- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى، مەملەكەتتىك كەڭەس مەملەكەتتىڭ عىلىم - تەحنيكا سيلىعىن تاراتۋ جينالىسىن سالتاناتپەن وتكىزدى، شي جينپيڭ جينالىسقا قاتىناستى ءارى ەڭ جوعارى سيلىقتى العاندارعا سيلىق تابىس ەتتى
لي كىچياڭ ءسوز سويلەدى، ليۋ يۇنشان جينالىسقا قاتىناستى، جاڭ گاۋلي جينالىستى باسقاردى
2017.01.10 15:58 كەلۋ قاينارى : حالىق تورابى
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2016 – جىلعى ەڭ جوعارى عىلىم – تەحنيكا سيلىعىن العان جۇڭگو عىلىم اكادەمياسى فيزيكا زەرتتەۋ ورنىنداعى جاۋ جۇڭشيان اكادەميك (وڭدا) پەن جۇڭگو جۇڭگوشا شيپاگەرلىك عىلىم اكادەمياسىنداعى تۋ يوۋيوۋ زەرتتەرمەنگە (سولدا) سيلىق كۋالىگىن تابىس ەتتى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن.
شي جينپيڭ، لي كىچياڭ، ليۋ يۇنشان، جاڭ گاۋلي قاتارلى پارتيا مەن مەملەكەتتىڭ باسشىلارى جينالىسقا قاتىناستى ءارى سيلانعانداردىڭ ۋاكىلدەرىنە سيلىق كۋالىگىن تاراتتى. جينالىس باستالۋدىڭ الدىندا شي جينپيڭ قاتارلى پارتيا مەن مەملەكەتتىڭ باسشىلارى مەملەكەتتىڭ عىلىم - تەحنيكا سيلىعىن العانداردىڭ ۋاكىلدەرىمەن كەزدەستى ءارى ەستەلىك سۋرەتكە ءتۇستى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن.
«حالىق گازەتى»، 9 – قاڭتار، بەيجيڭ. ج ك پ ورتالىق كوميتەتى، مەملەكەتتىك كەڭەس 9 - قاڭتار تۇستەن بۇرىن بەيجيڭدە مەملەكەتتىڭ عىلىم - تەحنيكا سيلىعىن تاراتۋ جينالىسىن سالتاناتپەن وتكىزدى. پارتيا مەن مەملەكەت باسشىلارىنان شي جينپيڭ، لي كىچياڭ، ليۋ يۇنشان، جاڭ گاۋلي جينالىسقا قاتىناستى ءارى سيلانعانداردىڭ ۋاكىلدەرىنە سيلىق تابىس ەتتى. لي كىچياڭ پارتيا ورتالىق كوميتەتى، مەملەكەتتىك كەڭەس اتىنان جينالىستا ءسوز سويلەدى. جاڭ گاۋلي جينالىستى باسقاردى.
تۇستەن بۇرىن ساعات 10دا جينالىس ايبىندى مەملەكەت گيمنىمەن باستالدى. شاتىرلاعان شاپالاق ءۇنى ىشىندە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اۋەلى مەملەكەتتىڭ 2016 - جىلعى ەڭ جوعارى عىلىم - تەحنيكا سيلىعىن العان جۇڭگو عىلىم اكادەمياسى فيزيكا زەرتتەۋ ورنىنداعى جاۋ جۇڭشيان اكادەميك پەن جۇڭگو جۇڭگوشا شيپاگەرلىك عىلىم اكادەمياسىنداعى تۋ يوۋيوۋ زەرتتەرمەنگە سيلىق كۋالىگىن تابىس ەتىپ، ولارمەن ىقىلاستى قول الىسىپ، قۇتتىقتادى. وسىدان كەيىن شي جينپيڭ باستاعان پارتيا مەن مەملەكەت باسشىلارى مەملەكەتتىڭ جاراتىلىستىق عىلىم سيلىعىن، مەملەكەتتىڭ تەحنيكالىق تاپقىرلىق سيلىعىن، مەملەكەتتىڭ عىلىم - تەحنيكانى العا باستىرۋ سيلىعىن جانە جۇڭحۋا حالىق رەسپۋبليكاسىنىڭ حالىقارالىق عىلىم - تەحنيكا سەلبەستىگى سيلىعىن العانداردىڭ ۋاكىلدەرىنە سيلىق تابىس ەتتى.ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ سوزىندە پارتيا ورتالىق كوميتەتى، مەملەكەتتىك كەڭەس اتىنان سيلانعان بارلىق قىزمەتكەردى قىزۋ مەرەيمەن قۇتتىقتادى. بۇكىل مەملەكەتتەگى عىلىم - تەحنيكا قىزمەتكەرلەرىنە وسكەلەڭ قۇرمەت ءبىلدىردى جانە ولارعا ىستىق ىقىلاستى سالەم جولدادى. جۇڭگونىڭ عىلىم - تەحنيكا ىستەرىنە ات سالىسقان جانە قولداۋ كورسەتكەن شەتەلدىك ماماندارعا شىن جۇرەكتەن العىس ايتتى.لي كىچياڭ مىنالاردى اتاپ كورسەتتى: وتكەن جىلى كۇردەلى دە قاتاڭ ىشكى – سىرتقى جاعدايدا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىز ەكونوميكالىق، قوعامدىق دامۋدا ايتارلىقتاي تابىستارعا قول جەتكىزدى، عىلىم - تەحنيكا شەبىندە ءىرى ىستەر، قۋانىشتى ىستەر كوپ بولدى، نىشاندىق مانگە يە كەلەلى عىلىم - تەحنيكا تابىستارى تىنباي جارىققا شىعىپ، عىلىم - تەحنيكا جاسامپازدىعى تابىستارى جەدەل كادەگە جاراپ، كوپ بولىپ يگىلىك قۇرىپ، جابال جاڭالىق اشۋ ءىسى قارقىندى دامىپ، بايتاق جۇڭحۋا الابى جاڭالىق اشۋ بارىسىندا كۇشتى ومىرشەڭدىك كۇشىن ايگىلەدى. قازىر دۇنيە جۇزىندە شىت جاڭا عىلىم - تەحنيكا توڭكەرىسى مەن كاسىپ سالاسى وزگەرىسى وركەندەي باستادى، ەلىمىز ەكونوميكالىق قۇرىلىم ىشكەرىلەي رەتتەلىپ، جاڭا، كونە قوزعالىس ەنەرگياسى ىركەس - تىركەس اۋىسقان تىڭ ساتىعا قادام قويدى، ءسوز جوق، باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنۋ، دايەكتىلەندىرۋ، جاڭالىق اشۋدى مەملەكەت دامۋىنىڭ جالپى جاعدايىندا وزەكتى ورىنعا قويىپ، تىڭ دامۋ يدەياسىن جەتەكشى، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، جاڭا قوزعالىس ەنەرگياسىن جەدەل جەتىلدىرىپ، ءداستۇرلى قوزعالىس ەنەرگياسىن جاڭعىرتىپ، دەڭگەيىن ءوسىرىپ، ەكونوميكانىڭ ورتاشا جوعارى قارقىندا ارتۋىن ساقتاپ، ورتاشا جوعارى دەڭگەيگە قادام تاستاۋىن ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
