شينجياڭدا مەكتەپ اۋلاسىنداعى ازىق – تۇلىك حاۋىپسىزدىگىنە قاتىستى ولشەم جاريالاندى 

8 – ايدىڭ 27 – كۇنى، شينجياڭ اس – سۋ سالاسى بىرلەستىگى مەكتەپ اۋلاسىنداعى ازىق – تۇلىك حاۋىپسىزدىگىنە قاتىستى ەكى ءتۇرلى ۇيىمدىق ولشەمدى — «مەكتەپ اۋلاسىندا قايتالاي پايدالاناتىن ىدىس – اياقتاردى جۋۋ – ديزەنفەكسيالاۋ ولشەمى» مەن «مەكتەپ اۋلاسىنداعى اسحاناعا كىرگىزگەن زاتتى تەكسەرۋ ولشەمىن» جاريالادى.

«مەكتەپ اۋلاسىندا قايتالاي پايدالاناتىن ىدىس – اياقتاردى جۋۋ – ديزەنفەكسيالاۋ ولشەمىندە» ايتىلعان ىدىس - اياقتار شىنى، ساقپى، ستاكان، تاقسى، قاسىق، پىشاق – شانىشقى، تاماقتى ءبولىپ سالاتىن قاسىق، تاماقتى ءبولىپ سالاتىن تەگەنە، تاماقتى ءبولىپ سالاتىن شەلەك، ازىق – تۇلىكتەردى قوراپتايتىن قايتالامالى پايدالانۋعا بولاتىن شاعىن تيپتى ساندىقشا فورمالى اسپاپتار قاتارلىلاردى قامتيدى. اتالعان ۇيىمدىق ولشەمدە ىدىس – اياقتاردى جۋاتىن جانە ديزەنفەكسيالايتىن ادامدار، جۋاتىن جانە ديزەنفەكسيالايتىن ورىن، جۋاتىن جانە ديزەنفەكسيالايتىن اسپاپتار، ىدىس – اياقتاردى ساقتاۋ جانە تاسىمالداۋ، جۋۋ ءتارتىبى قاتارلىلارعا تۇگەلدەي ناقتى تالاپتار قويىلعان. اتالعان ۇيىمدىق ولشەم ماعلۇماتتىق وقۋ – اعارتۋ سالاسىنداعى ءار دارەجەلى ءتۇرلى مەكتەپتەردە، بالالار باقشالارىنداعى ءوزى تيجارات ەتەتىن اسحانالاردا، مەكتەپ سىرتىنداعىلاردىڭ تيجارات ەتۋىنە كوتەرمەگە بەرگەن اسحانالاردا جانە مەكتەپ سىرتىنداعى تاماقپەن قامدايتىن ورىندارعا قولدانىلادى.

«مەكتەپ اۋلاسىنداعى اسحاناعا كىرگىزگەن زاتتى تەكسەرۋ ولشەمىندە» مىناداي تالاپتار ورتاعا قويىلعان: ازىق – تۇلىك تيجاراتىمەن شۇعىلدانۋشىلار ازىق – تۇلىكتى ساتىپ العان كەزدە زاتپەن قامداۋشى جاقتىڭ رۇقسات كۋالىگىن جانە ازىق – تۇلىكتىڭ زاۆودتان شىققان كەزدەگى تەكسەرۋدە تولىمدى بولعاندىعى جونىندەگى كۋالىگىن نەمەسە تولىمدىلىعىن ىسپاتتايتىن باسقا كۋالىكتەردى تەكسەرۋى كەرەك، اسحانالار ازىق – تۇلىك، ازىق – تۇلىك قوسپاسى جانە ازىق – تۇلىككە قاتىستى ونىمدەردى ساتىپ العان، ەنگىزگەن كەزدە تەكسەرۋ جانە ەستەلىككە الۋدى باسقارۋ جونىندە كەمەلدى ءتۇزىم ورناتۋى كەرەك، مۇندا قامداۋشى جاقتى تاڭداۋ مەن وعان بەرىلگەن باعا، ساتىپ الۋ ءتارتىبى، ازىق – تۇلىكتى تەكسەرىپ وتكىزىپ الۋ ولشەمى قاتارلى مازمۇندار قامتىلۋى كەرەك، وقۋشىلاردىڭ قورەكتىككە بولعان قاجەتىن قاناعاتتاندىراتىنداي مولشەردە سۇتتەن جاسالعان ونىمدەردى ساتىپ الۋ قاجەت، مەملەكەت ايقىن بۇيرىق شىعارىپ تيىم سالعان نەمەسە ازىق – تۇلىك حاۋىپسىزدىگىنە قاتىستى ولشەمدەرگە ساي كەلمەيتىن ونىمدەردى ساتىپ الۋعا تيىم سالىنادى، ورتا – باستاۋىش مەكتەپتەردەگى، بالالار باقشالارىنداعى اسحانالاردىڭ سۋىق قۋىرداق تۇرىندەگى ازىق – تۇلىكتەردى، شيكىدەي جەيتىن ازىق – تۇلىكتەردى، اشەكەيلى بالكۇلشەلەردى جاساپ ساتۋىنا بولمايدى، بادانا، سارى جوڭىشقا، جابايى ساڭىراۋقۇلاق، كوكتەگەن كارتوپ قاتارلى حاۋپى جوعارى ازىق – تۇلىكتەردى مانەرلەپ جاساماۋى كەرەك.

وسى رەت جاريالانعان ەكى ءتۇرلى ۇيىمدىق ولشەمدى شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ مەكەمەسى ورتاعا قويعان، شينجياڭ اس – سۋ سالاسى بىرلەستىگىنىڭ ارناعا ءتۇسىرۋ ءبولىمى جاريالاعان ءارى ۇيىمداستىرىپ اتقارادى.

كەلۋ قاينارى: حالىق تورابى