مەملەكەتتىك دەنە تاربيە باس مەكەمەسىنىڭ بۇرىنعى ورىنباسار باستىعى دۋ جاۋسايدىڭ پارا الۋ دەلوسى جونىندە ءبىرىنشى سوت اشىلدى

شينحۋا اگەنتتىگىنىڭ 8 ـ ايدىڭ 28 ـ كۇنى ۋحاننان بەرگەن حابارى. 8 ـ ايدىڭ 28 ـ كۇنى حۋبەي ولكەسى ۋحان قالالىق ورتا دارەجەلى حالىق سوت مەكەمەسى مەملەكەتتىك دەنە تاربيە باس مەكەمەسى پارتگرۋپپاسىنىڭ بۇرىنعى مۇشەسى، بۇرىنعى ورىنباسار باستىعى، جۇڭگو فۋتبول قوعامى پارتكومىنىڭ بۇرىنعى شۋجيى، ورىنباسار ءتوراعاسى دۋ جاۋسايدىڭ پارا الۋ دەلوسىنا ءبىرىنشى سوتتا اشىق سوت اشتى.

حۋبەي ولكەسى ۋحان قالالىق حالىق پروكۋراتۋراسى بىلاي دەپ ايىپتاما بەردى: 2012 - جىلدان 2022 - جىلعا دەيىن ايىپكەر دۋ جاۋساي مەملەكەتتىك دەنە تاربيە باس مەكەمەسى جەڭىل اتلەتيكا سپورتىن باسقارۋ ورتالىعى پارتكومىنىڭ شۋجيى، مەڭگەرۋشىسى، مەملەكەتتىك دەنە تاربيە باس مەكەمەسى پارتگرۋپپاسىنىڭ مۇشەسى، مەكەمە باستىعىنىڭ كومەكشىسى، ورىنباسار مەكەمە باستىعى، جۇڭگو فۋتبول بىرلەستىگى پارتكومىنىڭ شۋجيى، ورىنباسار ءتوراعاسى قاتارلى مىندەتتەردى وتەگەن كەزىندە، مىندەت جاعىنداعى قولايلىلىقتاردان پايدالانىپ، قاتىستى ورىندار مەن جەكەلەرگە جارىس ىستەرىن مىندەتىنە الۋ، كادرلاردى ورنالاستىرۋ، دوپشىلاردى اۋىستىرۋ سياقتى جاقتاردا كومەك كورسەتىپ، تىكەلەي نەمەسە تۋىس - تۋعاندارى ارقىلى زاڭسىز قابىلداعان مال - مۇلكى حالىق اقشاسىنا سىندىرعاندا جيىنى 43 ميلليون 410 مىڭ يۋاننان اسقان. پروكۋراتۋرا ورگانى پارا الۋ قىلمىسى بويىنشا دۋ جاۋسايدىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتەدى.

سوتتا الەۋمەتتىك ايىپتاۋ ورگانى قاتىستى دالەل - ىسپاتتاردى كورسەتتى، ايىپكەر دۋ جاۋساي مەن ونىڭ اقتاۋشىسى فاكت كورسەتتى، ايىپتاۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، دۋ جاۋساي سوڭعى ءسوزىن سويلەدى ءارى سوت ۇستىندە قىلمىسىن تانىپ، وكىنەتىندىگىن ءبىلدىردى. ەڭ سوڭىندا سوت ءۇزىلىس جاساعانىن، ۇكىمدى ارتىنان جاريالايتىندىعىن ايتتى.

حالىق قۇرىلتايى ۋاكىلدەرى، ساياسي كەڭەس مۇشەلەرى، اقپارات قۇرالدارىنىڭ تىلشىلەرى قاتارلى ءار سالاداعى بۇقارادان 20 نەشە ادام سوت تەرگەۋىن سىرتتاي تىڭدادى.

كەلۋ قاينارى: حالىق تورابى