ماماندار: التسگەيمەر اۋرۋىنىڭ تۋىلۋىنان 35 جاستان باستاپ ساقتانۋ قاجەت 

التسگەيمەر (الجۋ) اۋرۋى جاسىرىن پايدا بولاتىن، بىرتىندەپ ۇلعاياتىن نەرۆتىڭ ناشارلاۋى سيپاتتى اۋرۋ، كلينيكالىق ەرەكشەلىگى، باستىسى، تانۋ - اجىراتۋ جاعىندا كەدەرگىگە ۇشىراۋ، رۋحاني جاقتاعى ارەكەتى قالىپسىز بولۋ جانە قوعامدىق – تۇرمىستىق جاقتاعى فۋنكتيساسى كەرى شەگىنۋ بولىپ تابىلادى.

(جۇڭگو) التسگەيمەر اۋرۋىنان ساقتانۋ جانە ونى ەمدەۋ بىرلەستىگىنىڭ باستىعى ۋاڭ جۇننىڭ ايتۋىنشا، التسگەيمەر اۋرۋىنا شالدىعۋ ىقتيمالدىعى بارلاردى ەرتە تەكسەرىپ انىقتاۋ اۋرۋعا شالدىعۋ مولشەرىن تومەندەتۋگە پايدالى. ول التسگەيمەر اۋرۋىنا شالدىعۋدان ەرتە باستان ساقتانۋدى ەسكەرتەدى، 35 جاستان باستاپ – اق تاماشا ادەت قالىپتاستىرۋ قاجەت، مىسالى، نەگىزدىك اۋرۋلاردى ازايتۋ، ۇزاق ۋاقىت قوزعالماي وتىرۋدان ساقتانۋ، ماسكۇنەمدىككە سالىنباۋ جانە جاي ۇيىقتاماۋ قاتارلىلار، مۇنان سىرت، ىشەك جولىنىڭ اقاۋسىزدىعىنا ءمان بەرىپ، ءىش قاتۋدان ساقتانعان ءجون.

ۋاڭ جۇن مىنانى اتاپ كورسەتتى: التسگەيمەر اۋرۋىنا شالدىققان ناۋقاستى كۇتىمدەگەن كەزدە، ناۋقاستىڭ تەڭگەرىمدى ازىقتانۋىنا كوڭىل ءبولۋ، ميدىڭ قۋاتىن جاتتىقتىرۋ قاتارلىلارعا تاباندى بولۋ كەرەك.

چيڭحۋا داشۋەسى يۇيچۋان ەمحاناسى نەرۆتىك ىشكى اۋرۋلار ءبولىمىنىڭ مەڭگەرۋشىسى چياۋ لييان مىنانى باسا دارىپتەدى: التسگەيمەر اۋرۋىنا شالدىققان ناۋقاستار وعان بولا نامىستانباۋى، ەمدەلۋدى جالعاستىرۋى، وسىعان قاتىستى بىلىمدەرى جالپىلاستىرۋ سيپاتىنداعى ماقالالاردى كوبىرەك وقىپ، اۋرۋدىڭ ۇلعايۋ بارىسىن ءتۇسىنۋى كەرەك. التسگەيمەر اۋرۋىنا شالدىققان ناۋقاستى كۇتىمدەۋشىلەر ءوزىنىڭ پسيحولوگيالىق سالاماتتىعىنا كوڭىل ءبولۋى، ويداعىداي دەمالىپ، قاتتى دىڭكەلەمەۋى قاجەت، سوندا عانا ناۋقاستى اناعۇرلىم ويداعىداي كۇتىمدەۋگە بولادى.

كەلۋ قاينارى: حالىق تورابى