لي چياڭ ۆەنتيانعا باردى، الدا شىعىس ازيا سەلبەستىگى باسشىلارىنىڭ جەلىلەس ماجىلىسىنە قاتىناسادى ءارى لاوستا رەسمي ساپاردا بولادى

10 - ايدىڭ 9 - كۇنى تۇستەن كەيىن شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى لاوستىڭ زۇڭليى سۇڭ سايدىڭ ۇسىنىسىمەن مەملەكەتتىك كەڭەستىڭ زۇڭليى لي چياڭ جالعا العان ۇشاقپەن بەيجيڭنەن اتتانىپ ۆەنتيانعا باردى، الدا شىعىس ازيا سەلبەستىگى باسشىلارىنىڭ جەلىلەس ماجىلىسىنە قاتىناسادى ءارى لاوستا رەسمي ساپاردا بولادى.

سول جەر ۋاقىتى 10 - ايدىڭ 9 - كۇنى كەشتە لي چياڭ جالعا العان ۇشاقپەن ۆەنتيانداعى ۋاداي اۋەجايىنا باردى. لاوستىڭ جوسپار، قارجى قوسۋ مينيسترى، لاوس - جۇڭگو سەلبەستىك كوميتەتىنىڭ ءتوراعاسى پەي جانە جۇڭگونىڭ لاوستا تۇراتىن باس ەلشىسى فاڭ حۇڭ قاتارلىلار اۋەجايعا بارىپ قارسى الدى.

سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن

«حالىق گازەتى»، 10 - ايدىڭ 9 – كۇنى، ۆەنتيان (ءتىلشى چىن شاڭۋىن). شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى لاوستىڭ زۇڭليى سۇڭ سايدىڭ ۇسىنىسى بويىنشا، مەملەكەتتىك كەڭەستىڭ زۇڭليى لي چياڭ 10 - ايدىڭ 9 - كۇنى تۇستەن كەيىن جالعا العان ۇشاقپەن بەيجيڭنەن اتتانىپ، ۆەنتيانعا باردى، الدا شىعىس ازيا سەلبەستىگى باسشىلارىنىڭ جەلىلەس ماجىلىسىنە قاتىناسادى ءارى لاوستا رەسمي ساپاردا بولادى.

سول جەر ۋاقىتى 10 - ايدىڭ 9 - كۇنى كەشتە لي چياڭ جالعا العان ۇشاقپەن ۆەنتيانداعى ۋاداي اۋەجايىنا باردى. لاوستىڭ جوسپار، قارجى قوسۋ مينيسترى، لاوس - جۇڭگو سەلبەستىك كوميتەتىنىڭ ءتوراعاسى پەي جانە جۇڭگونىڭ لاوستا تۇراتىن باس ەلشىسى فاڭ حۇڭ قاتارلىلار اۋەجايعا بارىپ قارسى الدى.

لي چياڭ مىنانى ءبىلدىردى: بيىل جىل باسىنان بەرى لاوس شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى رەتىندە جەتەكشىلىك رولىن بەلسەنە ساۋلەلەندىرىپ، ناقتى سەلبەستىككە نازار اۋدارىپ، ءار جاقتىڭ ورتاق تانىمىن ۇيىستىرىپ، شىعىس وڭتۇستىك ازيا ەلدەرى وداعى ورتاق تۇلعاسى قۇرىلىسى مەن شىعىس ازيا سەلبەستىگىنىڭ تىڭ ىلگەرىلەۋشىلىككە، تىڭ جەتىستىككە قول جەتكىزۋىن ىلگەرىلەتتى. جۇڭگو جاق شىعىس وڭتۇستىك ازيا ەلدەرى وداعىنىڭ ورتاق تۇلعا قۇرىلىسىن باتىل قولدايدى، شىعىس وڭتۇستىك ازيا ەلدەرى وداعىنىڭ وڭىرلىك سەلبەستىكتەگى وزەكتى ورنىن باتىل قولدايدى، شىعىس وڭتۇستىك ازيا ەلدەرى وداعىنىڭ حالىقارالىق ىستەردە اناعۇرلىم زور رول اتقارۋىن باتىل قولدايدى، وڭىرلىك سەلبەستىكتىڭ كەلەلى كەڭەستىك تاقىرىپتارى جونىندە ءار جاقپەن ىشكەرىلەي پىكىر اۋىستىرىپ، وسى ءوڭىردىڭ دۇنيە ءجۇزى دامۋىنىڭ ماڭىزدى قوزعالتقىشىنا اينالۋىن بىرگە ىلگەرىلەتۋدى قالايدى.

لي چياڭ بىلاي دەپ اتاپ كورسەتتى: تاياۋ جىلداردان بەرى باس شۋجي، مەملەكەت ءتوراعاسى شي جينپيڭ مەن باس شۋجي، مەملەكەت ءتوراعاسى تۇڭلۇننىڭ ستراتەگيالىق جەتەكشىلىگىندە جۇڭگو مەن لاوستىڭ جالپى بەتتىك ستراتەگيالىق سەلبەستىگى ۇزدىكسىز تەرەڭدەپ، ناقتىلانىپ، ەكى ەل قارىم - قاتىناسى تاعدىرلاس ورتاق تۇلعا قۇرۋدىڭ جاڭا داۋىرىنە قادام تاستادى. قازىر جۇڭگو رەفورمانى ونان ارى جاپپاي تەرەڭدەتىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي قادام تاستادى. لاوس رەفورما جاساپ، ەسىك اشۋدىڭ جاڭا جورىعىنا قادام تاستاپ، ءوز ەلىنىڭ سوتسياليزم ىستەرىنىڭ ىشكەرىلەي دامۋىن ىلگەرىلەتۋدە. جۇڭگو جاق لاوس جاقپەن بىرگە دامۋ ستراتەگياسىن اناعۇرلىم ۇشتاستىرىپ، ىنتىماقتى، سەلبەستىكتى كۇشەيتىپ، جۇڭگو مەن لاوستىڭ تاعدىرلاس ورتاق تۇلعاسى قۇرىلىسىندا اناعۇرلىم كوپ ماندىك ىلگەرىلەۋشىلىككە قول جەتكىزۋدى ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋدى قالايدى.

كەلۋ قاينارى: حالىق تورابى