شي جينپيڭ حات جولداپ شىنجىن - جۇڭشان وزەن اتتاعان ارناسىنىڭ سالىنىپ ءبىتىپ ىسكە قوسىلعانىن قۇتتىقتادى

قۇتتىقتاۋ حاتى

شىنجىن - جۇڭشان وزەن اتتاعان ارناسىنىڭ سالىنىپ ءبىتىپ ىسكە قوسىلۋى قارساڭىندا، مەن سىزدەردى قىزۋ قۇتتىقتايمىن! جوبا قۇرىلىسىنا ات سالىسقان بارشا جولداسقا شىنايى سالەم جولدايمىن!

شىنجىن - جۇڭشان ارناسى − شياڭگاڭ - جۋحاي - اۋمىن كوپىرىنەن كەيىنگى گۋاڭدۇڭ - شياڭگاڭ – اۋمىن ۇلكەن شىعاناق رايونى قۇرعان تاعى ءبىر ەرەكشە ءىرى قاتىناس ينجەنەرياسى، ول دۇنيە جۇزىلىك دەڭگەيدەگى كوپتەگەن تەحنيكالىق قيىن ماسەلەنى جەڭىپ، كوپتەگەن دۇنيە جۇزىلىك رەكورد جاراتتى. بارلىق قاتىناسۋشى قاجىرلى ەڭبەگى، قايسار جىگەرى ارقىلى ينجەنەريا مىندەتىن جوعارى ساپامەن ورىندادى. بۇل جۇڭگو ۇلگىسىندەگى وسىزامانداندىرۋدىڭ ەڭبەكپەن قولعا كەلگەنىن، ۇلى ىستەردىڭ ناقتى ءىس تىندىرۋدان كەلەتىنىن تولىق تۇسىندىرەدى!

كەلەسى قادامدا شىنجىن - جۇڭشان ارناسىن ويداعىداي باسقارىپ جانە ودان ويداعىداي پايدالانىپ، حاۋىپسىز، ىركىلىسسىز، جايلى، زەردەلى اينالىمعا كەپىلدىك ەتىپ، قاتىناستىڭ جول باستايتىن اتويشى بولۋ رولىن تولىق ساۋلەلەندىرىپ، جۋجياڭ ساعاسىنىڭ شىعىس، باتىس ەكى جاعالاۋىنىڭ توعىسپالى دامۋىن جەبەپ، گۋاڭدۇڭ – شياڭگاڭ - اۋمىن ۇلكەن شىعاناق رايونىنىڭ نەگىزدىك قۇرىلعىلارىنىڭ ”قاتتى تۇتاسۋى“ مەن ەرەجە - مەحانيزمىنىڭ ”جۇمساق تۇتاسۋ“ دەڭگەيىن جوعارىلاتىپ، گۋاڭدۇڭ – شياڭگاڭ – اۋمىن ۇلكەن شىعاناق رايونى بازارىنىڭ ءبىر تۇلعالانۋىن ىلگەرىلەتىپ، گۋاڭدۇڭ - شياڭگاڭ – اۋمىن ۇلكەن شىعاناق رايونىن جاڭا دامۋ جاعدايىنىڭ ستراتەگيالىق تىرەگى، جوعارى ساپالى دامۋدىڭ ۇلگى ورنى، جۇڭگو ۇلگىسىندەگى وسىزامانداندىرۋدىڭ جەتەكشىلىك ورنى ەتىپ قۇرىپ شىعۋ ءۇشىن اناعۇرلىم جاقسى قىزمەت كورسەتۋ، قامتاماسىزدىق ازىرلەۋ كەرەك.

شي جينپيڭ

2024 – جىلى 6 - ايدىڭ 30 – كۇنى

(شينحۋا اگەنتتىگى، 6 - ايدىڭ 30 - كۇنى، بەيجيڭ)

شينحۋا اگەنتتىگى، 6 - ايدىڭ 30 – كۇنى، شىنجىن. شىنجىن - جۇڭشان وزەن اتتاعان ارناسى 6 - ايدىڭ 30 - كۇنى سالىنىپ بولىپ ىسكە قوسىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حاتىن جولداپ، قىزۋ قۇتتىقتادى ءارى جوبا قۇرىلىسىنا ات سالىسقان بارشا جولداسقا شىنايى سالەم جولدادى.

