بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

يسپانيا 2024 – جىلعى ەۆروپا چەمپيوناتىنىڭ اعا جۇلدەگەرى بولدى 

2024.07.15 13:50     كەلۋ قاينارى : حالىق تورابى

جەرگىلىكتى ۋاقىت بويىنشا 7 – ايدىڭ 14 – كۇنى، گەرمانيانىڭ بەرلين قالاسىندا وتكىزىلگەن 2024 – جىلعى ەۆروپا چەمپيوناتىنىڭ شەشۋشى جارىسىندا، يسپانيا كومانداسى 2 : 1 ۇپايمەن انگليا كومانداسىن جەڭىپ، اعا جۇلدەگەر بولدى.

جارىستىڭ 47 – مينۋتىندا، سوڭعى جارىمى باستالعاننان كوپ وتپەي، يسپانيا كومانداسىنداعى نيكو ۆيليامس الدىمەن ءبىر ۇپايعا يە بولدى. جارىستىڭ 73 – مينۋتىندا، انگليا كومانداسىنداعى كول پالمەر ۇپايعا يە بولىپ، ۇپاي سانى 1 : 1 بولدى. جارىستىڭ 86 – مينۋتىندا يسپانيا كومانداسىنداعى مايكەل ويارزابال جەڭىسكە جەتكىزگەن ءبىر ۇپايعا يە بولىپ، ۇپاي سانى 2 : 1 بولدى.

يسپانيا كومانداسى وسىدان بۇرىن 1964 – جىلى، 2008 – جىلى، 2012 – جىلى ءۇش رەت ەۆروپا چەمپيوناتىنىڭ اعا جۇلدەگەرى بولعان. انگليا كومانداسى قازىرگە دەيىن ەۆروپا چەمپيوناتىنىڭ اعا جۇلدەگەرى بولىپ كورمەگەن. يسپانيا كومانداسى 4 - رەت ەۆروپا چەمپيوناتىنىڭ اعا جۇلدەگەرى بولىپ، انگليا كومانداسىنىڭ تۇڭعىش رەت اعا جۇلدەگەر بولۋ سىندى ءۇمىتى سەلگە كەتتى. (باس ستانسيا ءتىلشىسى چىن لينسۇڭ، ۋەي فان)

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى