17 – كەزەكتى جازعى مۇگەدەكتەر وليمپيادا جارىسى پاريجدە باستالدى

«حالىق گازەتى»، 8 - ايدىڭ 28 – كۇنى، پاريج. مۇگەدەكتەردىڭ 17 - كەزەكتى جازعى وليمپيادا سپورت جارىسى سول جەر ۋاقىتى 8 - ايدىڭ 28 - كۇنى كەشتە پاريجدە باستالدى، بۇل − مۇگەدەكتەردىڭ جازعى وليمپيادا جارىسىنىڭ تۇڭعىش رەت پاريجدە وتكىزىلۋى.

پاريج مۇگەدەكتەر وليمپياداسى پاريج وليمپياداسىمەن بىرگە ”وليمپيادا سپورت جارىسىنىڭ ءتىپتى دە اشىق بولۋ“ ۇرانىنان يگىلىكتەندى، اشىلۋ سالتى دا جازعى مۇگەدەكتەر وليمپياداسى تاريحىندا تۇڭعىش رەت سپورت الاڭىنىڭ سىرتىنا جانە قالانىڭ ورتالىق بولىگىنە كەلدى. دۇنيە ءجۇزىنىڭ ءارقايسى جەرىنەن كەلگەن مۇگەدەكتەر وليمپيادا سپورت جارىسىنىڭ شەبەرلەرى شانچەلەس كوشەسىنەن جولعا شىعىپ، مەدەت بەرۋ ءۇنى ىشىندە گارمونيا الاڭىنا كىردى.

پاريج مۇگەدەكتەر وليمپيادا سپورت جارىسى جۇڭگو دەنەتاربيە ۋاكىلدەر ۇيىرمەسى ايەلدەر دوڭگەلەكتى ورىندىق سەمسەر سپورتشىسى ۋ حاييان مەن ەرلەر كوتەرگى كوتەرۋ سپورتشىسى چي يۇڭكاي سىندى ەكى تۋ ۇستاۋشىنىڭ جەتەكشىلىگىندە الاڭعا كىردى. ۋاكىلدەر ۇيىرمەسىنىڭ جالپى سپورتشىسى 284 ادام، ورتاشا جاسى 25.8 جاس، جاسى ەڭ ۇلكەنى 48 جاستاعى تاق - تۇق دوپ سپورتشىسى شيۇڭ گۇييان، جاسى ەڭ كىشىسى 15 جاستاعى مالتاۋ سپورتشىسى جۋ حۇي. ۋاكىلدەر ۇيىرمەسى پاريج مۇگەدەكتەر وليمپياداسىنىڭ ساداق تارتۋ، جەڭىل اتلەتيكا، قاۋىرسىن دوپ، قاتتى جەردە دوپ دومالاتۋ سياقتى 19 ۇلكەن تۇردەگى، 302 شاعىن تۇردەگى جارىسىنا قاتىناسادى.

پاريج وليمپيادا سپورت جارىسىن ۇيىمداستىرۋ كوميسسياسىنىڭ ءتوراعاسى توني ەستەنگەي مەن حالىقارالىق مۇگەدەكتەر وليمپيادا كوميتەتىنىڭ ءتوراعاسى اندرەۋ پاسەنس ىلگەرىندى - كەيىندى ءسوز سويلەدى.

”مۇگەدەكتەر وليمپيادا سپورت جارىسى شەبەرلەرىنىڭ بۇل جەرگە كەلۋى قاتىناسۋ ءۇشىن عانا ەمەس، ولار باسەكەگە ءتۇسۋ، جەڭىسكە جەتۋ، دۇنيە ءجۇزى رەكوردىن جاڭالاۋ ءۇشىن كەلىپ وتىر“. پاسەنس بىلاي دەدى: ”ولار وزدەرىنىڭ جانە دۇنيە جۇزىندەگى بارلىق مۇگەدەكتىڭ تەڭدىك پەن باۋىرمالدىقتى سەزىنۋىن ءۇمىت ەتەدى. جارىس الاڭىنداعى بەينەسى ارقىلى ولار سىڭار جاقتى كوزقاراسقا سايىس جاريالاپ، پوزيتسيانى وزگەرتەدى ءارى مۇمكىن بولعان شەككە قايتادان انىقتاما بەرەدى“.

