- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تاباندىلىقپەن تابىسقا جەتكەن قاجىرلى انا
اقىلباي مۇقامەتالي ۇلى
2017.02.08 14:49
«ەڭبەك ەتسەڭ ەرىنبەي، تويادى قارنىڭ تىلەنبەي» دەمەكشى، ەرىنبەي ەڭبەكتەنىپ، ايانباي تەر توككەندە دەربەس يگىلىك جاراتىپ، اششى تەردىڭ ءتاتتى جەمىسىن كورەتىنىمىز حاق. انە، سونداي كۇن كورىستىك سارا جولىن جاپالى ەڭبەكپەن تاپقان قاجىرلى دا قايسار انالاردىڭ ءبىرى - شاتاي مۇقامەتبەك قىزى. ول - بوزا اشىتۋ ونەرىن تىرشىلىك تىرەگى ەتىپ، ونى 24 جىل تاباندىلىقپەن جالعاستىرعان كاسىپكەر.
بوزا جاساۋدىڭ شەبەرى شاتاي كۇنەس اۋدانى كەڭسۋ اۋىلى كەڭسۋ مال شارۋاشىلىق قىستاعىنىڭ تۇرعىنى. بۇرىن ونىڭ وتباسى قيىنشىلىعى اۋىر ەدى. كۇيەۋى داۋلەت سالماقتى جۇرەك اۋرۋىنا شالدىققاندىقتان، اۋىر جۇمىس ىستەي المايتىن. ولار العاش وتاۋ بولىپ بولىنگەندە ەگىستىك جەرى، بىرنەشە تۇياق مالدان باسقا كىرىس قاينارى جوق بولاتىن. سول كەزدە ولار قايتىپ جان باعارىن بىلمەي داعدارىپ تا قالعان ەدى. شاتاي وتباسىندا بوسقا قاراپ وتىرعاندى ءجون كورمەي، جانباعىس ءۇشىن 1992 – جىلدان باستاپ بوزا جاساپ تىرشىلىك جولىندا تىربىندى.باستابىندا بوزانىڭ ءار كيلوگرامىن 0.80 يۋاننان وتكىزدى، كەيىن، بوزانىڭ ءار كيلوگرامى ەكى يۋانعا جوعارىلاعان سوڭ، كۇنىنە 50 يۋاننان كىرىس كىرگىزىپ، كۇندەلىكتى شاي – تۇزىن اجىراتتى. باسقالاي كاسىپتىڭ ءجونى دە، ىڭعايى دا بولماعاندىقتان، قاجىرلى انا شاتاي كىرىسى ماردىمسىز بولسا دا بوزا اشىتۋ كاسىبىن ۇزبەي جالعاستىردى ءارى ونى كاسىپتەنۋدىڭ ۇتىمدى جولى ەتۋگە قۇلشىندى. العاشىندا ول وتباسىن اسىراۋ ءۇشىن، قىستا بوزا جاساپ ساتسا، جازدا سىرماق، ءتۇسكيىز، كەستە تىگىپ ساتتى، باسقالاردىڭ شومەسىن سالىپ، بورمين شوپتەسىپ كۇندىك ىستەگەن كەزدەرى دە بولدى. بوزا جاساپ ساتقان كەزدە ونىڭ ساپاسىنا، تازالىعى مەن دامدىلىگىنە بارىنشا ءمان بەردى. الارمانداردى وزىنە باۋراۋ ءۇشىن بوزاعا ىستەتىلەتىن بورميدى باسقالاردان مايعا العان ەگىستىك جەرگە مالدىڭ قيىن توگىپ تىڭايتىپ، بوزانىڭ تابيعيلىعىن ارتتىردى. سوندىقتان دا قازىر ونىڭ جاساعان بوزاسىن توي جاساعاندار، قوناق شاقىرعاندار مەن سوعىم شايىن بەرگەندەر ارناۋلى بۇيىرتىپ ساتىپ الادى. مۇنان تىس، حانزۋ، قازاق، ۇيعۇر، حۇيزۋ ۇلتتارىنان ارناۋلى