2024.10.11 13:17 كەلۋ قاينارى : حالىق تورابى
ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، 2024 – جىلى مەملەكەت بويىنشا ەرەسەكتەردى جوعارى مەكتەپكە ەمتيحان ارقىلى قابىلداۋداعى ءبىرتۇتاس ەمتيحان 10 – ايدىڭ 19 – كۇنىنەن 20 – كۇنىنە دەيىن وتكىزىلەدى. وقۋ – اعارتۋ مينيسترلىگى جەر – جەردەگى جوعارى مەكتەپتەردەن ەرەسەكتەردى ەمتيحان ارقىلى قابىلداۋدى جۇيەگە ءتۇسىرىپ باسقارۋدى كۇشەيتىپ، ەمتيحان ستيلى مەن ءتارتىبىن قاتاڭداستىرىپ، ادىلدىك پەن ادىلەتتىلىكتى قورعاۋدى، ەمتيحان ارقىلى وقۋشى قابىلداۋدىڭ حاۋىپسىز دە ورنىقتى، ءتارتىپتى بولۋىنا كەپىلدىك ەتۋدى تالاپ ەتكەن. كەلەسى جىلى كۇزگى وقۋ ماۋسىمىنان باستاپ، جوعارى دارەجەلى وقۋ ماعلۇماتىنا ساياتىن جالعاستىرىپ وقيتىندارعا ”حات ارقىلى وقىتۋ“، ”كاسىپتەن سىرت وقىتۋ“ قاتارلى اتاۋلاردى قولدانباستان، ءبىرتۇتاس ”وندىرىستەن قول ۇزبەي وقۋ“ دەگەن اتاۋ قولدانىلادى.
ۇعىسۋعا قاراعاندا، جوعارى دارەجەلى ماعلۇماتقا ساياتىن جالعاستىرىپ وقۋدىڭ ۇيرەنۋ فورماسىن وندىرىستەن قول ءۇزىپ وقۋ جانە وندىرىستەن قول ۇزبەي وقۋ سىندى ەكى تۇرگە بولۋگە بولادى، مۇنىڭ ىشىندە، حات ارقىلى وقىتۋ، كاسىپتەن سىرت وقىتۋ وندىرىستەن قول ۇزبەي ۇيرەنۋ فورماسىنا جاتادى، ”حات ارقىلى وقىتۋ“ دەگەنىمىز الىس ارالىقتان وزدىگىنەن ۇيرەنۋ وقۋ قۇرالدارى مەن ۇيرەنۋ ماتەريالدارىن نەگىز ەتەتىن، سونىمەن بىرگە، بەتپە – بەت جەتەكشىلىك ەتۋدى، كۇماندى سۇراۋلارعا جاۋاپ قايتارۋدى قوسىمشا ەتەتىن ۇيرەنۋ ءتاسىلىن كورسەتەدى، ”كاسىپتەن سىرت وقىتۋ“ دەگەنىمىز، باستىسى، كەشكى ۋاقىت، اپتا سوڭى قاتارلى بوس ۋاقىتتاردان پايدالانىپ، مەكتەپكە بارىپ ۇيرەنۋ ءتاسىلىن كورسەتەدى. ەكونوميكا مەن قوعامنىڭ دامۋىنا، وتە – موتە، وقۋ – اعارتۋدى سيفرلاندىرۋ ورەسىنىڭ جوعارىلاۋىنا بايلانىستى ينتەرنەت پەن ينتەرنەتتەن تىس ءتاسىلدى ۇشتاستىرۋ جالعاستىرىپ وقىتۋداعى ۇيرەنۋدىڭ باستى فورماسىنا اينالىپ، ”حات ارقىلى وقىتۋ“، ”كاسىپتەن سىرت وقىتۋ“ قاتارلى ۇيرەنۋ تاسىلدەرى، ءىس جۇزىندە، وسى تاسىلمەن نەگىزىنەن بىردەي بولىپ وزگەردى.
كەلۋ قاينارى: حالىق تورابى