- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
يۇي جىڭشىڭ شينجياڭدا تەكسەرىپ - زەرتتەۋ جۇرگىزگەندە نىسانا مەن مىندەتتى يگەرىپ، قىزمەتتى تىڭعىلىقتى ىستەپ، شينجياڭنىڭ قوعامدىق ورنىقتىلىعى مەن باياندى تىنىشتىعىنا شىنايى كەپىلدىك ەتۋدى باسا دارىپتەدى
2014.04.01 13:57 كەلۋ قاينارى : ءتاڭىرتاۋ تورابى
 |
26 - ناۋرىزدا يۇي جىڭشىڭ قاشقار قالاسىنىڭ نازارباق قالاشىعىنداعى ايەلدەردى ونەرگە باۋلۋ كۋرسىندا جەرگىلىكتى ورىننىڭ ونەرگە باۋلۋ، كاسىپتەنۋ جاعدايىن ۇعىستى
|
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىقتىڭ شينجياڭ قىزمەتىن سايكەستىرۋ گرۋپپاسىنىڭ باستىعى يۇي جىڭشىڭ 26 - ناۋرىزدان 30 - ناۋرىزعا دەيىن شينجياڭدا تەكسەرىپ - زەرتتەۋ جۇرگىزدى. ول پارتيا 18 - قۇرىلتايىنىڭ، پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن جانە باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، قوعامنىڭ ورنىقتىلىعى مەن باياندى تىنىشتىعى سىندى نازار اۋداراتىن ءارى كۇش سالاتىن ءتۇيىندى مىقتى يگەرىپ، ۇلتتاردىڭ ۇلى ىنتىماعى تۋىن بيىك ۇستاپ، ەكونوميكانىڭ دامۋىن تەزدەتۋ مەن حالىق تۇرمىسىن جاقسارتۋدى باياندى تىنىشتىق سىندى باستى نىسانامەن شىن مانىندە بىرلىككە كەلتىرىپ، شينجياڭ مەن بيڭتۋان قىزمەتتەرىنىڭ تىڭ ساتىعا كوتەرىلۋىن جەبەۋ كەرەكتىگىن باسا دارىپتەدى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ۇلتتىق ىستەر كوميتەتىنىڭ مەڭگەرۋشىسى ۋاڭ جىڭۋي تەكسەرىپ - زەرتتەۋدە بىرگە بولدى.
5 كۇندە يۇي جىڭشىڭ قاشقار، اقسۋ، ءۇرىمجى سياقتى ايماق - قالالاردا بولىپ، بيڭتۋاننىڭ شەكارا پولك - الاڭدارىن، كاسىپورىنداردىڭ باقشا رايوندارىن، جوعارى مەكتەپتەردى ارالاپ، ءار ۇلت كادرلارىمەن، قاۋىمىمەن رەفورما، دامۋ، ورنىقتىلىق كەلەلى جوسپارىن بىرگە اقىلداستى.
