يدەيالىق جاقتاعى «دەرت – دەربەزدى» سانالىلىقپەن تيايىق
چىن فىڭ
2019.02.18 15:48 كەلۋ قاينارى : حالىق تورابى
جۋىردا مىناداي ءبىر ءىستى ەستىدىم. ون نەشە جىلدىڭ الدىندا، ءبىر قارت باسشى كەڭسەنىڭ وعان مەتال تىستى تەرموس دايىنداپ قويعانىن كورىپ، كەڭسەدەن تەرموستى سۋلياۋ تىستى تەرموسقا وزگەرتۋدى قاتاڭ تالاپ ەتكەن ەكەن. ول: «ۇقىق – مۇددە الدىندا، پارتيالى كادرلاردىڭ قاراپايىم جۇرتشىلىقپەن ۇقسامايتىن جەرى جوق، بىردەي بولۋى كەرەك. كەيدە اۋەلى سانالىلىقپەن جول بەرۋى كەرەك»، — دەپتى.
جۇرتشىلىقپەن «بىردەي بولعاندا» عانا، جۇرتشىلىق باسشىنى ۇلگى تۇتادى؛ جۇرتشىلىقپەن «بىردەي بولماعاندا»، باسشىنىڭ وبرازى باسقاشا بولادى. بۇقارالىق لۋشيانعا تاباندى بولۋ، وزگەشەلەنبەۋ، ەرەكشەلەنبەۋ − پارتيامىزدىڭ ۇزاق ۋاقىتتان بەرى ۇستانعان تاڭداۋلى ءداستۇرى جانە قىزمەت ءتارتىبى. بۇگىنگى تاڭدا، «ۇقساماۋعا» جول بەرمەۋ، «وزگەشەلەنۋگە» جول قويماۋ، ءارى سەزىمدىك تانىم، ءارى ءىس جۇزىندىك ارەكەت؛ ءارى قىزمەت ستيلى وبرازى، ءارى ءتارتىپ – ءتۇزىم ەسەپتەلەدى. مۇنىڭ تەتىگى باستان – اقىر «بىردەي بولۋدا»، بۇگىن ءبىر ءتۇرلى، ەرتەڭ تاعى ءبىر ءتۇرلى بولماۋ كەرەك؛ قىزمەتكە شىققاندا ءبىر ءتۇرلى، قىزمەتتەن تۇسكەن سوڭ تاعى ءبىر ءتۇرلى بولۋعا دا بولمايدى؛ ايتقان ءسوزى ءبىر ءتۇرلى، ىستەگەن ءىسى تاعى ءبىر ءتۇرلى بولسا تىپتەن بولمايدى. قالىڭ پارتيالى كادرلار جونىنەن ايتقاندا، وزدەرىن ۇنەمى قالىڭ جۇرتشىلىقتىڭ ءبىر مۇشەسى رەتىندە سەزىنۋى، العا باسۋعا ۇمتىلۋى، ۇقىق – مۇددە جاعىندا جول بەرۋى كەرەك، ەشكىمنىڭ دە قاراپايىم جۇرتشىلىقتان ارتىق ۇقىق – مۇددەسى، اناعۇرلىم زور ەرەكشە ۇقىعى جوق.
