چيڭحاي – شيزاڭ ۇستىرتىندەگى ءىرى كولدەرگە بۇرعىلاپ تەكسەرۋ جۇرگىزۋ تەرەڭدىگى 400 مەتردەن استى 

شينحۋا اگەنتتىگىنىڭ ءتىلشىسى تيان جينۋىن، ليۋ جوۋپىڭ، چيۋ شيڭشياڭ لحاسادان حابارلايدى. جۋىردا تەڭىز دەڭگەيىنەن بيىكتىگى 4700 مەتر كەلەتىن نامۋسو كولىنىڭ ورتالىعىندا كوپ ەلدىڭ بىرلەسكەن عىلىمي زەرتتەۋ اترەتى تالىقپاي قۇلشىنۋ ارقىلى كول تۇبىندەگى تەرەڭدىگى 402.2 مەتر كەلەتىن جەردەن كول تۇبىندەگى تاستىڭ وزەگىنە ءساتتى قول جەتكىزدى. بۇل جۇڭگونىڭ چيڭحاي – شيزاڭ ۇستىرتىندەگى ءىرى كولدە بۇرعىلاپ بارلاۋ جۇرگىزۋ بارىسىندا تۇڭعىش رەت 400 مەترلىك تەرەڭدىكتەن ءساتتى تۇردە اسۋى بولىپ، 2020 – جىلى نامۋسو كولىندە بارلاۋ جۇرگىزگەندەگى 153.44 مەترلىك ەڭ تەرەڭ بۇرعىلاپ بارلاۋ رەكوردىن جاڭالادى، بۇل جەتىستىك جۇڭگونىڭ كولدە بۇرعىلاپ بارلاۋ جۇرگىزۋىن جانە ەجەلگى كليماتتى زەرتتەۋىن ىلگەرىلەتۋدە ماڭىزدى ءمان الادى.

نامۋسو كولىندەگى عىلىمي زەرتتەۋ قىزمەتىنە جاۋاپتىلاردىڭ ءبىرى، جۇڭگو عىلىم اكادەمياسىنىڭ چيڭحاي – شيزاڭ ۇستىرتىندەگى زەرتتەۋ بولىمشەسىنىڭ زەرتتەرمەنى ۋاڭ جۇنبو: ”كولدەگى تاس وزەگى ارقىلى ەجەلگى كليماتتىڭ ءتۇرلى ۋاقىتتاعى قايتا قالىپتاسۋىنا زەرتتەۋ جۇرگىزىپ، ەجەلگى كليمات ورتاسىنىڭ جاعدايىن ىشكەرىلەي ۇعىنا الامىز، وسى رەت كولدە بۇرعىلاپ بارلاۋ جۇرگىزۋ بارىسىندا چيڭحاي – شيزاڭ ءۇستىرتىنىڭ وتكەن ميلليون جىلدان بەرگى كليمات ورتاسىنداعى وزگەرىستەردى زەرتتەپ اشۋعا تىڭ عىلىمي نەگىز ازىرلەدىك“، _ دەدى.

نامۋسو كولىندە عىلىمي زەرتتەۋ جۇرگىزۋ قىزمەتىنە جاۋاپتىلاردىڭ ءبىرى، جۇڭگو عىلىم اكادەمياسىنىڭ چيڭحاي – شيزاڭ ۇستىرتىندەگى زەرتتەۋ بولىمشەسىنىڭ زەرتتەرمەنى جۋ ليپيڭ بىلاي دەپ تانىستىردى: وسى رەتكى نامۋسو كولىنەن تاس وزەگىن بۇرعىلاپ بارلاۋ قىزمەتى حالىقارالىق قۇرلىقتا عىلىمي بۇرعىلاپ تەكسەرۋ جۇرگىزۋ جوسپارىنداعى (ICDP) قازىرگە دەيىن تەڭىز دەڭگەيىنەن ەڭ بيىك ورىنداعى بۇرعىلاپ تەكسەرۋ نىسانى سانالادى، بۇرعىلاپ بارلاۋ تەكشەسى مەن نەگىزگى بۇرعىلاپ بارلاۋ جاعىنداعى تەحنيكالىق قىزمەتكەرلەردىڭ بارلىعى جۇڭگولىقتار، جيناپ العان تاس وزەگى جۇڭگودا ماڭگى ساقتالادى. بۇرعىلاپ بارلاۋ تەرەڭدىگى جاعىندا وسى رەت ناتيجە جاراتىلدى، بۇل جۇڭگونىڭ بۇدان بىلاي كولدە بۇرعىلاپ بارلاۋ جۇرگىزۋ جاعىندا جوعارى ورەدە زەرتتەۋ جۇرگىزۋىنە نەگىز قالاپ، جۇڭگو عىلىمي زەرتتەۋ قىزمەتكەرلەرىنىڭ حالىقارادا عىلىمي زەرتتەۋ جاعىندا سەلبەستىك جاساۋ بارىسىندا پىكىر ءبىلدىرۋ ۇقىعى مەن ىقپالىن جوعارىلاتادى.

كەلۋ قاينارى: حالىق تورابى