شينجياڭدا وقۋشىلاردىڭ مەكتەپ كيىمىنە، كورپە - جاستىقتارىنا ارناۋلى تەكسەرۋ ورىستەتىلدى

جاڭا وقۋ ماۋسىمى باستالار الدىندا، وقۋشىلاردىڭ مەكتەپ كيىمى مەن تور ماقتا تالشىعىنان پايدالانعان ونىمدەردىڭ ساپاسىنىڭ حاۋىپسىزدىگىنە كەپىلدىك ەتۋ ءۇشىن، جۋىردا اۆتونوميالى رايوندىق بازاردى باقىلاۋ - باسقارۋ مەكەمەسى ءۇرىمجى قالالىق جوعارى - جاڭا تەحنيكالى كاسىپ سالاسىن دامىتۋ رايوندىق (جاڭا قالا رايونى) بازاردى باقىلاۋ - باسقارۋ مەكەمەسىمەن بىرلەسە وتىرىپ، جوعارى - جاڭا تەحنيكالى كاسىپ سالاسىن دامىتۋ رايونىنا (جاڭا قالا رايونىنا) قاراستى جوعارى مەكتەپتەردە، سونداي - اق، وسى مەكتەپتەردىڭ توڭىرەگىندەگى مەكتەپ كيىمىن، تور ماقتا تالشىعىنان پايدالانعان بۇيىمداردى وندىرەتىن جانە مانەرلەيتىن كاسىپورىندار مەن ساتۋ - تيجارات ەتۋ نەگىزگى تۇلعالارىنا باعىتتاي وتىرىپ، وقۋشىلاردىڭ مەكتەپ كيىمى مەن توسەك - ورىن بۇيىمدارىنىڭ ساپاسىنىڭ حاۋىپسىزدىگىنە بىرلەسكەن قورعاۋ ارەكەتىن ورىستەتتى.

تەكسەرۋشى قىزمەتكەرلەر بۇيىم بەلگىسىن، تور ماقتا تالشىعىنان پايدالانعان تولتىرعىش زاتتاردى، تالشىقتى ونىمدەردىڭ ساپاسىن تەكسەرۋ قاتارلى تاسىلدەردەن پايدالانىپ، كورپە، جاستىقتىڭ ىشكى ماتەريالى، جاستىقتىڭ كىرلىگى، توسەك جاپقىش، كورپەنىڭ كىرلىگى قاتارلى توسەك - ورىن بۇيىمدارىنا باقىلاۋ - تەكسەرۋ جۇرگىزدى. تەكسەرۋ بارىسىندا، ءىشىنارا مەكتەپتەردىڭ قاقپاسى الدىنداعى جىلجىمالى جايمالاردا ساتىلعان تور ماقتانى تالشىق ەتكەن بۇيىمداردىڭ ساپاسىنان ماسەلە بايقالعان، مىسالى، تولتىرعىش زاتتاردىڭ ساپاسى تولىمدى بولماۋ، تالشىق قۇرامى مەن بەلگىسى سايكەسپەۋ ت.ب. بۇل تولىمسىز تور ماقتا تالشىقتى بۇيىمداردىڭ ساپالىق حاۋىپسىزدىگىندە حاۋىپ - قاتەر ساقتالعان، مۇنداي بۇيىمداردى ۇزاق ۋاقىت پايدالانسا تىنىس جولى اۋرۋلارى، تەرى اۋرۋلارى قاتارلى اۋرۋلارعا شالدىقتىرۋى، ۇيرەنۋ مەن تۇرمىسقا ىقپال جەتكىزۋى مۇمكىن.

تەكسەرۋ بارىسىندا، اۆتونوميالى رايوندىق بازاردى باقىلاۋ - باسقارۋ مەكەمەسى ناق مايداندا ءتۇسىندىرۋ، ۇگىت ماتەريالىن تاراتۋ قاتارلى تاسىلدەردەن پايدالانىپ، وقۋشىلار مەن ولاردىڭ اتا - انالارىنا تالشىقتى بۇيىمداردىڭ ساپاسىن پارىقتاۋ ءتاسىلىن ناق مايداندا كورسەتتى. بارشا تۇتىنۋشىلاردىڭ ساپالىق حاۋىپسىزدىك تانىمى مەن جالعان ونىمدەردى پارىقتاۋ قابىلەتىن اناعۇرلىم جوعارىلاتىپ، تۇتىنۋشىلاردىڭ ۇقىق قورعاۋ ارناسىن ىركىلىسسىزدەندىرىپ، وقۋشىلاردىڭ زاڭدى ۇقىق - مۇددەسىن شىنايى قامتاماسىزداندىردى.

كەلۋ قاينارى: حالىق تورابى