ىزدەپ كەلىپ كۇندەلىكتى بوزا ءىشىپ قايتاتىنداردىڭ دا اياعى ۇزىلمەيدى. كەڭسۋ مال شارۋاشىلىق قىستاعىنىڭ تۇرعىنى تۇرسىنبەك زەينەش ۇلى: « شاتاي جەڭگەيدىڭ اشىتقان بوزاسى شىنىندا كەرەمەت، بۇل كىسىلەر بوزاعا ەشقانداي قوسپا قوسپايدى، تازا دا ءدامدى. ون شاقتى جىلدان بەرى وسى ءبىر ءدامى ءتىل ۇيىرەتىن تابيعي بوزادان اۋىز ءتيىپ كەلەمىن» دەيدى. ول بۇل كۇندەرى بوزانىڭ ءار كيلوگرامىن 6 يۋاننان ساتىپ، ايىنا 3 مىڭ يۋاننان تازا كىرىس كىرگىزۋدە، ول بىلتىر جانە الدىڭعى جىلدارى ايلىق تازا كىرىسىن 5 مىڭ يۋاننان اينالدىرىپ كەلگەن ەدى. قازىر كەڭسۋ اۋىلىندا شاتاي سياقتى بوزا جاساپ كاسىپتەنىپ وتىرعان ون شاقتى كاسىپكەر بار. تەك، كەڭسۋ مال شارۋاشىلىق قىستاعىندا 6 ديقان وتباسى بوزاحانا اشادى ەكەن.
ءبىز قايسار بوزاشى جەڭگەيدى ءۇي تولى الارماندارعا بوزا قۇيىپ جىگى – جاپار بولىپ جاتقان جەرىنەن جولىقتىردىق. ول ءوزىنىڭ بوزا اشىتۋ ونەرى تۋرالى توقتالعاندا: « بوزا اشىتۋ - جۇمىسى كوپ، اۋىر كاسىپ، يلەنگەن ۇننىڭ اشۋى، پىسىرۋى جاقسى بولماسا، اسىرەسە، تازالىعى جاقسى بولماسا، بوزا دا وتپەيدى. ءبىز بوزانى تازا بورميدىڭ ۇنىنان جاسايمىز، مۇندا، بورمي ۇنىن اشىتقى قوسىپ يلەگەن سوڭ 5-4 ساعات اشىتادى، سوسىن، قازانعا سالىپ 3 ساعات مولشەرىندە اسىقپاي قايناتىپ پىسىرادى، بۇل بارىستا اعاش وتىن ىستەتكەن دۇرىس، سوندا بوزا كۇيمەي جاقسى پىسادى. بوزانى اشىتۋ ءۇشىن ءسوزسىز، ءبيداي وندىرمەسىن قوسۋ كەرەك. ول ءۇشىن الدىمەن ءبيدايدى ءوندىرىپ الىپ، ونان سوڭ قايتادان كەپتىرەمىز دە زاۆودقا اپارىپ ۇن قىپ تارتقىزامىز.
ادەتتە وندىرمەنى بوزانىڭ از – كوپتىگىنە قاراي لايىقتى مولشەردە قوسقان ءجون، الداعى جەردە وسى بوزا اشىتۋ ورنىنىڭ كولەمىن كەڭەيتىپ، ارناۋلى ماركا الۋعا ءوتىنىش بەرۋدى كوزدەپ وتىرمىن. ويتكەنى، بۇل شاعىن بوزاحانا ءبىزدىڭ كوپتەگەن قيىنشىلىعىمىزدى شەشىپ، تۇرمىس قاجەتىمىزدى قاناعاتتاندىردى. بوزا اشىتۋ ونەرىنىڭ ارقاسىندا ءبىر بالامدى گۋاڭجوۋ قالاسىنداعى ۋنيۆەرسيتەتتە، تاعى ءبىر بالامدى شينجياڭ پەداگوگيكا ۋنيۆرسيتەتىندە وقىتىپ جاتىرمىن. كۇيەۋىمدى دە وسى بوزادان تاپقان اقشامەن ەمدەتىپ كەلەمىن، تۇرمىسىمىز بۇرىنعىدان كوپ جاقسى، ونەر ءبىزدى ورگە جەتەلەدى » دەدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
