- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇلجا اۋدانى 60 بوس ەڭبەككۇشتى ىشكى ولكەگە كاسىپتەنۋگە اتتاندىردى
2014.10.27 14:00
قۇلجا اۋدانى مەن جياڭسۋ ولكەسى نانتۇڭ قالاسىنىڭ «كاسىپتىك تەحنيكالىق جاقتان تاربيەلەۋ ارقىلى كاسىپتەندىرۋدى جەبەۋ» جوسپارىنداعى شينجياڭعا كومەكتەسۋ نىسانى اتقارىلعاننان بەرى قۇلجا اۋدانىنىڭ شينجياڭعا كومەكتەسۋ قىزمەت اترەتى مەن جياڭسۋ ولكەسىنىڭ نانتۇڭ قالاسىنداعى كاسىپورىندار تىعىز سەلبەسىپ از ۇلتتارعا ۇيلەسەتىن كاسىپتەندىرۋ ورنىن كوپتەپ اشتى. مىنە، وسىنداي تاماشا ورايدا قۇلجا اۋدانى مەن جياڭسۋ ولكەسىنىڭ نانتۇڭ قالاسى ۇستەگى جىلى قۇلجا اۋدانىنىڭ اۋىل - قىستاعىنداعى 400 بوس ەڭبەككۇشتى نانتۇڭ قالاسىنداعى كاسىپورىندارعا اپارىپ كاسىپتەندىرۋ جونىندە كەلىسىم جاساستى. مۇندا قۇلجا اۋدانىنا قاراستى 20 اۋىل - قالاشىق، فەرماداعى كاسىپسىز جاستاردان بەتپە - بەت ەمتيحان الۋ، دەنساۋلىق تەكسەرۋ، تەكسەرىپ بەكىتۋ، تىزىمگە الۋ ارقىلى العاشقى توپتاعى 60 بوس ەڭبەككۇشتى بيىل قازاننىڭ 18 - كۇنى جياڭسۋ ولكەسىنىڭ نانتۇڭ قالاسىنا كاسىپتەنۋگە اتتاندىردى. قالعان 340 ارتىق ەڭبەككۇشتى بيىل قىستا اشىلاتىن «بوس ەڭبەككۇشتەردى كاسىپتىك ونەرگە تاربيەلەۋ» كۋرسىسىنا قاتىناستىرعان سوڭ نانتۇڭ قالاسىندا كاسىپتەندىرەدى ەكەن.
قۇلجا اۋداندىق ادام كۇشى بايلىعى مەن قوعامدىق قامسىزداندىرۋ مەكەمەسىنەن ۇعىسۋىمىزشا، قۇلجا اۋدانىنان بارعان بوس ەڭبەككۇشتەرگە جياڭسۋ ولكەسى نانتۇڭ قالاسىنىڭ سانيۋ توبى سەرىكتىگى اي سايىن 3 مىڭ يۋاننان استام ەڭبەكاقى بەرۋدەن سىرت، ولاردى جاتىن ورىنمەن اقىسىز قامدايدى، سەرىكتىكتىڭ مۇسىلمانشا اسحاناسى ءار ادامعا كۇنىنە كومەك رەتىندە 15 يۋاننان تاماق قاراجاتىن بەرەدى. سونىمەن بىرگە جۇمىسكەرلەردىڭ 20 كۇن مولشەرىندە دەمالىس الىپ اۋىلدارىنا قايتۋىنا بولادى ەكەن. قۇلجا اۋداندىق ادام كۇشى بايلىعى جانە قوعامدىق قامسىزداندىرۋ مەكەمەسى مەن نانتۇڭ قالاسىنىڭ سانيۋ توبى سەرىكتىگى كاسىپورىن باسقارۋ ءادىسى مەن ۇلتتىق عۇرىپ - ادەتكە نەگىزدەلە وتىرىپ نانتۇڭعا باراتىن از ۇلت جۇمىسكەرلەرىنە ۇيلەسىمدى باسقارۋ ءادىسىن بەلگىلەدى، سول ارقىلى ولاردىڭ ۇقىق - مۇددەسى مەن اماندىعىن قامتاماسىزداندىرىپ، كاسىپتەنۋ ورتاسىن جاقسارتتى.
قۇلجا اۋدانىنان جياڭسۋ ولكەسىنىڭ نانتۇڭ قالاسىنا بارىپ كاسىپتەنگەن العاشقى توپتاعى بوس ەڭبەككۇشتىڭ 34 ى ۇيعۇر ازاماتى، 21 ى قازاق ازاماتى، ۇشەۋى حانزۋ ازاماتى، ەكەۋى حۇيزۋ ازاماتى، ولاردىڭ نانتۇڭ قالاسىنا امان - ەسەن جەتۋى ءۇشىن قۇلجا اۋدانىنا قاراستى اۋىل - قالاشىق، فەرمالاردان ەكى جاۋاپتى باسشى، اۋداندىق ادام كۇشى بايلىعى مەن قوعامدىق قامسىزداندىرۋ مەكەمەسىنەن 2 كادر ورنالاستىرىلعان. 3 مۇسىلمان اسپاز وسى جۇمىسكەرلەردىڭ اس - سۋىنا جاۋاپتى بولادى ەكەن.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
