شي جينپيڭ ۆانۋاتۋدىڭ زۇڭليى سالۋايمەن كەزدەستى

7 - ايدىڭ 12 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن ۆانۋاتۋدىڭ زۇڭليى سالۋايمەن كەزدەستى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

شينحۋا اگەنتتىگى، 7 - ايدىڭ 12 – كۇنى، بەيجيڭ (ءتىلشى جىڭ ميڭدا). 7 - ايدىڭ 12 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن ۆانۋاتۋدىڭ زۇڭليى سالۋايمەن كەزدەستى.

شي جينپيڭ سالۋايدىڭ ۇزاق ۋاقىتتان بەرى جۇڭگو - ۆانۋاتۋ قارىم - قاتىناسىنىڭ دامۋىن ىلگەرىلەتۋدە ماڭىزدى رول اتقارعانىن القادى. شي جينپيڭ بىلاي دەپ اتاپ كورسەتتى: ۆانۋاتۋ − جۇڭگونىڭ تىنىق مۇحيتتاعى ارال ەلدەرى وڭىرىندەگى جاقسى دوسى، جاقسى سەرىگى. جۇڭگو مەن ۆانۋاتۋ ديپلوماتيالىق قارىم - قاتىناس ورناتقان 42 جىلدان بەرى ەكى ەلدىڭ دوستىعى ۋاقىت وتكەن سايىن بەكەمدەلىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە باستان - اياق ءبىرىن - ءبىرى تاباندىلىقپەن قولدادى. جۇڭگو جاق جۇڭگو - ۆانۋاتۋ قارىم - قاتىناسىنىڭ دامۋىنا ايرىقشا ءمان بەرەدى، ۆانۋاتۋ جاقپەن جوعارى دەڭگەيدەگى ساياسي ءوزارا سەنىمدىلىكتى ۇزدىكسىز تەرەڭدەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، بارلىق جاعدايدا بىردەي، جان - جاقتى دوستىق سەلبەستىكتى تەرەڭدەتىپ، جاڭا داۋىردەگى جۇڭگو - ۆانۋاتۋ تاعدىرلاس ورتاق تۇلعاسىن قول ۇستاسا قۇرۋدى قالايدى. جۇڭگو جاق ۆانۋاتۋ جاقپەن ەل باسقارۋ تاجىريبەلەرىن اۋىستىرىپ، جۇڭگو ۇلگىسىندەگى وسىزامانداندىرۋ بارىسىنداعى دامۋ ورايىنان بىرگە يگىلىكتەنىپ، دامۋ ستراتەگيالارىن ءتۇيىلىستىرۋدى كۇشەيتىپ، نەگىزدىك قۇرىلعى، ەكونوميكا - ساۋدا، قارجى قوسۋ، كليمات وزگەرىسىنە توتەپ بەرۋ سياقتى سالالارداعى ناقتى ىستەر سەلبەستىگىن تەرەڭدەتۋدى، جۇڭگو كاسىپورىندارىن ۆانۋاتۋعا بارىپ قارجى قوسۋعا، سەلبەستىك جاساۋعا ىنتالاندىرۋدى قالايدى. جۇڭگو جاق ۆانۋاتۋعا ۇزدىكسىز ەشقانداي ساياسي شارت ۇستەمەيتىن ەكونوميكالىق، تەحنيكالىق كومەك كورسەتىپ، ۆانۋاتۋدىڭ دامۋ، گۇلدەنۋ جولىمەن ويداعىداي جۇرۋىنە دەم بەرۋدى قالايدى.

شي جينپيڭ بىلاي دەپ باسا دارىپتەدى: جۇڭگو ءىرى، شاعىن ەلدەردىڭ ءبارىنىڭ تەرەزەسى تەڭ دەگەنگە تاباندى بولادى، ادىلەت پەن مۇددەنى قاتار ۇستانۋعا، ادىلەتتىلىكتى باستى ورىنعا قويۋعا تاباندى بولادى، ءىرى ەلدەرمەن باسەكەلەسۋدى قاراستىرمايدى، وڭىرلىك ىقپال كولەمىن كوزدەمەيدى، باسقا ەلدىڭ ىشكى ىسىنە كيلىكپەيدى، باسقا ەلدەردى ءبىر تاراپتى تاڭداپ، سول جاقتا تۇرۋعا زورلامايدى، باستان - اياق تاريحتىڭ دۇرىس جاعىندا، ادىلدىك، تۋراشىلدىق جاعىندا تۇرادى. جۇڭگو − تىنىق مۇحيتتاعى ارال ەلدەرى ءوڭىرىنىڭ بەيبىت قاتار تۇرۋىن، بىرگە دامۋىن ىلگەرىلەتۋشى جانە وعان ۇلەس قوسۋشى. جۇڭگونىڭ بىرلەسكەن مەملەكەتتەر ۇيىمىنداعى ءبىر بەلەتى ماڭگى وركەندەپ كەلە جاتقان ەلدەرگە ءتان. جۇڭگو جاق تىنىق مۇحيتتاعى ارال ەلدەرىمەن قارىم - قاتىناسقا ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ تۇرعىسىنان مامىلە جاسايدى جانە ءمان بەرەدى، ارال ەلدەرىنىڭ ەكونوميكالىق، قوعامدىق دامۋىنا جانە حالىق تۇرمىسىن جاقسارتۋىنا قولىنان كەلگەنىنشە ۇزدىكسىز كومەكتەسىپ، ارال ەلدەرىنىڭ دەربەس، باياندى دامۋ نىساناسىن جەدەل جۇزەگە اسىرۋىن قولداۋدى قالايدى.