اشىلۋ سالتىنا قاتىناسقان فرانسيانىڭ زۇڭتۇڭى ماكرون 17 - كەزەكتى جازعى مۇگەدەكتەر وليمپيادا سپورت جارىسىنىڭ باستالعاندىعىن جاريالادى. بۇكىل الاڭدى شارپىعان ادەبيەت - كوركەمونەر ويىندارىندا اشىلۋ سالتىنىڭ العاشقى كەزەڭىندە تۇرلىشە كيىم - كەشەك، ءبي ارەكەتتەرىمەن قارسىلاسۋ بەينەسىن كورسەتكەن ونەرپازدار ارەكەت توعىسۋ بارىسىندا بىرتىندەپ بىرلىككە كەلگەن تۇتاس تۇلعاعا اينالىپ، ادامزاتتىڭ كوركەمونەر جاسامپازدىعى مەن دەنە تاربيە جارىسى ارقىلى تۇسىنىكتى ارتتىرۋىن اڭعارتتى.

پاريج مۇگەدەكتەر وليمپيادا سپورت جارىسىنىڭ الاۋىن جەتكىزۋ مازمۇنىنداعى قىسقا فيلم ناق مايداندا قويىلدى. دۇنيە جۇزىلىك ەكىنشى سوعىس كەزىندە جارالانعان كوماندير - جاۋىنگەرلەردى بەلسەندىلىكپەن قالپىنا كەلتىرۋ ءۇشىن، ”مۇگەدەكتەر دەنەتاربيەسىنىڭ اتاسى“ ل. گۋتمان ولاردى دەنەتاربيە قيمىلىن بەلسەنە جۇرگىزۋگە ۇيىمداستىرادى، سونىمەن مۇگەدەكتەر وليمپياداسىنىڭ توركىنى دەپ تانىلعان ستوك ماندەۆيل دەنەتاربيە جارىسى بىرتىندەپ قالىپتاسادى. 8 - ايدىڭ 24 – كۇنى پاريج مۇگەدەكتەر وليمپياداسىنىڭ قاسيەتتى الاۋى انگليانىڭ ستوك ماندەۆيل قالاسىندا تۇتاندىرىلىپ، فرانسياعا جەتكەننەن كەيىن 1000 الاۋشى فرانسيانىڭ ءوز جەرىندە جەتكىزۋگە قاتىناستى.

قىسقا فيلم اياقتاعاننان كەيىن قاسيەتتى الاۋ گارمونيا الاڭىنا جەتتى، الاۋشىلار الاۋدى جالعاستى جەتكىزۋمەن بىرگە، شارشى ءپىشىندى ۇشكىر ەسكەرتكىشتىڭ استىنداعى كوپتەگەن ءبيشى دە قولدارىنا الاۋ ۇستاپ، بيگە باستى. جەتكىزۋ جولى بىرتىندەپ ديرەري باقشاسىنا قاراي سوزىلىپ، ەڭ سوڭىندا نەگىزگى الاۋ تەكشەسىنە جەتتى. الاۋشىلار قول ۇستاسىپ تەكشە تۇبىندەگى ساليوت ساقيناسىن بىرگە تۇتاندىرعاننان كەيىن نەگىز الاۋ اۋا شارعا ىلەسىپ باياۋ كوتەرىلدى، بولاشاق 11 كۇندە پاريج اسپانىن نۇرلاندىرىپ تۇرادى.

168 مەملەكەت پەن رايوننان كەلگەن 4400 سپورتشى پاريج مۇگەدەكتەر وليمپياداسىنىڭ 22 ۇلكەن ءتۇرى، 549 شاعىن ءتۇرى بويىنشا جارىسقا قاتىناسادى.

«حالىق گازەتى»، 8 - ايدىڭ 29 ـ كۇنى، پاريج (ءتىلشىز لي ياڭ). سول جەر ۋاقىتى 8 - ايدىڭ 29 ـ كۇنى پاريج مۇگەدەكتەر وليمپياداسىنىڭ الاڭىنداعى ۆەلوسيپەد ەرلەر C1 دارەجەلى 3000 مەترگە جۇگىرۋ جارىسىنىڭ التىن مەدال جارىسىندا، لي جاڭيۇي وسى كەزەكتى مۇگەدەكتەر وليمپياداسىنداعى جۇڭگو دەنە تاربيە ۋاكىلدەر ۇيىرمەسىنىڭ تۇڭعىش التىن مەدالىن، لياڭ ۋەيسۇڭ كۇمىس مەدالىن الدى.

كەلۋ قاينارى: حالىق تورابى