ءتورتىنشى توپتاعى قۇندى ەمدەۋ ماتەريالدارىن شوعىرلى ساتىپ الۋ ناتيجەسى وسى ايدا اتقارىلادى 

مەملەكەتتىك ەمدەۋدى قامتاماسىزداندىرۋ مەڭگەرمەسىنىڭ تالابىنا ساي، مەملەكەت ۇيىمداستىرعان ءتورتىنشى توپتاعى قۇندى ەمدەۋ ماتەريالدارىن شوعىرلى ساتىپ الۋ بارىسىندا مولشەرلى ساتىپ الۋ ناتيجەسى وسى ايدا بۇكىل ەلىمىزدەگى ءارقايسى ولكەلەردە اتقارىلادى.

كوزگە اق ءتۇسۋ — قازىر دۇنيە جۇزىندەگى سوقىرلىققا دۋشار ەتەتىن اۋرۋلاردىڭ ىشىندە ءبىرىنشى ورىندا. جۇڭحۋا مەديتسينا قوعامى كوز اۋرۋلارى عىلىمي قوعامىنىڭ ساناق مالىمەتىنە قاراعاندا، ەلىمىزدە 60 جاستان 89 جاسقا دەيىنگىلەردىڭ اراسىندا كوزگە اق ءتۇسۋ اۋرۋىنا شالدىققانداردىڭ سانى %80. جاساندى كريستال دەنە كوزگە اق ءتۇسۋدى ەمدەيتىن ماتەريالداردىڭ ءبىرى رەتىندە، شوعىرلى ساتىپ الۋدان كەيىن ودان پايدالاناتىن ناۋقاستاردىڭ اۋىرتپالىعى كورنەكتى تومەندەيدى.

لاي شياۋلينگە ءتورت جىلدىڭ الدىندا ەكى كوزىنەن بىردەي قوسانجارلامالى كوزگە اق ءتۇسۋ اۋرۋىنا شالدىققان دەپ دياگنوز قويىلعان، سول كەزدە ول 17 مىڭ يۋاننان استام قاراجات جۇمساپ، سول كوزىنە جاساندى كريستال دەنە سالعىزعان. وسى رەت جاساندى كريستال دەنەنى مەملەكەت بويىنشا شوعىرلى ساتىپ الۋ ناتيجەسى 7 – ايدىڭ باسىندا حۋناندا اتقارىلعان سوڭ، لاي شياۋلين تاعى ءبىر كوزىنە اق ءتۇسۋىن ەمدەتۋ ءۇشىن ارناۋلى كەلىپ وپەراتسيا جاساتادى، وڭ كوزىنىڭ بۇرىنعى كورۋ قۋاتى 0.08 دەن قالپىنا كەلىپ 1.2 بولعان.

لاي شياۋلين ەسىمدى ناۋقاس بىلاي دەيدى: وڭ كوزىمە سالىنعان جاساندى كريستال دەنەنىڭ ساپاسى ۇقساس، شىققان زاۆودى ۇقساس، ەمدەۋدى قامسىزداندىرۋ ەسەبىنەن كوتەرگەننەن كەيىن، ءوزىم تەك 5400 يۋان اقشا تولەدىم، _ دەيدى.

شيپاگەردىڭ تىلشىگە ايتۋىنشا، جاساندى كريستال دەنە كوزگە اق ءتۇسۋ قاتارلى كوز اۋرۋلارىنا وپەراتسيا جاساۋداعى ”ماڭىزدى زات“، شوعىرلى ساتىپ الۋدان بۇرىن، ەمدەۋ قاراجاتىنىڭ 80 پايىزعا جۋىعىن ۇستايتىن.

كەلۋ قاينارى: حالىق تورابى