جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى كۇش - قۋاتىن ۇيىستىرايىق (باسماقالا)

تاريح ايبىندى ساپارعا كۋا بولدى، ۋاقىت كۇرەس ءىزىن جازدى. بۇگىن ءبىز جۇڭگو كوممۋنيستىك پارتياسى قۇرىلعانىنىڭ 103 جىلدىعىن قارسى الىپ، جۇڭگو ۇلگىسىندەگى وسىزامانداندىرۋ جولىندا ەرلىكپەن العا باسىپ كەلەمىز. شۇعىلالى ساتتەردى باسىپ ءوتىپ، بوران - شاشىندى باستان كەشىرىپ، 100 جىلدىق ۇلكەن پارتيا كەمەلىنە كەلدى؛ ادال نيەتتى ماڭگى ساقتاپ، گۇلدەنۋ جىگەرىن شىڭداسا، بولاشاقتىق ۇلى ءىستىڭ ايبىنى اسقاق بولماق.

100 نەشە جىلدان بەرگى وزگەشە بارىسقا قايىرىلا قاراساق، پارتيامىز حالىقتى ىنتىماقتاستىرىپ جانە باستاپ، وراسان زور تابىستارعا قول جەتكىزدى، اسىرەسە، جاڭا جۇڭگو قۇرىلعان 75 جىلدان بەرى بۇكىل جۇڭگو حالقىنىڭ قاجىرلىلىقپەن كۇرەس جۇرگىزۋىنە سۇيەنىپ، جۇڭگو بىرىنشىدەن كەدەي، ەكىنشىدەن اق بولۋدان دامىپ، دۇنيە جۇزىندەگى ەكىنشى ۇلكەن ەكونوميكالىق تۇلعاعا اينالدى، نەشە ءجۇز ميلليون اۋىل - قىستاقتاعى كەدەيلەر تۇگەلدەي كەدەيلىكتەن ارىلىپ، ادامزاتتىڭ دامۋ تاريحىنداعى كەرەمەتتەردى جاراتتى. پارتيا 18 - قۇرىلتايىنان بەرى دۇنيە جۇزىندە سيرەك كەزدەسەتىن، تاريحتا سيرەك كەزدەسەتىن اۋىر حاۋىپ - قاتەر مەن سىن - سايىس الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتى ءجۇز ميلليونداعان حالىقتى ىنتىماقتاستىرىپ جانە باستاپ، سىرتقى قىسىمعا توتەپ بەرىپ، ىشكى قيىنشىلىقتاردى جەڭىپ، جۇڭگوشا سوتسياليزمنىڭ جاڭا ءداۋىرىن اشىپ، جۇڭگو ۇلگىسىندەگى وسىزامانداندىرۋعا اناعۇرلىم كەمەلدى تۇزىمدىك كەپىل، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش ازىرلەدى. بيىل جىل باسىنان بەرى پارتيا ورتالىق كوميتەتىنىڭ پارمەندى باسشىلىعىندا جەر - جەر، تاراۋلار ورنىقتىلىق بارىسىندا ىلگەرىلەۋ، ىلگەرىلەۋ ارقىلى ورنىقتىلىقتى جەبەۋ، الدىمەن ورناتىپ، ونان سوڭ كۇشىنەن قالدىرۋ تالابىن دايەكتىلەندىرىپ، ەكونوميكانىڭ قايتا ورلەۋ جاعدايىن بەكەمدەپ جانە كۇشەيتىپ، جوعارى ساپالى دامۋدى تىڭعىلىقتى ىلگەرىلەتىپ، جاڭاشا وندىرگىش كۇشتەردى جەدەل دامىتىپ، حالىقتىڭ ىرىس - قۇتىن ۇزدىكسىز ارتتىرىپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىن ساقتاپ، جۇڭگو ۇلگىسىندەگى وسىزامانداندىرۋ قۇرىلىسىنىڭ تىڭ داستانىن بىرگە جازدى.

پارتيانىڭ كۇرەس بارىسى تاريح پەن حالىقتىڭ جۇڭگو كوممۋنيستىك پارتياسىن تاڭداعانىن، جۇڭگو كوممۋنيستىك پارتياسىنىڭ تاريح پەن حالىقتىڭ تالعامىن جەردە قالدىرماعانىن تەرەڭ ايگىلەدى. جاڭا داۋىردەگى ۇلى وزگەرىس ”ەكىنى تۇراقتاندىرۋدىڭ“ − پارتيا مەن حالىقتىڭ بارلىق تۇراقسىزدىققا توتەپ بەرۋدەگى ەڭ ۇلكەن تۇراقتىلىعى، ەڭ ۇلكەن تىرەگى، ەڭ ۇلكەن كەپىلى ەكەنىن، ءبىزدىڭ ءتۇرلى حاۋىپ - قاتەر مەن سىن - سايىسقا توتەپ بەرۋىمىزدە، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋىمىزدە شەشۋشى مانگە يە ەكەنىن تولىق دالەلدەدى.

قازىر جانە بۇدان بىلايعى ءبىر مەزگىل − جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ شەشۋشى مەزگىلى. ءبىز مىنانى ابدەن بىلەمىز: جۇڭگو ۇلگىسىندەگى وسىزامانداندىرۋدى ىلگەرىلەتۋ − بۇرىنعىلار ىستەپ كورمەگەن جاسامپاز ءىس، العا باسۋ جولىندا، ءسوز جوق، بۇرىن بولىپ كورمەگەن كوپتەگەن شىت جاڭا تاقىرىپتارعا، ءتۇرلى قيىنشىلىقتار مەن حاۋىپ - قاتەرگە، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنا تاپ بولامىز. بەلگىلەنگەن كۇرەس نىساناسىن كوزدەپ، جۇڭگو ۇلگىسىندەگى وسىزامانداندىرۋ قۇرىلىسىنىڭ باتىل ارەكەتشىسى، ىسكەرى بولعاندا عانا، قيىندىقتاردى جەڭىپ، قامال الۋ بارىسىندا تابىسقا جەتىپ، باتىلدىقپەن قامال الىپ، باتىلدىقپەن ىستەۋ بارىسىندا جول اشۋعا بولادى. جاڭا جورىقتا بۇكىل پارتياداعى جولداستار شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن ساۋلەلەندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، جاسامپازدىق ومىرشەڭدىك كۇشتى تاسقىنداتىپ، كۇرەس رۋحىن ساۋلەلەندىرىپ، قۇدىرەتتى كۇش - قۋات ۇيىستىرىپ، جۇڭگو ۇلگىسىندەگى وسىزامانداندىرۋ ۇلى ءىسىن تاباندىلىقپەن ۇزدىكسىز العا ىلگەرىلەتۋى كەرەك.

رەفورما جاساپ، ەسىك اشۋ − پارتيا مەن حالىق ىستەرىنىڭ ارشىندى قاداممەن داۋىرگە ىلەسۋىندەگى ماڭىزدى اسىل، جۇڭگو تىڭ دا اناعۇرلىم زور دامۋدى جۇزەگە اسىرۋدا، تۇبىرىنەن العاندا، رەفورما جاساپ، ەسىك اشۋعا سۇيەنەدى. باس شۋجي شي جينپيڭ بىلاي دەپ باسا دارىپتەدى: ”جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، رەفورما جاساۋدى، ەسىك اشۋدى ونان ارى جاپپاي تەرەڭدەتىپ، ۇزدىكسىز قوعامدىق وندىرگىش كۇشتەردى ازات ەتۋ جانە دامىتۋ، قوعامدىق ومىرشەڭدىك كۇشتى ازات ەتۋ جانە كۇشەيتۋ كەرەك“. قىم - قۋىت كۇردەلى حالىقارالىق جانە ەل ءىشى جاعدايى، جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسى، حالىق بۇقاراسىنىڭ جاڭا تىلەگى الدىندا، ءسوز جوق، رەفورمانى سانالى تۇردە اناعۇرلىم كورنەكتى ورىنعا قويىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتىپ، رەفورمانى ونان ارى جاپپاي تەرەڭدەتۋ كەرەك. جاڭا جورىقتا ءبىز رەفورما جاساپ، ەسىك اشۋ سىندى ماڭىزدى اسىلدان پايدالانىپ، دامۋ بارىسىنداعى ماسەلەلەردى شەشۋدە، العا باسۋ جولىنداعى حاۋىپ - قاتەر مەن سىن - سايىسقا توتەپ بەرۋدە تاباندى بولىپ، رەفورمانى سوڭىنا دەيىن جۇرگىزەتىن بەرىك بەكىممەن شىنايى ىسكە كىرىسىپ، قيىندىقتاردان تايسالماي، جۇڭگو ۇلگىسىندەگى وسىزامانداندىرۋدى ىلگەرىلەتۋگە كەدەرگى بولاتىن يدەيالىق كوزقاراس پەن ءتۇزىلىس، مەحانيزم كىناراتتارىن باتىل الاستاپ، وزەكتى مىندەتتى ورىنداۋعا، ستراتەگيالىق نىسانانى جۇزەگە اسىرۋعا قوزعاۋشى كۇش قوسۋىمىز كەرەك.

جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ، پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى بەتالىسىنا، بولاشاق تاعدىرىنا، ەڭ سوڭىندا ءساتتى - ءساتسىز بولۋىنا تىكەلەي قاتىستى. ءسوز جوق، مىنانى تەرەڭ تانۋ كەرەك: ءىرى پارتيادا عانا بولاتىن قيىن ماسەلەلەردى شەشۋدىڭ سەرگەكتىگى مەن تاباندىلىعىن قاي - قاشان دا ساقتاپ، پارتيانى اناعۇرلىم پارمەندى ەتىپ قۇرىپ شىققاندا عانا، جۇڭگو ۇلگىسىندەگى وسىزامانداندىرۋدىڭ تولقىن جارا العا ىلگەرىلەۋىنە، نىق قاداممەن الىسقا جەتۋىنە كەپىلدىك ەتۋگە بولادى. جاڭا جورىقتاعى جاڭا سىن - سايىس، جاڭا سىناقتار، جاڭا جاعداي، جاڭا مىندەتتەر الدىندا، ءبىز باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىندىك توڭكەرىسى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ جەتىستىكتەرىن ۇزدىكسىز بەكەمدەپ، كەڭەيتىپ، پارتيا ءتارتىبىن ۇيرەنۋ تاربيەسىن ورىستەتۋدى وراي ەتىپ، ءتارتىپ تالابىن سانالى تۇردە كوكەيگە ۇيالاتىپ، ارەكەتتە ايگىلەپ، ساياسي تاباندىلىقتى، ءتارتىپ تاباندىلىعىن، ءمورال تاباندىلىعىن، شىرىكتەسۋگە قارسى تۇرۋ تاباندىلىعىن ۇزدىكسىز كۇشەيتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى قوزعاۋشى كۇشى مەن بىرىككەن كۇشىن قالىپتاستىرىپ، تاريح پەن حالىقتىڭ سىنىنان وتە الاتىن ناقتى ناتيجە جاراتۋعا قۇلشىنۋىمىز كەرەك.

جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ − ءارى جۇڭگو حالقىنىڭ تاماشا، باقىتتى تۇرمىسقا تالپىنۋداعى نۇرلى جولى، ءارى دۇنيە ءجۇزىنىڭ بەيبىتشىلىگى مەن دامۋىن جەبەيتىن ادىلەت جولى. وسى بىردەن - ءبىر دۇرىس داڭعىل جولمەن ارشىندى قاداممەن العا باسساق، شەكسىز تاباندىلىق، شەكسىز سەنىم بولادى. ” ءبارىمىز كۇرەسكەرمىز، بۇرىننان قازىرگە دەيىن كۇرەس جاساپ وسىنشاما شۇعىلالى تابىسقا قول جەتكىزدىك. بولاشاق نىسانامىز وتە ايقىن، وتە ۇلى، ونى جۇزەگە اسىرۋ ءۇشىن ۇزدىكسىز تىڭعىلىقتى ىستەپ كۇرەس جۇرگىزۋىمىز كەرەك“. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قايراتتانا العا ۇمتىلىپ، جاۋاپكەرشىلىك ارقالاپ، ىسكەرلىك كورسەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا اناعۇرلىم شۇعىلالى داستان جازايىق.

كەلۋ قاينارى: حالىق تورابى