حالىقتىڭ تۇرمىسى حالىق تىلەگىمەن ساباقتاس. يۇي جىڭشىڭ شينجياڭداعى ءار ۇلت قاۋىمىنىڭ ءوندىرىس، تۇرمىس احۋالىنا بۇرىننان ايرىقشا كوڭىل ءبولىپ كەلەدى. قاشقار قالاسىنىڭ نازارباق قالاشىعىنا بارعاندا، يۇي جىڭشىڭ تەز ءونىم بەرەتىن كاسىپتەر ارقىلى جۇمىسقا ورنالاستىرۋ نىساندارىن تەكسەردى. 2002 - جىلى وسى قالاشىقتا ابلەت وتباسىنداعى اعايىندى تورتەۋى قاتىرما (يىققوم) جاساۋ فابريكاسىن قۇرعان - دى، 10 نەشە جىلدان بەرى پارتيا مەن ۇكىمەتتىڭ كومەگىندە، فابريكا اياسى كەڭەيە تۇسكەن، قاتىرما، جەڭدىك سياقتى كوپتەگەن ونىمدەر ءوندىرىپ قانا قويماي، تاۋارلارىن وزبەكستان، قىرعىزستان سياقتى كورشىلەس ەلدەرگە دە ەكسپورت ەتكەن. فابريكاداعى جۇمىسشىلار تۇگەل نازارباق قالاشىعىنداعى قىستاق تۇرعىندارى، بيىل 100 ادامدى جۇمىسقا ورنالاستىرۋ ماسەلەسىن شەشەتىن كورىنەدى. اعايىندى تورتەۋىنىڭ ۇلكەنى مامەت ابلەت كەلەسى قادامدا سىدىرما ءوندىرۋ ويلارى بارلىعىن، فابريكا اۋماعىن كەڭەيتكەندە عانا اناعۇرلىم كوپ اۋىلداستارىن كاسىپورىنعا كەلىپ جۇمىس ىستەۋگە باۋراپ، كوپشىلىك بىرگە اۋقاتتانۋ جولىنا تۇسە الاتىنىن ايتتى.
بارعان جەرىنىڭ بارىندە، يۇي جىڭشىڭ جۇمىسقا ورنالاستىرۋ ماسەلەسىنە قاداعالاي كوڭىل ءبولدى. الدا جۇمىسقا قوسىلاتىن قاشقار يۋانفاڭ حالىقارالىق زات اينالىمى تۇراعى تۇستىك شينجياڭدا كولەمدى ءۇي قۇرىلىس ماتەريالدارىن ساقتاۋ، ساتۋ شارۋاشىلىعى بولماۋ سىندى اقتاڭداقتىڭ ورنىن تولتىرىپ قانا قالماستان، 1000نان استام ادامدى جۇمىسقا ورنالاستىراتىن قاتىستى كاسىپتەر ارقىلى 10 مىڭنان استام ادامنىڭ جۇمىس تاۋىپ ىستەۋىنە مۇمكىندىك جاسايتىن كورىنەدى؛ باۋشان بولات - تەمىر توبى 1 - تامىز بولات - تەمىر سەرىكتەستىگىنىڭ قاشقار ءبىر ميلليون توننا مەتال بۇيىمدارىن ءوندىرۋ بازاسى بىلتىر 400 ادامدى جۇمىسقا العان، بيىل تاعى 400دەي جۇمىس ورنىن دايىندايتىن سياقتى؛ اقسۋ توقىما ونەركاسىپ قالاشىعىندا يۇي جىڭشىڭ حۋافۋ كەزدەمە بوياۋ شەكتى سەرىكتەستىگى مەن جىجياڭ جۇييىڭ توبى توقىما، كيىم - كەشەك ءوندىرىس بازاسىنا بارىپ، كاسىپورىنداردىڭ قۇرىلىسقا قارجى قوسۋ، اينالىم، دامۋ، جۇمىسقا ورنالاستىرۋ احۋالىن ەگجەي - تەگجەيلى ۇعىستى. يۇي جىڭشىڭ: شينجياڭنىڭ بايلىق ابزالدىلىعىن تياناق ەتىپ، ەڭبەك شوعىرلانعان كاسىپتەردى كۇش سالا وركەندەتىپ، مۇمكىندىكتىڭ بارىنشا جۇمىسقا ورنالاستىرۋ ءىسىن ىلگەرىلەتۋ كەرەك، - دەپ اتاپ كورسەتتى.
