- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تور ارقىلى ساتىلعان ناننىڭ ساۋداسى ءوتىمدى بولدى
2017.01.11 15:15
جۋىقتا كۇيتۇن قالاسى كەگەنشي اۋىلى توبە باستاۋ قىستاعىنداعى ورالبەك وجاقان ۇلىنىڭ اۋلاسى قاربالاس جٷمىس ىستەگەن ادامدارعا تولىپ، ورالبەك پەن جۇبايى تونارعا وت جاعىپ، نان جابۋمەن قاربالاستىققا تۇسسە، اۋىلعا تۇسكەن قىزمەت گرۋپپاسىنىڭ قىزمەتكەرلەرى مەن قىستاق كادرلارى پىسقان نانداردى قوراپتاپ، جاشىككە سالىپ، تور ارقىلى نان ساتىپ العان الامانداردىڭ نانىن ازىرلەۋمەن ابىگەر بولدى. ورالبەك اۋىلعا تۇسكەن قىزمەت گرۋپپاسى مەن قىستاق باسشىلارىنىڭ، قىزمەتكەرلەردىڭ كومەگىندە ماركا العان نانىن تور ارقىلى ساتقاندا 8 مينۋت ىشىندە مىڭ ناننىڭ ساتىلىپ كەتەتىنىن، تور ساۋداسىنىڭ مۇنداي تەز بولاتىنىن ويلاپ تا كورمەگەنىن ايتا كەلىپ بىلاي دەدى: «اۋىلعا تۇسكەن قىزمەت گرۋپپاسى مەن قىستاقتاعى كادرلار مەن پىسىرعان ناندى اعاش وتىندا پىسىرىلعان، قازاقى بايىرعى دامدەگى نان دەپ كوپشىلىككە توردا تانىستىردى، سونىمەن الارماندار تالاسا – تارماسا ساتىپ الدى، كوزدى اشىپ جۇمعانشا مىڭ نان ساتىلىپ بولدى. تور ساۋداسى شىنىندا كەرەمەت ەكەن. ماعان كومەك كورسەتكەن پارتيا مەن ۇكىمەتكە، باسشىلارعا، كادرلارعا كوپ راقىمەت. بۇدان كەيىن نانىمدى ءتىپتى دە ءدامدى ەتىپ پىسىرىپ، الارمانداردى كوپتەپ باۋراۋعا كۇش سالامىن».
كەگەنشي اۋىلى توبە باستاۋ قىستاعىنداعى كەدەي وتباسى ورالبەك وجاقان ۇلى قىستاققا تۇسكەن قىزمەت گرۋپپاسىنىڭ كومەگىندە ناۋايشىلىقپەن شۇعىلدانىپ، ايلىق كىرىسىن 5 مىڭ يۋانعا جەتكىزىپ، كەدەيلىكتەن قۇتىلدى.
ورالبەك وتباسىندا 4 جان بار. ەكى بالاسى مەكتەپتە وقيدى، ءوزىنىڭ بەل ومىرتقا شەرشەۋى وسسە، جۇبايى قان قىسىمى ناۋقاسىنا شالدىعىپ، اۋىر جٷمىس ىستەۋگە شامالارى كەلمەگەندىكتەن، جەرىن باسقالارعا كوتەرمەگە بەرىپ، جۇپىنى تۇرمىس كەشىرىپ كەلگەن ەدى. 2016 - جىلى كەگەنشي اۋىلىنا تۇسكەن قىزمەت گرۋپپاسى ورالبەكتىڭ نان جابۋ ونەرىن بىلگەن سوڭ ونىڭ بازارعا ويىسۋىنا جەتەكشىلىك ەتىپ، ساياسات جانە قارجى جاعىنان سۇيەمەلدەدى، ورالبەك وتباسىن سۇيەمەلدەۋگە العان كۇيتۇن قالالىق پارتكوم پارتيا مەكتەبى دە 30 مىڭ يۋانعا جۋىق قارجى شىعارىپ، ناۋايحانا سالىپ، ەدەن مەن ەسىك الدىنا تاس كەرپىش جاتقىزىپ بەرىپ، ونىڭ ناۋايحانا اشۋىنا كومەكتەستى.
قىزمەت گرۋپپاسى مەن پارتيا مەكتەبىنىڭ جەبەۋىندە ورالبەك نان جابۋ كاسىبىن بەرىلە ىستەگەندىكتەن، قىسقا عانا ەكى ايدا نان ساۋداسى كۇسەتتەنىپ، اۋىلدا عانا ەمەس، قالا رايونىندا دا ساتىلا باستايدى. الارمانداردى قامداۋعا كەپىلدىك ەتۋ ءۇشىن ول كاسىپسىز قىستاق تۇرعىنىنان ەكەۋىن كومەككە الىپ، ءتيىستى ەڭبەكاقىسىن بەرىپ كاسىپتەندىرۋمەن بىرگە، ءوزى دە كەدەيلىكتەن قۇتىلادى.
اۋىلعا تۇسكەن قىزمەت گرۋپپاسى ورالبەكتى جالعاستى دەمەپ، ونىڭ اعاش وتىندا پىسىرىلعان، قازاقى بايىرعى دامدەگى نانىنا «بال باتا» دەگەن ماركا الىپ بەرىپ، كۇيتۇن قالالىق زىحۇي جەمىس – جيدەك كوكونىس جەتكىزۋ شەكتى سەرىكتىگىنىڭ كۇيتۇن قالاسىنداعى 43 دۇكەنىندە ساۋداسىن ءتىپتى دە جانداندىردى. ەركىنعازى احىمەتباي ۇلى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