ۇساق ىستەردە ابايلاماسا، ۇلكەن ىستەردە ساتسىزدىككە ۇشىرايدى. جوعارىداعى ايتىلعان ىستەردى پرينسيپتىك ماسەلەلەر ەمەس، ونشالىق مۇقيات بولىپ كەتۋدىڭ قاجەتى جوق دەپ قاراسا، وندا جاي عانا قابىلدايتىن بولادى؛ ءوزىنىڭ مىندەت كولەمىنە جاتپايتىن ىستەرگە كەلگەندە ەشتەڭەنى بىلمەگەن بولىپ الادى، بايقاعان بولسا دا، قاتاڭ تويتارىس بەرمەيدى؛ ءوزى باسشى بولىپ جاپالى ەڭبەك ەتىپ، وزگەلەردەن ارتىق جۇمىس ىستەگەن سوڭ، ازداپ ايرىقشا قامقورلىقتان يگىلىكتەنۋدىڭ ەشقانداي ورىنسىز جەرى جوق دەپ قارايدى ... وسىنداي «ۇقساماستىقتار» ءوزىنىڭ وبرازىنا داق كەلتىرۋمەن بىرگە، ەرەكشە ۇقىق تانىمىن ورشىتەدى، ستيلدى ءبۇلدىرىپ، پارتيا مەن جۇرتشىلىقتىڭ، كادرلار مەن جۇرتشىلىقتىڭ قارىم – قاتىناسىن الشاقتاتادى. پسيحولوگيالىق زەرتتەۋ ناتيجەلەرىنە قاراعاندا، ەگەر ادام كىشكەنتاي جاقسىلىققا، تيتتەي قامقورلىققا، ازداعان پارىقتى ماملەگە انىق تويتارىس بەرمەسە، پسيحولوگيالىق جاقتا ادامعا جاسىرىن يشارات قالىپتاستىرىپ، كەلەسى جولى مۇنداي ارەكەتتى ىشتەي ءوزى ءبىلىپ جالعاستىراتىن بولادى. بۇل جولى «كۇنجىت» العان بولسا، كەلەسى جولى «داربىز» الۋى مۇمكىن، جەمقورلىقتىڭ جولى بارعان سايىن كەڭەيە تۇسەدى. جۇرتشىلىقپەن «بىردەي بولۋدى» ساقتاپ، ۇساق ىستەردەن تارتىپ وبراز تىكتەپ، ۇساق ىستەردەن باستاپ قاتاڭ بولىپ، بىلمەي قالعان بولىپ شاتاسپاسا، كىرشىكسىز ابرويىن ساقتاپ قالادى، ارداقتى اتى جۇرت ەسىندە قالادى.
جوۋ ىنلاي ۇنەمى «مەنىڭ تاربيەلەنۋ پرينسيپتەرىم» اتتى ەسكەرتپەسىمەن ءوزىن – ءوزى تەزگە سالىپ وتىراتىن، شيا جۋەزاي وزىمەن – ءوزى «سوتتاسىپ وتىراتىن»، پىڭ دىحۋاي اي سايىن «ءوزىن – ءوزى ءبىر رەت تەكتەپ وتىراتىن» ... ادام اناعۇرلىم ونەگەلى بولعان سايىن، كۇندەلىكتى تاربيەلەنۋگە ونان ارى ءمان بەرىپ، وزىنە قاتاڭ تالاپ قويادى. باستان – اقىر جۇرتشىلىقپەن «بىردەي بولۋدى» ساقتاۋ ءۇشىن پارتيالى كادرلار قانداي ۋاقىتتا، قانداي ورىندا بولسىن ءوزىن – ءوزى تەكتەپ وتىرۋى، وزىنە – ءوزى سۇراۋ تاستاۋعا دايىن بولۋى، ۇنەمى ءوزىن – ءوزى تەكسەرىپ، وزىنە – ءوزى رەتسەپ جازىپ وتىرۋى كەرەك. قىمبات ماركالى كيىم – كەشەك كيۋ، جۇرتتىڭ قولپاشتاپ كوتەرمەلەۋى، ماڭعازدانۋ قاتارلى بەينەلەرگە، مىندەت ورنالاستىرعاندا «تەلەفونمەن جەتەكشىلىك ەتۋ»، ءىرىلى – ۇساقتى ءىستىڭ ءبارىن «ءبىر بۇيرىقپەن شەشۋ» قاتارلى تورەشىلدىك مىنەزدەرگە، ەڭبەككە قولى بارماۋ، ءىستىڭ ءجونىن بىلمەۋ، راقاتقۇمارلىق قاتارلى تورەشىلدىك دەرتىنە بەلسەندىلىكپەن تازالاۋ جۇرگىزىپ، ءوزىن ىرىقتىلىقپەن قاعىپ – سىلكىپ الۋى، يدەيالىق جاقتاعى «دەرت – دەربەزدەردى» ىرىقتىلىقپەن تيۋى، ناشار يدەيالار مەن بۇرىس ستيلدەرگە وراي قالدىرماۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