شينجياڭ ۋنيۆەرسيتەتى مەن شينجياڭ جەڭىل ونەركاسىپ كاسىپتىك، تەحنيكالىق ينستيتۋتىندا يۇي جىڭشىڭ ءپان قۇرىلىسى مەن كاسىپتىك تەحنيكا ۇيرەتۋ، باۋلۋ احۋالىن سۇراپ ۇعىستى ءارى وقىتۋشى - وقۋشىلارمەن اڭگىمەلەستى. يۇي جىڭشىڭ مىنالاردى باسا دارىپتەدى: حالىق تۇرمىسىن جاقسارتۋدىڭ تەتىگى − جۇمىسقا ورنالاستىرۋ. ەڭبەك شوعىرلانعان كاسىپتەردى جەتىلدىرۋدى شىن مانىندە كورنەكتى ورىنعا قويىپ، الۋان ءتۇرلى فورمادا قولدانىلمالى تەحنيكا ۇيرەتۋ جانە مەملەكەتتىك تىلگە باۋلۋ قىزمەتىن كۇشەيتىپ، ءار ۇلت قاۋىمىنىڭ جاقسى تۇرمىس كەشۋىنە دەم بەرىپ، وراي جاراتۋ كەرەك. «قوس تىلدە» وقىتۋ ساپاسىن ونان ارى جوعارىلاتىپ، كاسىپتىك تاربيە بايلىعىن شوعىرلاندىرىپ، جوعارى مەكتەپتەردىڭ ءپان قۇرىلىمىن رەتتەپ، از ۇلت وقۋشىلارىنىڭ جۇمىسقا ورنالاسۋ قابىلەتىن قۇلشىنا جوعارىلاتۋ ءتيىس.
بيڭتۋاننىڭ قۇرىلىسى مەن دامۋ احۋالى − يۇي جىڭشىڭنىڭ بۇل جولعى تەكسەرىپ - زەرتتەۋىنىڭ ءتۇيىنى بولدى. بيڭتۋان 3 - ديۆيزياسىنىڭ تويۇن فەرماسى تەڭىز دەڭگەيىنەن 4000 مەتر بيىك كەلەتىن پامير ۇستىرتىنە ورنالاسقان، قالادان شالعاي، شارت - جاعدايى جاپالى ەدى. ۇزاق ۋاقىتتان بەرى تويۇن فەرماسىنداعى بيڭتۋان جۇمىسشى - قىزمەتشىلەرى شەكارا وڭىردەگى ۇزىندىعى 240 كيلومەترلىك القاپتا مال جايىپ، شارلاۋ جۇرگىزىپ، وتانىمىزدىڭ شەكارا لەنياسىن قورعاپ كەلە جاتقان بولاتىن.
تاياۋداعى 3 جىلدان بەرى تويۇن فەرماسى حالىق تۇرمىسىن جاقسارتىپ، مالشىلاردى وتىرىقتاندىرىپ، مال شارۋاشىلىعىن كوركەيتۋ، قامتاماسىز ەتۋ سيپاتتى تۇرعىن ءۇي سالۋ، اۋىز سۋ - سۋات سياقتى حالىق تۇرمىسىنا قاتىستى نىسان قۇرىلىستارىن ورىنداپ بولعان - دى. قىرعىز زەينەتكەر جۇمىسشى ءيۇسۇپالى مامەتالىنىڭ ۇيىندە يۇي جىڭشىڭ پولك - الاڭ جۇمىسشى - قىزمەتشىلەرىنىڭ ءوندىرىس، تۇرمىس احۋالىن تاپتەشتەي سۇراپ ۇعىستى.
ءيۇسۇپالى مامەتالى ۇلى قازىر باسىم كوپ ساندى جۇمىسشى - قىزمەتشىلەردىڭ بەيقۇت ۇيلەرگە كوشىپ كىرگەنىن، قۇبىر سۋ، جىلۋ جۇيەسى تۇتاسقانىن، وتىندىق گاز دا جۋىق ارادا عيمارات ۇيلەرگە جالعاناتىنىن ايتتى. مۇنى ەستىگەن يۇي جىڭشىڭ قاتتى قۋانىپ: شالعايداعى پولك - الاڭنىڭ تۇرمىسى دا قالا تۇرمىسىمەن بىردەي بولىپتى، بۇل وتە جاقسى. قازىرگى باياندى تۇرمىستى قاستەرلەپ، ۇرپاقتاردى جاقسى تاربيەلەۋ كەرەك، - دەدى.
