جۇڭگو شەتەل ارميالارىنىڭ سيرياداعى زاڭسىز اسكەري ىستەرىن توقتاتۋعا قۋزادى

شينحۋا اگەنتتىگىنىڭ 8 – ايدىڭ 28 – كۇنى بەرگەن حابارى. جۇڭگونىڭ بىرلەسكەن مەملەكەتتەر ۇيىمىندا تۇراقتى تۇراتىن ورىنباسار ۋاكىلى گىڭ شۋاڭ 8 – ايدىڭ 28 - كۇنى ب م ۇ ـ نىڭ حاۋىپسىزدىك القالار كەڭەسىنىڭ سيرياداعى ساياسي ادامگەرشىلىك ماسەلەسىن جاريا ەتۋ ماجىلىسىندە بىلاي دەدى: جۇڭگو يزرايلدى سيرياعا بولعان شابۋىلىن توقتاتۋعا، شەتەل ارميالارىنىڭ سيرياداعى زاڭسىز اسكەري ارەكەتتەرىن اياقتاتۋعا قۋزايدى، شەكارا سىرتىنداعى ءىرى ەلدەردىڭ وڭىرلىك جاعدايدىڭ باسەڭدەۋىن ىلگەرىلەتۋدە سىندارلى رول اتقارۋىن ءۇمىت ەتەدى.

گىڭ شۋاڭ بىلاي دەدى: سيريانىڭ يەلىك ۇقىعى مەن تەرريتوريا تۇتاستىعىن باتىل قورعاۋ كەرەك. جۇڭگو قاتىستى جاقتاردى بارىنشا ۇستامدى بولىپ، سيريانى قامتىعان وڭىردەگى ەلدەردىڭ ورنىقتىلىعىن قورعاۋ جولىندا شىنايى قۇلشىنۋعا ۇندەيدى.

گىڭ شۋاڭ بىلاي دەدى: سيريا ماسەلەسىن ساياسي جولمەن شەشۋ باعىتىنان اۋىتقىماۋعا تاباندى بولۋ كەرەك. جۇڭگو ب م ۇ ـ نىڭ باس حاتشىسى، سيريا ماسەلەسىنىڭ ەرەكشە ەلشىسى پەي كايرۋدىڭ ”سيريالىقتار باس بولۋ، سيريالىقتارعا ءتان بولۋ“ پرينسيبى بويىنشا ءار جاقتى قىزمەتتى ۇزدىكسىز ىستەۋىن قولدايدى، سونداي ـ اق قازىرگى ءتۇرلى پىكىرلەسۋ مەحانيزمىنىڭ ءوزارا سەلبەسىپ، سيريا ۇكىمەتىمەن پىكىرلەسۋ، كەڭەسۋ نەگىزىندە ساياسي جولمەن شەشۋگە دەم بەرۋىن ءۇمىت ەتەدى.

گىڭ شۋاڭ سيريالىقتاردىڭ ادامگەرشىلىك جاعدايىنىڭ تۇبىرىنەن جاقسارۋىن ىلگەرىلەتۋدى باسا دارىپتەدى. سيريا ۇكىمەتى مەن ب م ۇ ـ نىڭ بىرگە قۇلشىنۋىندا شەكارا اتتاعان قۇتقارۋ ـ كومەكتەسۋ مەحانيزمى ورنىقتى اينالىمعا ءتۇستى. جۇڭگو قاتىستى جاقتاردى يكەمدىلىكتى ايگىلەپ، شەپ اتتاپ قۇتقارۋدى قالپىنا كەلتىرۋ جولىندا قۇلشىنۋعا قۋزايدى. جۇڭگو جاق جىلۋ بەرۋشى جاقتى جىلۋ بەرۋ ۋادەسىن تياناقتاندىرىپ، سيريانىڭ بارلىق جەرىندەگى ادامگەرشىلىك نىساندارىنىڭ جەتكىلىكتى قارجىلىق قولداۋعا يە بولۋىن قامتاماسىز ەتۋگە ۇندەيدى. سىڭار جاقتى جازالاۋ مەن بايلىقتى زاڭسىز توناۋ سيريا ەكونوميكاسىنىڭ قالپىنا كەلۋ جانە قوعامدىق دامۋ قابىلەتىن اۋىر دارەجەدە السىرەتتى، ونى، ءسوز جوق، دەرەۋ توقتاتۋ كەرەك.

كەلۋ قاينارى: حالىق تورابى