جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ بورىشى مەن مىندەتى

شينحۋا اگەنتتىگى، 6 - ايدىڭ 30 - كۇنى، بەيجيڭ. 7 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 13 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ 2022 - جىلى 10 - ايدىڭ 16 - كۇنى جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىندا جاساعان بايانداماسىنىڭ ءبىر ءبولىمى جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ بورىشى مەن مىندەتى جاريالانادى.

ماقالادا مىنالار باسا دارىپتەلدى: قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ كەرەك.

ماقالادا مىنالار اتاپ كورسەتىلدى: جاڭا جۇڭگو قۇرىلعاننان بەرگى، اسىرەسە، رەفورما جاساپ، ەسىك اشقاننان بەرگى ۇزاق ۋاقىتتىق ىزدەنىس پەن اماليات نەگىزىندە، پارتيانىڭ 18 - قۇرىلتايىنان بەرگى نازاريا مەن اماليات جاعىنداعى جاڭالىق اشۋ، قامال الۋ ارقىلى پارتيامىز جۇڭگو ۇلگىسىندەگى وسىزامانداندىرۋدى ءساتتى ىلگەرىلەتتى جانە كەڭەيتتى. جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسى باسشىلىق ەتكەن سوتسياليستىك وسىزامانداندىرۋ، ول ءار ەلدىڭ وسىزاماندانۋىنىڭ ورتاق ەرەكشەلىگىنە يە، ونان دا ماڭىزدىسى، ءوز مەملەكەت جاعدايىن نەگىز ەتكەن جۇڭگوشا ەرەكشەلىككە يە. جۇڭگو ۇلگىسىندەگى وسىزامانداندىرۋ − حالىق سانى وراسان زور كولەمدەگى وسىزامانداندىرۋ، جالپى حالىق بىرگە بايىيتىن وسىزامانداندىرۋ، ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزامانداندىرۋ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، بەيبىت دامۋ جولىمەن جۇرەتىن وسىزامانداندىرۋ. جۇڭگو ۇلگىسىندەگى وسىزامانداندىرۋدىڭ ماندىك تالابى: جۇڭگو كوممۋنيستىك پارتياسىنىڭ باسشىلىعىندا تاباندى بولىپ، جۇڭگوشا سوتسياليزمدە تاباندى بولىپ، جوعارى ساپالى دامۋدى جۇزەگە اسىرىپ، جالپى بارىستىق حالىق دەموكراتياسىن دامىتىپ، حالىقتىڭ رۋحاني دۇنيەسىن بايىتىپ، جالپى حالىقتىڭ بىرگە اۋقاتتانۋىن جۇزەگە اسىرىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ادامزات وركەنيەتىنىڭ جاڭا فورماتسياسىن جاراتۋ.

ماقالادا مىنالار اتاپ كورسەتىلدى: جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ جالپى ستراتەگيالىق ورنالاستىرۋى − ەكى باسقىشقا ءبولىپ ءجۇرۋ: 2020 - جىلدان 2035 - جىلعا دەيىن سوتسياليستىك وسىزامانداندىرۋدى، نەگىزىنەن، جۇزەگە اسىرۋ؛ 2035 - جىلدان وسى عاسىردىڭ ورتاسىنا دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋ. جاپپاي سوتسياليستىك وسىزاماندانعان مەملەكەت − قۇرۋ ۇلى دا جاپالى ءىس، ونىڭ بولاشاعى نۇرلى، مىندەتى اۋىر، جولى ۇزاق. العا باسۋ جولىندا، ءسوز جوق، مىناداي كەلەلى پرينسيپتەردى مىقتى يگەرۋ كەرەك: پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ، جۇڭگوشا سوتسياليزم جولىندا، حالىقتى وزەك ەتكەن دامۋ يدەياسىندا، رەفورما جاساپ، ەسىك اشۋدى تەرەڭدەتۋدە، كۇرەس رۋحىن ساۋلەلەندىرۋدە تاباندى بولۋ.

ماقالادا مىنالار باسا دارىپتەلدى: بۇگىن ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا قاپتال جەتەدى، سونداي - اق، ءسوز جوق، اناعۇرلىم اۋىر، اناعۇرلىم جاپالى قۇلشىنىس كورسەتۋگە دايىندالۋىمىز كەرەك. بۇكىل پارتيا، ءسوز جوق، سەنىمدى بەكەمدەپ، قايراتتانا العا ۇمتىلىپ، ىرىقتىلىقپەن وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، حاۋىپ - قاتەردەن ىرىقتىلىقپەن ساقتانىپ جانە ونى جويىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە ۇزدىكسىز قول جەتكىزۋ كەرەك!

كەلۋ قاينارى: حالىق تورابى