بيڭتۋان 1 - ديۆيزياسىنىڭ ارال قالاسىندا يۇي جىڭشىڭ مەملەكەت دارەجەلى وسى زامانعى اۋىل شارۋاشىلىعىنان ۇلگى كورسەتۋ رايونى − «تۇستىكتىڭ جەمىس - جيدەگىن تەرىستىكتە ءوسىرۋ» بازاسىنا بارىپ، قۇرىلعىلى اۋىل شارۋاشىلىعىنىڭ دامۋ بولاشاعىن ەگجەي - تەگجەيلى ۇعىستى، سونداي - اق توقاي اۋىلىنا كەلىپ، قىستاق تۇرعىنى ابدۇرۇسۇل ابلانىڭ ۇيىنە بارىپ، بەيقۇت ءۇي سالىپ، حالىقتى اۋقاتتاندىرۋ ينجەنەريالىق قۇرىلىسىنىڭ احۋالىن تەكسەردى. توقاي اۋىلدىق «قوس ءتىلدى» بالاباقشاسىندا بالالار حانزۋ، ۇيعۇر، اعىلشىن تىلدەرىندە امان - سالەم جاسادى. يۇي جىڭشىڭ سابيلەرمەن بىرگە ورەندەر ءانىن شىرقادى.
27 - ، 28 - ناۋرىز كۇندەرى يۇي جىڭشىڭ تويۇن فەرماسىندا جانە ارال قالاسىندا اڭگىمە ءماجىلىس اشتى، بيڭتۋاننىڭ اينالىم ءتۇزىلىسى مەن قازىنالىق احۋالىن تاپتەشتەي ۇعىستى. يۇي جىڭشىڭ مىنالاردى اتاپ كورسەتتى: بيڭتۋان قۇرىلعان 60 جىلدان بەرى، تىڭ يگەرىپ، شەكارا ءوڭىردى قورعاۋ بورىشىن مۇقيات وتەپ، شينجياڭنىڭ دامۋىندا، ورنىقتى بولۋىندا جانە شەكارا قورعانىسىن بەكەمدەۋدە ماڭىزدى رول اتقاردى. دامۋ تاسىلىنە جەدەل بۇرىلىس جاساپ، بيڭتۋاننىڭ وسى زامانعى كاسىپ جۇيەسىن بەلسەنە قۇرىپ، ەكونوميكانىڭ باياندى، اقاۋسىز دامۋىن جەبەپ، بيڭتۋاننىڭ قۋاتىن ۇزدىكسىز ارتتىرىپ، رەفورمانى جاپپاي تەرەڭدەتىپ، تىڭ يگەرۋ مەن شەكارانى قورعاۋدىڭ، ەرەكشە باسقارۋ ءتۇزىلىسى مەن بازار مەحانيزمىنىڭ، بيڭتۋان مەن جەرگىلىكتى ورىننىڭ قاتىناسىن جاقسى ءبىر جايلى ەتىپ، بيڭتۋاننىڭ دامۋ كومەسكى كۇشىن شىنايى ساۋلەلەندىرىپ، ورنىقتىلىقتى، شەكارا ءوڭىردى قورعاۋ فۋنكتسياسىن اناعۇرلىم جاقسى اتقارۋ كەرەك.
