نازاردى جوعارى ساپالى دامۋعا شوعىرلاندىرىپ، ادامگەرشىلىك تۇرعىسىنان قىزمەت وتەۋ قابىلەتىن جوعارىلاتىپ، مەملەكەتتى قۇدىرەتتەندىرۋ، ۇلتتى گۇلدەندىرۋ جانە ادامزاتتىڭ بەيبىتشىلىگى مەن العا باسۋى ىستەرىنە تىڭ دا اناعۇرلىم زور ۇلەس قوسۋ كەرەك

شي جينپيڭنىڭ جۇڭگو قىزىل كرەست قوعامىنىڭ 12 - رەتكى مەملەكەتتىك مۇشەلەر قۇرىلتايىنا جولداعان حاتى

جۇڭگو قىزىل كرەست قوعامىنىڭ 12 - رەتكى مەملەكەتتىك مۇشەلەر قۇرىلتايىنىڭ اشىلۋى قارساڭىندا، مەن بۇكىل ەلدەگى قالىڭ قىزىل كرەست قىزمەتكەرلەرىنە، مۇشەلەرىنە، ەرىكتىلەرىنە شىنايى سالەم جولدايمىن!

جۇڭگو قىزىل كرەست قوعامى − پارتيا مەن ۇكىمەتتىڭ ادامگەرشىلىك سالاسىندا بۇقارامەن بايلانىس جاسايتىن كوپىرى جانە دانەكەرى. جاڭا ءداۋىردىڭ جاڭا جورىعىندا جۇڭگو قىزىل كرەست قوعامى پارتيانىڭ جاپپاي باسشىلىعىنا تاباندى بولىپ، نازاردى جوعارى ساپالى دامۋعا شوعىرلاندىرىپ، رەفورما جاساپ، جاڭالىق اشۋدى ونان ارى تەرەڭدەتىپ، ساياسي، العاباسارلىق، بۇقارالىق سيپاتتى كۇشەيتىپ، الەۋمەتتىك سەنىمدىلىك قۇرىلىسىن كۇشەيتىپ، ادامگەرشىلىك تۇرعىسىنان قىزمەت وتەۋ قابىلەتىن جوعارىلاتىپ، حالىقارالىق ادامگەرشىلىك ىستەرىنە بەلسەنە ات سالىسىپ جانە ونى قولداپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋگە جانە ادامزاتتىڭ بەيبىتشىلىگى مەن العا باسۋى ىستەرىن جەبەۋگە تىڭ دا اناعۇرلىم زور ۇلەس قوسۋى كەرەك. ءار دارەجەلى پارتكومدار مەن ۇكىمەتتەر قىزىل كرەست قوعامىنىڭ قىزمەتىنە باسشىلىقتى جانە قولداۋدى كۇشەيتىپ، قىزىل كرەست قوعامىنىڭ مىندەتىن زاڭ بويىنشا اتقارۋىنا تاماشا ورتا جانە شارت - جاعداي ازىرلەۋى كەرەك. بۇكىل ەلدەگى قالىڭ قىزىل كرەست قىزمەتكەرلەرىنىڭ، مۇشەلەرىنىڭ، ەرىكتىلەرىنىڭ اۋەلگى ماقساتتى، بورىشتى ەستە بەرىك ساقتاپ، ءداۋىردىڭ اۋىر مىندەتىن باتىلدىقپەن ارقالاپ، كۇرەس جۇرگىزۋ بارىسىندا جۇڭگو قىزىل كرەست ىستەرىنىڭ جوعارى ساپالى دامۋىنىڭ تىڭ داستانىن جازۋىن ءۇمىت ەتەمىن.

شي جينپيڭ

2024 – جىلى 10 - ايدىڭ 9 – كۇنى

(شينحۋا اگەنتتىگى، 10 - ايدىڭ 9 – كۇنى، بەيجيڭ)

«حالىق گازەتى»، 10 - ايدىڭ 9 - كۇنى، بەيجيڭ. جۇڭگو قىزىل كرەست قوعامىنىڭ 12 - رەتكى مەملەكەتتىك مۇشەلەر قۇرىلتايىنىڭ اشىلۋى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇرىلتايعا حات جولداپ، بۇكىل ەلدەگى قالىڭ قىزىل كرەست قىزمەتكەرلەرىنە، مۇشەلەرىنە، ەرىكتىلەرىنە شىنايى سالەم جولدادى ءارى قىزىل كرەست قوعامى قىزمەتىن ويداعىداي ىستەۋ جونىندە ءۇمىت ارتتى.

شي جينپيڭ حاتىندا بىلاي دەپ اتاپ كورسەتتى: جۇڭگو قىزىل كرەست قوعامى − پارتيا مەن ۇكىمەتتىڭ ادامگەرشىلىك سالاسىندا بۇقارامەن بايلانىس جاسايتىن كوپىرى جانە دانەكەرى. جاڭا ءداۋىردىڭ جاڭا جورىعىندا جۇڭگو قىزىل كرەست قوعامى پارتيانىڭ جاپپاي باسشىلىعىنا تاباندى بولىپ، نازاردى جوعارى ساپالى دامۋعا شوعىرلاندىرىپ، رەفورما جاساپ، جاڭالىق اشۋدى ونان ارى تەرەڭدەتىپ، ساياسي، العاباسارلىق، بۇقارالىق سيپاتتى كۇشەيتىپ، الەۋمەتتىك سەنىمدىلىك قۇرىلىسىن كۇشەيتىپ، ادامگەرشىلىك تۇرعىسىنان قىزمەت وتەۋ قابىلەتىن جوعارىلاتىپ، حالىقارالىق ادامگەرشىلىك ىستەرىنە بەلسەنە ات سالىسىپ جانە ونى قولداپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋگە جانە ادامزاتتىڭ بەيبىتشىلىگى مەن العا باسۋى ىستەرىن جەبەۋگە تىڭ دا اناعۇرلىم زور ۇلەس قوسۋى كەرەك.

شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر قىزىل كرەست قوعامىنىڭ قىزمەتىنە باسشىلىقتى جانە قولداۋدى كۇشەيتىپ، قىزىل كرەست قوعامىنىڭ مىندەتىن زاڭ بويىنشا اتقارۋىنا تاماشا ورتا جانە شارت - جاعداي ازىرلەۋى كەرەك. بۇكىل ەلدەگى قالىڭ قىزىل كرەست قىزمەتكەرلەرىنىڭ، مۇشەلەرىنىڭ، ەرىكتىلەرىنىڭ اۋەلگى ماقساتتى، بورىشتى ەستە بەرىك ساقتاپ، ءداۋىردىڭ اۋىر مىندەتىن باتىلدىقپەن ارقالاپ، كۇرەس جۇرگىزۋ بارىسىندا جۇڭگو قىزىل كرەست ىستەرىنىڭ جوعارى ساپالى دامۋىنىڭ تىڭ داستانىن جازۋىن ءۇمىت ەتەمىن (حاتتىڭ تولىق مازمۇنى بولەك جاريالاندى).

جۇڭگو قىزىل كرەست قوعامىنىڭ 12 - رەتكى مەملەكەتتىك مۇشەلەر قۇرىلتايى 10 - ايدىڭ 9 – كۇنى بەيجيڭدە اشىلدى، قۇرىلتايدا شي جينپيڭنىڭ حاتى جەتكىزىلدى. مەملەكەت ءتوراعاسىنىڭ ورىنباسارى حان جىڭ اشىلۋ سالتىنا قاتىناستى ءارى بارلىق ۋاكىلمەن كەزدەستى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ گوجۇڭ اشىلۋ سالتىندا پارتيا ورتالىق كوميتەتى، مەملەكەتتىك كەڭەس اتىنان ءسوز سويلەدى ءارى كەزدەسۋدە بىرگە بولدى. ول بىلاي دەدى: جۇڭگو قىزىل كرەست قوعامىنىڭ 11- رەتكى مەملەكەتتىك مۇشەلەر قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قىزىل كرەست قوعامى ىستەرىندە كورنەكتى ناتيجەلەرگە قول جەتتى. جاڭا ءداۋىردىڭ جاڭا جورىعىندا جۇڭگو قىزىل كرەست قوعامى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، پارتيانىڭ جاپپاي باسشىلىعىن كۇشەيتىپ، دۇرىس ساياسي بەتالىسقا شىنايى كەپىلدىك ەتۋى كەرەك. ”ءۇشتى قۇتقارۋ، ءۇشتى ارناۋ“ سىندى وزىندىك قىزمەتتى كۇشەيتىپ، كاسىپتىك قابىلەتتى ۇزدىكسىز جوعارىلاتىپ، پارتيا مەن ۇكىمەتكە سايكەسىپ، حالىق تۇرمىسىن قامتاماسىز ەتۋ تورىن تىعىز توقۋ، بەكەمدەۋ كەرەك. قىزىل كرەست قوعامى رەفورماسىن ىشكەرىلەي ىلگەرىلەتىپ، قىزمەت وتەۋ تانىمىن كۇشەيتىپ، ىسىلعان ستيلدى شىڭداپ، حالىقارالىق اۋىس - كۇيىستى، سەلبەستىكتى تەرەڭدەتىپ، قىزىل كرەست قوعامى ىستەرىنىڭ جوعارى ساپالى دامۋىن ىلگەرىلەتۋگە تىڭ ۇلەس قوسۋ كەرەك.

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى حى ۋەي جوعارىداعى قيمىلدارعا قاتىناستى.

قۇرىلتايدىڭ اشىلۋ سالتىن جۇڭگو قىزىل كرەست قوعامىنىڭ باستىعى چىن جۋ باسقاردى. قىزىل كرەست حالىقارالىق كوميتەتىنىڭ ۋاكىلى، قىزىل كرەست قوعامى مەن قىزىل جاڭا اي قوعامى حالىقارالىق بىرلەستىگىنىڭ ۋاكىلى جەكە - جەكە ارناۋ ءسوز سويلەدى. جۇڭحۋا مەملەكەتتىك باس جۇمىسشى ۇيىمى شۋجيچۋىنىڭ ءبىرىنشى شۋجيى شۇي ليۋپيڭ بۇقارالىق ۇيىمدار اتىنان ءسوز سويلەدى. ءماجىلىس مەملەكەت بويىنشا قىزىل كرەست قوعامى جۇيەسىندەگى 32 وزات كوللەكتيۆ پەن 10 وزات قىزمەتكەردى ماداقتاپ سيلادى.

كەلۋ قاينارى: حالىق تورابى