ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 9 - ءماجىلىسى اشىلدى

«حالىق گازەتى»، 10 - ايدىڭ 9 - كۇنى، بەيجيڭ (ءتىلشى جياڭ جيە). ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 9 - ءماجىلىسى 10 - ايدىڭ 9 - كۇنى تۇستەن بۇرىن بەيجيڭدە اشىلدى، نەگىزگى تاقىرىبى باس شۋجي شي جينپيڭنىڭ جۇڭگو حالىق ساياسي ءماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنۋ، دايەكتىلەندىرۋ بولىپ، ”مادەنيەت سەنىمىمەن ءوزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ شۇعىلاسىن جاراتۋدى“ توڭىرەكتەپ ۇكىمەت ىسىنە كەڭەس بەرىپ، اقىل قوستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ اشىلۋ جيىنىنا قاتىناستى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي ۇسىنىس بويىنشا اشىلۋ جيىنىنا قاتىناستى ءارى بايانداما جاسادى، ساياسي كەڭەس تۇراقتى مۇشەلەرىنىڭ پىكىرلەرى مەن ۇسىنىستارىن تىڭدادى. ول مىنانى ءبىلدىردى: جۇڭگو كوممۋنيستىك پارتياسى 18 - قۇرىلتايىنان بەرى شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتى مادەنيەت قۇرىلىسىنا ايرىقشا ءمان بەرىپ، ۇگىت، يدەيا، مادەنيەت قىزمەتىندە تاريحي تابىسقا قول جەتكىزۋدى، تاريحي وزگەرىس تۋىلۋىن ىلگەرىلەتتى. جاڭا جورىقتا شي جينپيڭ مادەنيەت يدەياسىن ىشكەرىلەي ۇيرەنىپ، امالياتتا ايگىلەپ، ماركسيزمنىڭ يدەولوگيا سالاسىنداعى جەتەكشىلىك ورنىن كۇش سالا بەكەمدەپ، ينفورماتسيالاندىرۋ شارت - جاعدايىنداعى قوعامدىق پىكىرگە جەتەكشىلىك ەتۋ ۇقىعىن قۇلشىنا يگەرىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، مادەنيەت پەن ادەبيەت - كوركەمونەردىڭ گۇلدەنۋىن، دامۋىن ىلگەرىلەتىپ، مادەنيەت مۇرالارىن قورعاۋدى، وعان مۇراگەرلىك ەتۋدى كۇشەيتىپ، جۇڭحۋا وركەنيەتىنىڭ تاراتۋ قۋاتىن، ىقپال كۇشىن نىعايتىپ، جاڭا داۋىردەگى مادەنيەت بورىشىن شىنايى ارقالاۋ كەرەك. پارتيانىڭ ۇگىت، يدەيا، مادەنيەت قىزمەتىنە جاپپاي باسشىلىعىنا تاباندى بولىپ، مادەنيەت قۇرىلىسىنىڭ ءتۇرلى مىندەتتەرىنىڭ تياناقتانۋىن مىقتى يگەرىپ، بۇكىل ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىك كۇشىن ۇزدىكسىز قاۋلاتىپ، جاڭا بەينەمەن، جاڭا ىسكەرلىكپەن مادەنيەتتىڭ گۇلدەنۋىن تىڭعىلىقتى ىلگەرىلەتىپ، مادەنيەتتە قۋاتتى ەل قۇرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ اشىلۋ جيىنىن باسقاردى. ول مىنالاردى ءبىلدىردى: باس شۋجي شي جينپيڭنىڭ جۇڭگو حالىق ساياسي ءماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەلەلى ساياسي مىندەت ەتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، حالىق ساياسي كەڭەسىنىڭ ارناۋلى كەڭەس قۇرىلىمى رەتىندەگى رولىن تولىق ساۋلەلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن كۇش - قۋاتتى شوعىرلاندىرۋ كەرەك. شي جينپيڭ مادەنيەت يدەياسىن جەتەكشى ەتۋگە تاباندى بولىپ، مادەنيەت سەنىمىمەن ءوزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ شۇعىلاسىن جاراتۋدى توڭىرەكتەپ ۇكىمەت ىسىنە بەلسەنە كەڭەس بەرىپ، اقىل قوسىپ، مادەنيەتتە قۋاتتى سوتسياليستىك ەل قۇرۋعا اقىل - پاراسات جانە كۇش - قۋات ارناۋ كەرەك.

اشىلۋ جيىنى مەملەكەتتىك ساياسي كەڭەستىڭ قاتىستى ارناۋلى كوميتەتتەرىنىڭ ”جۇڭحۋا مادەنيەتىنىڭ تامىرىن جالعاستىرۋعا كۇش سالىپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتۋدى جانە جاسامپازدىقپەن دامىتۋدى ىلگەرىلەتۋ“، ”حالىقارالىق جانە وڭىرلىك عىلىم - تەحنيكادا جاڭالىق اشۋ ورتالىعى قۇرىلىسىن ءبىر تۇتاس جوسپارلاپ ىلگەرىلەتۋ“، ”شەتەلگە ساياتىن زاڭدىق قىزمەت وتەۋ مەحانيزمىن اقاۋسىزداندىرىپ، ’ءبىر بەلدەۋ، ءبىر جولدى‘ بىرگە قۇرۋدىڭ جوعارى ساپالى دامۋىن ىلگەرىلەتۋ“، ”ەرەكشەلىككە، ابزالدىققا يە كاسىپ سالالارىن دامىتىپ، ۇلتتار وڭىرلەرىنىڭ جوعارى ساپالى دامۋىن ىلگەرىلەتۋ“، ”جۇڭحۋا وركەنيەتىنىڭ توركىنىن زەرتتەۋ جانە ءتۇسىندىرۋدى ويداعىداي ىستەۋدى ىلگەرىلەتۋ“ سياقتىلار جونىندەگى تەكسەرۋ - زەرتتەۋ باياندامالارىن تىڭدادى.

وسى رەتكى ساياسي كەڭەس تۇراقتى كوميتەتى ءماجىلىسىنىڭ ۋاقىتى ەكى جارىم كۇن. ساياسي كەڭەس تۇراقتى كوميتەتىنىڭ قۇرامىنداعىلار گرۋپپالارعا ءبولىنىپ تالقى جۇرگىزەدى ءارى بەينەجازبا ارقىلى حىنان ولكەلىك، گۋاڭدۇڭ ولكەلىك، شينجياڭ ۇيعۇر اۆتونوميالى رايوندىق ساياسي كەڭەستەرمەن قاتىستى ارناۋلى تاقىرىپتاردى توڭىرەكتەي وتىرىپ ىقپالداسىپ كەڭەس وتكىزەدى.

مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشىسى ۋاڭ دۇڭفىڭ قاتارلىلار قاتىستى كەڭەستىك تاقىرىپتار جونىندە تۇسىنىك جانە بايانداما جاسادى.

مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، جياڭ شينجى، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى.

كەلۋ قاينارى: حالىق تورابى