ورتالىق اسكەري ىستەر كوميتەتى داڭقتى اتاق بەرۋ سالتىن وتكىزدى

7 - ايدىڭ 9 - كۇنى ورتالىق اسكەري ىستەر كوميتەتى بەيجيڭدە داڭقتى اتاق بەرۋ سالتىن سالتاناتپەن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ”ۇلگىلى زىمىران زەڭبىرەكشىلەر ليانى“ داڭقتى اتاعىنا يە بولعان قۇرلىق ارمياسى بەلگىلى لۇيى 1 - يىڭىنىڭ 2 - ليانىنە سيلىق جالاۋىن بەردى ءارى وسى لياندەگى كوماندير - جاۋىنگەرلەردىڭ ۋاكىلدەرىمەن ەستەلىك سۋرەتكە ءتۇستى.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

شينحۋا اگەنتتىگى، 7 ـ ايدىڭ 9 ـ كۇنى، بەيجيڭ (ءتىلشى مەي چاڭۋەي). جۇڭگو حالىق ازاتتىق ارمياسى قۇرىلعاندىعىنىڭ 97 جىلدىعى قارساڭىندا ورتالىق اسكەري ىستەر كوميتەتى 7 ـ ايدىڭ 9 ـ كۇنى بەيجيڭدە داڭق اتاعىن بەرۋ سالتىن سالتاناتپەن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ داڭق اتاعىنا يە بولعان ورىندارعا سيلىق تۋىن تاراتتى.

”1 - تامىز“ عيماراتىنىڭ سالت وتكىزۋ ناق مايدانىندا اسكەري بولىمدەگى كوماندير - جاۋىنگەرلەر مەن اكىمشىلىك قىزمەتكەرلەردىڭ ۋاكىلدەرى رەتتى ساپ تۇزەپ، ايبىندى دا دۋماندى بەينەگە شومدى. تۇستەن كەيىن ساعات 3 تەن 30 مينۋت وتكەندە 18 قۇرمەت قاراۋىلى الاڭعا كىرىپ، ەكى جاقتا مىلتىقتارىن سەرت ۇستاپ تاپجىلماي تۇردى، ماراپاتتاۋ سالتى باستالعاندا بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا شي جينپيڭ قول قويعان ورتالىق اسكەري ىستەر كوميتەتىنىڭ داڭق اتاعىن بەرۋ بۇيرىعىن وقىدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەر ىستەر كوميتەتى ءتوراعاسىنىڭ ورىنباسارى حى ۋەيدۇڭ سالتتى باسقاردى.

ايبىندى دا ەكپىندى «حالىق ارمياسى پارتياعا ادال بولادى» مۋزىكاسىنىڭ ءۇنى ىشىندە شي جينپيڭ ”ۇلگىلى زىمىران زەڭبىرەكشىلەر ليانى“ داڭقتى اتاعىن العان قۇرلىق ارمياسى بەلگىلى لۇيى 1 - يىڭىنىڭ 2 - ليانىنە سيلىق جالاۋىن بەردى. ليان - دۇي كوماندير - جاۋىنگەرلەرىنىڭ ۋاكىلدەرى شي جينپيڭگە قۇرمەت ءبىلدىرىپ، سيلىق جالاۋشاسىن سالتاناتپەن تاپسىرىپ الدى. شي جينپيڭ ولاردى شىن ىقىلاسپەن قۇتتىقتادى ءارى سۋرەتكە ءتۇسىپ ەستەلىك قالدىردى. تۇتاس زالدان دۋ قول شاپالاق ءۇنى كوتەرىلدى.

ماراپاتتاۋ سالتى اسقاق جۇڭگو حالىق ازاتتىق ارمياسىنىڭ ارميا انىمەن اياقتادى.

ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ ءارقايسى تاراۋلارىنداعى، ارميانىڭ بەيجيڭدە تۇراتىن قاتىستى ورىندارىنداعى نەگىزگى جاۋاپتى جولداستار، اسكەري ىستەر كوميتەتى داڭق اتاعىن بەرگەن ورىنداردىڭ ۋاكىلدەرى قاتارلىلار ماراپاتتاۋ سالتىنا قاتىناستى.

كەلۋ قاينارى: حالىق تورابى