سالۋاي مىنالاردى ءبىلدىردى: ۆانۋاتۋ مەن جۇڭگو ديپلوماتيالىق قارىم - قاتىناس ورناتقان 42 جىلدان بەرى ەكى ەل قارىم - قاتىناسى تاماشا، سەرپىندى دامىدى. ءتوراعا شي جينپيڭنىڭ كەرەمەت باسشىلىعىندا، جۇڭگونىڭ دامۋى ۇلى تابىستارعا قول جەتكىزىپ، مەملەكەت ىنتىماقتى، ورنىقتىلىقتى ساقتاپ، جۇڭگو ۇلگىسىندەگى وسىزامانداندىرۋ ارقىلى ۇلتتىڭ گۇلدەنۋ ۇلى ءىسىن ىلگەرىلەتۋدە. بۇعان ۆانۋاتۋ جاق ايرىقشا سۇيىنەدى. ءتوراعا شي جينپيڭ العا قويعان 3 ۇلكەن دۇنيە جۇزىلىك باستاما مەن ادامزاتتىڭ تاعدىرلاس ورتاق تۇلعاسىن قۇرۋ ۇستانىمى حالىقارالىق ادىلدىك پەن ادىلەتتىلىكتى قورعاۋدا، بىرگە دامۋدى جەبەۋدە كەلەلى ماڭىز الادى. جۇڭگو بەيبىت قاتار تۇرۋدىڭ بەس پرينسيبىن امالياتتا ايگىلەپ، ۆانۋاتۋ سياقتى شاعىن ەلگە بىردەي مامىلە جاساپ، تەڭدىك پەن قۇرمەتتى تولىق بەينەلەدى. ۆانۋاتۋ ۇكىمەتى ءبىر جۇڭگو پرينسيبىن باتىل اتقارادى، تايۋان جۇڭگو تەرريتورياسىنىڭ ايرىلماس ءبىر بولىگى دەپ قارايدى، جۇڭگو ۇكىمەتىنىڭ مەملەكەتتىڭ تۇتاستىعىن جۇزەگە اسىرۋ ءۇشىن جاساعان بارلىق قۇلشىنىستارىن باتىل قولدايدى، ءارقانداي فورماداعى ”تايۋاندى دەربەستەندىرۋگە“ باتىل قارسى تۇرادى، جۇڭگو جاقتىڭ شينجياڭعا ساياتىن، شياڭگاڭعا ساياتىن، شيزاڭعا ساياتىن، ادامدىق ۇقىق، نانحاي تەڭىزى سياقتى ماسەلەلەردەگى تۇرعىسىن باتىل قولدايدى. ۆانۋاتۋ جاق جۇڭگو جاقتىڭ ەل باسقارۋ تاجىريبەلەرىنەن ۇيرەنىپ، ۇلگى الىپ، جۇڭگو جاقپەن دامۋ ستراتەگياسىن ءتۇيىلىستىرۋدى كۇشەيتىپ، نەگىزدىك قۇرىلعى، ەكونوميكا - ساۋدا سياقتى سالالارداعى ناقتى سەلبەستىكتى ىلگەرىلەتۋدى قالايدى. ۆانۋاتۋ جاق جۇڭگو جاقپەن حالىقارالىق كوپ جاقتى ىستەستىكتى نىعايتىپ، ۆانۋاتۋ مەن جۇڭگونىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.

ەكى جاق «جۇڭحۋا حالىق رەسپۋبليكاسى مەن ۆانۋاتۋ رەسپۋبليكاسىنىڭ بىرلەسكەن مالىمدەمەسىن» جاريالاپ، ەكى ەلدىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ ساپاسىن جوعارىلاتىپ، دەڭگەيىن كوتەرىپ، جاڭا داۋىردەگى جۇڭگو - ۆانۋاتۋ تاعدىرلاس ورتاق تۇلعاسىن قۇرۋدى ءبىر اۋىزدان قۇپتادى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى