بانكەلەر بۇگىننەن باستاپ بانكەگە قويىلاتىن حالىق اقشاسىنىڭ ءوسىم مولشەرىن تومەندەتتى 

جۇڭگو ونەركاسىپ – ساۋدا بانكەسى، جۇڭگو اۋىل شارۋاشىلىعى بانكەسى، جۇڭگو بانكەسى، جۇڭگو قۇرىلىس بانكەسى، جۇڭگو قاتىناس بانكەسى، جۇڭگو پوچتا – امانات بانكەسى قاتارلى بانكەلەر ۇقتىرۋ جاريالاپ، بۇگىننەن (10 – ايدىڭ 18 – كۇنى) باستاپ، بانكەگە قويىلاتىن حالىق اقشاسىنىڭ جاريالانعان ءوسىمىن تومەندەتكەن.

مۇنىڭ ىشىندە، مەرزىمسىز امانات اقشانىڭ ءوسىم مولشەرى %0.05 تومەندەتىلىپ، %0.15 تەن %0.1 گە رەتتەلەدى؛ ءۇش ايلىق، التى ايلىق، ءبىر جىلدىق، ەكى جىلدىق، ءۇش جىلدىق جانە بەس جىلدىق مەرزىم بويىنشا اماناتقا قويىلعان اقشانىڭ ءوسىم مولشەرى %0.25 تومەندەتىلەدى. رەتتەلگەن سوڭ، ءبىر جىلدىق مەرزىممەن اماناتقا قويىلعان اقشانىڭ ءوسىم مولشەرى %1.1 بولادى.

بۇل جىل باسىنان بەرى ساۋدالىق سيپاتتى باستى بانكەلەردىڭ حالىق اقشاسىمەن اماناتقا قويىلعان اقشانىڭ ءوسىم مولشەرىن ەكىنشى رەت تومەندەتۋى. (باس ستانسيا ورتالىق تەلەۆيزيا ءتىلشىسى ۋاڭ لەي)

كەلۋ قاينارى: حالىق تورابى