قازىرشە بارماڭىز! ەلشىحانامىز تاعى دا شۇعىل ەسكەرتۋ بەردى!

جاقىندا پاكيستاننىڭ بەلۋجيستان ولكەسى مەن كاپ ولكەسىندە كوپ رەت حاۋىپسىزدىك وقيعاسى تۋىلدى. جۇڭگونىڭ پاكيستانداعى ەلشىحاناسى وسىدان بۇرىن جۇڭگو ازاماتتارىنا پاكيستاننىڭ قازىرگى حاۋىپسىزدىك حاۋىپ ـ قاتەرىن تولىق ءتۇسىنۋدى، تانۋدى، پاكيستانعا ابايلاپ كەلۋدى، بەلۋجيستان ولكەسى، كاپ ولكەسى قاتارلى حاۋىپ ـ قاتەرى جوعارى وڭىرلەرگە بارماۋدى ەسكەرتكەن بولاتىن.

8 – ايدىڭ 27 – كۇنى جۇڭگونىڭ پاكيستانداعى ەلشىحاناسى پاكيستانداعى جۇڭگو ازاماتتارىنا تاياۋ مەزگىلدەگى حاۋىپسىزدىك جاعدايىنا قاداعالاي نازار اۋدارىپ، حاۋىپسىزدىك تانىمىن شىنايى كۇشەيتىپ، حاۋىپسىزدىك حاۋىپ ـ قاتەرىنەن قاتاڭ ساقتانىپ، جەرگىلىكتى زاڭ ـ ەرەجەلەرگە بويسۇنىپ، جەرگىلىكتى حاۋىپسىزدىكتى قورعاۋ تاراۋلارىمەن ويداعىداي پىكىر اۋىستىرىپ، ءوز اماندىعىنىڭ ءبىرىنشى جاۋاپتى ادامى بولۋدى تاعى ءبىر رەت ەسكەرتتى.

ەگەر شۇعىل جاعدايعا تاپ بولساڭىز، دەر كەزىندە ساقشىعا مالىمدەڭىز ءارى جۇڭگونىڭ پاكيستانداعى ەلشىحانالارىمەن، كونسۋلحانالارىمەن بايلانىس جاساپ كومەك سۇراڭىز. ەگەر، جۇڭگو ازاماتتارى ەسكەرتۋ جاريالاعاننان كەيىن دە جوعارىداعى حاۋىپ - قاتەرى جوعارى رايوندارعا باراتىن بولسا، ىسكە قاتىستى ادامدار وتە جوعارى حاۋىپسىزدىك حاۋىپ – قاتەرىنە تاپ بولۋى مۇمكىن ءارى ونىڭ سەلبەسۋ ناقتى ونىمدىلىگىنە اۋىر ىقپال جاساۋى مۇمكىن، مۇندا سەلبەسۋدەن تۋىلعان قاراجاتتى جەكەلەر ۇستىنە الادى.

پاكيستاننىڭ شۇعىل كومەك سۇراۋ تەلەفونى: توناۋشىلىق ساقشىسى: 15، شۇعىل قۇتقارۋ: 115

سىرتقى ىستەر مينيسترلىگىنىڭ بۇكىل جەر شارىندىق كونسۋلدىق قورعاۋ جانە قىزمەت وتەۋ شۇعىل جاعدايعا توتەپ بەرۋ ىستىق لەنياسى (24 ساعات): +86-10-12308/+86-10-65612308

پاكيستاندا تۇراتىن ەلشىحانانىڭ قورعاۋ تەلەفونى: +92-315-6060000

كاراچيدا تۇراتىن باس كونسۋلحانانىڭ قورعاۋ تەلەفونى: +92-311-2311297

لاحىردا تۇراتىن باس كونسۋلحانانىڭ قورعاۋ تەلەفونى: +92-315-4130168

كەلۋ قاينارى: حالىق تورابى