باس اماندىققا حاۋىپ توندىرەتىن ۋاقيعا تۋىلعاننان كەيىن، Uber نە ىستەدى
2018.08.28 15:04 كەلۋ قاينارى : حالىق تورابى
حالىق تورابى، 28 – تامىز، بەيجيڭ. ساناققا قاراعاندا، وتكەن 4 جىلدىڭ ىشىندە، كەمىندە 103 Uber شوفەرى ا ق ش جاعىنان جىنىستىق مازالاۋ نەمەسە جولاۋشىلاردى جابىرلەۋ قىلمىسىمەن ايىپتالعان، اۋەلى دەسەڭىز Uber شوفەرى قولىنا قارۋ الىپ جولاۋشىلاردى اتىپ ءولتىرۋ ۋاقيعاسى دا تۋىلعان. ونداي بولسا، جوعارىداعى جايتتەر تۋىلعاننان كەيىن، ا ق ش – تاعى توراپتا اۆتوكولىك شاقىرتاتىن كاسىپورىندار نەلەردى ىستەگەن؟
اماندىق ماسەلەسى تۋرالى Uber سەرىكتىگىنىڭ باس اتقارۋشىسى دارا حوسروۋچاحي كەزىندە بىلاي دەگەن: ءسوزسىز «قاتاڭ مامىلە جاساۋ» كەرەك. سول سەبەپتى اتالعان سەرىكتىك ءبىرقىدىرۋ تەحنيكالىق شارالاردى قولدانىپ، جولاۋشىلاردىڭ اماندىعىنا كەپىلدىك ەتكەن.
ەڭ الدىمەن، قولفون قولدانىلىم جۇيەسىنە حاۋىپسىزدىك سايمانى جۇمساق بولشەگىن جۇكتەگەن، جولاۋشىلار توتە Uber قولدانىلىم جۇيەسىنىڭ ءبىرىنشى بەتىنەن «حاۋىپسىزدىك ورتالىعىنا» كىرىپ، «ساپار بارىسىن ورتاقتاسا الاتىن بولعان» نەمەسە «توتە ساقشىعا مالىمدەي الاتىن بولعان».
ەكىنشى، ءبىر ءتىل تاقتاسىمەن – اق ساقشىعا مالىمدەي الاتىن بولعان. Uber مەن ا ق ش 911 ساقشىعا مالىمدەۋ جۇيەسى سەلبەستىك جاساعان، توتەنشە جاعدايدا جولاۋشىلار قولدانىلىم جۇيەسىندەگى ءبىر ءتىل تاقتاسى ارقىلى ساقشىعا مالىمدەۋ تەلەفونىن سوعا الاتىن بولعان. ساقشى جاق جولاۋشىلاردىڭ ورتاقتاسقان ساپار ينفورماتسياسى ارقىلى (مەكەن –جايى، كولىك تيپى مەن كولىك ءنومىرى تۇگەل قامتىلعان) جولاۋشىنىڭ ناقتىلى ورنىن تۇراقتاندىرىپ، قۇتقارۋ جۇرگىزە الاتىن بولعان.
ءۇشىنشى، 911 مالىمدەۋ جۇيەسىنەن سىرت، Uber باسقادا حاۋىپسىزدىك قۇرىلىمدارىمەن سەلبەستىك جاساعان. ماسەلەن، Uber ا ق ش – تىڭ كولورادو شتاتى دەنۆەر قالاسىنداعى «جەدەل قۇتقارۋ» سەرىكتىگىمەن سەلبەستىك جاساپ، 911 مالىمدەۋ جۇيەسى جانە جەرگىلىكتى شۇعىل قۇتقارۋ قۇرىلىمدارىمەن بىرلىكتە جولاۋشىلاردىڭ اماندىعىن قورعاعان.
Uber تاعى دا مەملەكەتتىك شۇعىل جاعداي ءنومىرى قوعامىمەن سەلبەستىك جاساپ، ا ق ش – تاعى نەشە مىڭ 911 ورتالىعىنىڭ حابارلاسۋ جۇيەسىن كەمەلدەندىرىپ، ساقشى جاقتىڭ توتەنشە جاعداي ۋاقيعاسىنداعى حابارلاسۋشىنىڭ تەزدەن تەلەفون سوعىپ ساقشىعا مالىمدەۋشىنىڭ ءدال، دۇرىس 911 ورتالىعىن تابۋىنا كومەكتەسكەن.
ءتورتىنشى، Uberدى قولدانۋشى قولدانىلىم جۇيەسى ارقىلى ءوزىنىڭ «سەنىمدى» 5 ادامىن قوسۋىنا بولاتىن بولعان. ءار رەت كولىككە وتىرعاندا، Uber جولاۋشى مەن بۇل سەنىمدى ادامدارعا ساپار بارىسىنىڭ ناقتىلى ينفورماتسيالارىن ورتاقتاسۋعا ەسكەرتۋ جاساعان. بۇلاي ىستەگەندە جولاۋشىنىڭ سەنىمدى دوستارى ونىڭ ساپار بارىسىنان حاباردار بولعان ءارى ناقتىلى جەتكەن ۋاقىتىنان دا حاباردار بولعان.
بەسىنشى، Uber شوفەرىنىڭ كەلۋ تەگىنە تەكسەرۋ جۇرگىزگەن. Uber شوفەرلەردىڭ قىلمىسى مەن كولىك جۇرگىزۋ تاريحى قاتارلى قاتىستى جاعدايلارعا تۇگەلدەي تەكسەرۋ جۇرگىزگەن، ءبىراق بۇرىن ءبىر رەت تەكسەرۋ جۇرگىزەتىن بولعان. جاقىنعى جىلداردان بەرى باس اماندىققا حاۋىپ توندىرەتىن ۋاقيعالاردىڭ كوبەيۋىنە بايلانىستى بۇدان كەيىن شوفەرلەردىڭ قىلمىسى مەن كولىك جۇرگىزۋ تاريحىن جىلىنا ءبىر رەت تەكسەرەتىن بولعان.
Uber شوفەرىنىڭ كەلۋ تەگىن تەكسەرۋدى Checkr اتىنداعى ءۇشىنشى جاق سەرىكتىك تەكسەرەتىن بولعان. اتالعان سەرىكتىك مەملەكەتتىك قىلمىسكەرلەر ساندى مالىمەت قويماسى، لاڭكەس كۇماندىسى ساندى مالىمەت قويماسى جانە فەدراتسيالىق جانە جەرگىلىكتى سوت ەستەلىكەرىنەن پايدالانىپ، شوفەرلەردىڭ قاتىستى ينفورماتسيالارىنا تەكسەرۋ جۇرگىزەتىن بولعان.
التىنشى، حاۋىپسزدىك كەڭەسشىلەر كوميتەتى قۇرىلىسىن كۇشەيتكەن. Uber حاۋىپسزدىك كەڭەسشىلەر كوميتەتى 2015 – جىلى قۇرىلعان، ماقساتى قاتىستى حاۋىپسىزدىك ءتارتىبى مەن تەحنيكا جاعىن جاڭا ءادىس، پىكىر جانە كاسىپتىك بىلىممەن قامداۋ. حاۋىپسزدىك كەڭەسشىلەر كوميتەتىنىڭ ءتوراعاسى بۇرىنعى مەملەكەتتىك حاۋىپسىزدىك مينيسترلىگى جەح يوناسىن بولىپ، كوميتەت مۇشەلەرى زاڭ جاساۋ، زاڭ اتقارۋ، جول حاۋىپسىزدىگى، جىنىستىق مازالاۋ قاتارلى جاقتاعى مامانداردان قۇرام تاپقان.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