قازىر اۆتونوميالى رايونىمىزدا «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى دابىرالى ورىستەتىلۋدە. قاشقار قالاسىنىڭ نازارباق قالاشىعىنداعى كەزىندە يۇي جىڭشىڭ اۆتونوميالى رايوندىق ايەلدەر بىرلەستىگىنەن سول اراداعى قىستاققا تۇسكەن قىزمەت گرۋپپاسى تۇرعان جەرگە ارنايى بارىپ، ولارعا امانداستى. كىلەڭ ايەل جولداستاردان ۇيىمداسقان وسى «جەلەكتىلەر قوسىنىنداعى» ءاربىر جەلەكتى وتباسى قيىنشىلىعىن جەڭە وتىرىپ، قىستاقتا تۇرعان جارىم ايداي ۋاقىتتىڭ وزىندە قىستاق تۇرعىندارىمەن ەتەنە جاقىن بولىپ كەتكەنىن ايتتى. ايەلدەر بىرلەستىگىنىڭ ابزالدىلىعىنا سۇيەنىپ، قىزمەت گرۋپپاسى قىزمەتتىڭ ءتۇيىنىن وسى زامانعى مادەنيەتتى ۇگىتتەۋ، وركەنيەتتى تۇرمىستى دارىپتەۋ جاعىنا شوعىرلاندىرىپ، قىستاقتا «جەلەكتىلەردىڭ لەكسيا سويلەۋ مىنبەرىن» اشىپ، تولىپ جاتقان از ۇلت ايەلدەرىن باۋراپتى.
يۇي جىڭشىڭ شاتتانا كوپشىلىككە تىلەك بىلدىرە كەلىپ: بيلەرىڭنىڭ ءتىپتى دە تارتىمدى، اندەرىڭنىڭ اسا جاعىمدى، تۇرمىستارىڭنىڭ اناعۇرلىم ءمان - ماعىنالى بولۋىن تىلەيمىن، - ەدى. ول بىلاي دەدى: اۆتونوميالى رايون ورىستەتكەن «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى − كەلەلى شارا، توتەنشە دۇرىس، بۇل قيمىلدى جاقسى ورىستەتىپ، ناقتى ناتيجە شىعارۋ كەرەك.
شينجياڭنىڭ ورنىقتىلىعى جالپى جاعدايعا سايادى. يۇي جىڭشىڭ مىنالاردى باسا دارىپتەدى: قوعامنىڭ ورنىقتىلىعى مەن باياندى تىنىشتىعى سىندى باستى نىساناعا دەن قويىپ، پارتيانىڭ ۇلت ساياساتى مەن ۇلتتىق تەرريتوريالىق اۆتونوميا تۇزىمىنە تاباندى بولىپ، ءار ۇلت بۇقاراسىن «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتۋعا باستاپ، «ءتورت وسكەلەڭ تانىمدى» كۇشەيتىپ، ۇلتتار ىنتىماعىن، قوعام ورنىقتىلىعىن، مەملەكەتتىڭ تۇتاستىعىن اناعۇرلىم جاقسى قورعاۋ ءتيىس. ءار ۇلت حالقىنا مىقتاپ سۇيەنىپ، «ءۇش ءتۇرلى كۇش» پەن زورلىقتى كۇش لاڭكەستىك قىلمىستارىنا زاڭ بويىنشا باتىل سوققى بەرىپ، ورنىقتىلىقتى قورعاۋ قىزمەت جۇيەسى مەن مەحانيزمىن كەمەلدەندىرىپ، قوعامدىق جالپى جاعدايدىڭ ورنىقتىلىعىن قورعاۋ قاجەت.
اۆتونوميالى رايوننىڭ باسشىلارىنان نۇر باكىر، باي جىجيە، ەركىنجان تۇراحۇن، جۋ چاڭجيە جەكە - جەكە تەكسەرىپ - زەتتەۋدە بىرگە بولدى نەمەسە اڭگىمە ماجىلىسكە قاتىناستى. چى جۇن، ليۋ شينچيلەر بيڭتۋاننىڭ 1 -، 3 - ديۆيزياسىندا تەكسەرىپ - زەرتتەۋدە بىرگە بولدى. «شينجياڭ گازەتى»
 |
28 - ناۋرىزدا يۇي جىڭشىڭ بيڭتۋان 1 - ديۆيزياسى ارال قالاسىنىڭ مەملەكەتتىك دەڭگەيدەگى وسى زامانعى اۋىل شارۋاشىلىعىنان ۇلگى كورسەتۋ رايونى 10 - پولكتىڭ «تۇستىكتىڭ جەمىسىن تەرىستىكتە ءوسىرۋ» بازاسىندا قىزمەت تەكسەردى
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