شي جينپيڭ بىلاي دەپ اتاپ كورسەتتى: شىنجىن - جۇڭشان ارناسى − شياڭگاڭ - جۋحاي - اۋمىن كوپىرىنەن كەيىنگى گۋاڭدۇڭ - شياڭگاڭ – اۋمىن ۇلكەن شىعاناق رايونى قۇرعان تاعى ءبىر ەرەكشە ءىرى قاتىناس ينجەنەرياسى، ول دۇنيە جۇزىلىك دەڭگەيدەگى كوپتەگەن تەحنيكالىق قيىن ماسەلەنى جەڭىپ، كوپتەگەن دۇنيە جۇزىلىك رەكورد جاراتتى. بارلىق قاتىناسۋشى قاجىرلى ەڭبەگى، قايسار جىگەرى ارقىلى ينجەنەريا مىندەتىن جوعارى ساپامەن ورىندادى. بۇل جۇڭگو ۇلگىسىندەگى وسىزامانداندىرۋدىڭ ەڭبەكپەن قولعا كەلگەنىن، ۇلى ىستەردىڭ ناقتى ءىس تىندىرۋدان كەلەتىنىن تولىق تۇسىندىرەدى.

شي جينپيڭ بىلاي دەپ باسا دارىپتەدى: كەلەسى قادامدا شىنجىن - جۇڭشان ارناسىن ويداعىداي باسقارىپ جانە ودان ويداعىداي پايدالانىپ، حاۋىپسىز، ىركىلىسسىز، جايلى، زەردەلى اينالىمعا كەپىلدىك ەتىپ، قاتىناستىڭ جول باستايتىن اتويشى بولۋ رولىن تولىق ساۋلەلەندىرىپ، جۋجياڭ ساعاسىنىڭ شىعىس، باتىس ەكى جاعالاۋىنىڭ توعىسپالى دامۋىن جەبەپ، گۋاڭدۇڭ – شياڭگاڭ - اۋمىن ۇلكەن شىعاناق رايونىنىڭ نەگىزدىك قۇرىلعىلارىنىڭ ”قاتتى تۇتاسۋى“ مەن ەرەجە - مەحانيزمىنىڭ ”جۇمساق تۇتاسۋ“ دەڭگەيىن جوعارىلاتىپ، گۋاڭدۇڭ – شياڭگاڭ – اۋمىن ۇلكەن شىعاناق رايونى بازارىنىڭ ءبىر تۇلعالانۋىن ىلگەرىلەتىپ، گۋاڭدۇڭ - شياڭگاڭ – اۋمىن ۇلكەن شىعاناق رايونىن جاڭا دامۋ جاعدايىنىڭ ستراتەگيالىق تىرەگى، جوعارى ساپالى دامۋدىڭ ۇلگى ورنى، جۇڭگو ۇلگىسىندەگى وسىزامانداندىرۋدىڭ جەتەكشىلىك ورنى ەتىپ قۇرىپ شىعۋ ءۇشىن اناعۇرلىم جاقسى قىزمەت كورسەتۋ، قامتاماسىزدىق ازىرلەۋ كەرەك (قۇتتىقتاۋ حاتىنىڭ تولىق مازمۇنى بولەك جاريالاندى).

6 – ايدىڭ 30 – كۇنى تۇستەن بۇرىن شىنجىن - جۇڭشان ارناسىنىڭ اشىلۋ قيمىلى باتىس جاساندى ارالدا وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى حۋاڭ كۇنميڭ ناق مايداندا شي جينپيڭنىڭ قۇتتىقتاۋ حاتىن وقىدى ءارى شىنجىن - جۇڭشان ارناسىنىڭ ىسكە قوسىلعانىن جاريالادى.

شىنجىن - جۇڭشان ارناسى − شىنجىن - سىنشي مەملەكەتتىك جوعارى قارقىندىق تاس جولىنىڭ جۋجياڭ ساعاسىنان وتەردەگى شەشۋشى مەڭگەرمەلى ينجەنەرياسى، جولدىڭ جالپى ۇزىنى شامامەن 24 كيلومەتر. نىساندا 2017 - جىلى 2 - ايدا قۇرىلىس باستالىپ، 7 جىلدا سالىنىپ بولىپ ىسكە قوسىلدى، بۇل دۇنيە جۇزىندەگى تۇڭعىش ”كوپىر، ارال، تۋنەل، سۋ استى تۇتاستىرۋى“ ءبىر تۇلعالانعان تەڭىز اتتاعان شوعىرلى ينجەنەريا. نىساندا اۆتوموبيل قاتىناعاننان كەيىن شىنجىننەن جۇڭشانعا دەيىنگى جول قازىرگى 2 ساعاتتان 30 مينۋتقا قىسقارادى.

كەلۋ قاينارى: حالىق تورابى