتتى قىزىقتى.
شاڭعى اۋەسكەرى ساي جىجيە: «تەرى شاڭعى تەبۋگە بەلگىلى ونەر قاجەت، بۇل ادەتتەگى شاڭعىعا ۇقسامايدى، تەپە- تەڭدىكتى ساقتاي ءبىلۋ، اياقتى مىقتاپ باسۋ كەرەك، ءسال اعاتتىق جىبەرسەڭىز جىعىلىپ قالاسىز»،-دەدى.
شاڭعىشى مالشىن: «بايىرعى تەرى شاڭعى تاۋعا شىعۋعا قولايلى، قازىرگى شاڭعى تەز بولعاندىقتان تەبۋگە باپ كەلەدى»،-دەدى.
كەسكىنگە ءتۇسىرۋ گرۋپپاسىنداعىلار قوم قىستاعىندا قارلى دالادا شاڭعى تەبۋدىڭ قىزىعىن سەزىنۋدەن سىرت وسى ارانىڭ كوز سۇرىندىرەتىن كوركەم كورىنىسىنە ايىرىقشا ءتانتى بولدى.
شاڭعى اۋەسكەرى، «دالا» جۋرنالىنىڭ جاۋاپتىسى ياڭ بو: تاۋ قويناۋىنداعى وسى قىستاقتاعى ۇيلەر ا ق ش پەن ەۆروپاداعى ساياحاتتىق دەمالىس قىستاقتارىنداعى ۇيلەر سياقتى ايىرىقشا كوركەم كورىنەدى ەكەن.
كەسىنگە تۇسىرۋ گرۋپپاسىنىڭ رەجيسسەرى چىن چۇنشى: «بۇل ارا جۇڭگوداعى ەڭ تاماشا قارلى ءوڭىر ەكەن. بۇل ارانىڭ تابيعي ورتاسى، دالالىق شاڭعى سپورتىنا ايىرىقشا ۇيلەسەدى. جۇڭگوداعى دالالىق شاڭعى سپورتى دامىعاندا بۇل ارا دالالىق شاڭعى قيمىلى وتكىزىلەتىن تاماشا ورىنعا اينالارى داۋسىز»،-دەدى.
كەلۋ قاينارى: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
