عىلىم رۋحىن ساۋلەلەندىرىپ، عىلىم - تەحنيكادا جاڭالىق اشۋعا بەلسەنە ات سالىسىپ، جۇڭگو مەن شەتەلدىڭ عىلىم - تەحنيكالىق اۋىس - كۇيىسىن جەبەپ، عىلىم - تەحنيكالىق العا باسارلىقتى ىلگەرىلەتۋگە جاستىق كوكتەمىن، كۇش - قۋاتىن ارناۋعا شابىتتاندىردى

جاۋاپ حات

جۇڭگو حالىقارالىق ستۋدەنتتەردىڭ جاڭالىق جاراتۋ جارىسىنا قاتىناسقان وقۋشىلاردىڭ ۋاكىلدەرى: سالەمەتسىزدەر مە!

جازعان حاتتارىڭدى تاپسىرىپ الدىم. سەندەر جارىستى تۇعىر ەتىپ، ساباقحانا مەن تاجىريبەحانادا ۇيرەنگەن بىلىمدەرىڭمەن ءىس جۇزىندىك ماسەلەلەردى شەشىپ، جاڭالىق اشۋ امالياتى بارىسىندا ونەرلەرىڭدى ارتتىرىپ، ءوزارا ۇيرەنۋ، ءوزارا ۇلگى الۋ بارىسىندا جۇڭگو - شەتەل جاستارىنىڭ دوستىعىن كۇشەيتتىڭدەر، بۇل وتە ماعىنالى.

جاڭالىق اشۋ − ادامزاتتىڭ العا باسۋىنىڭ قاينارى، جاستار − جاڭالىق اشۋداعى ماڭىزدى جالىندى كۇش. سەندەردىڭ عىلىم رۋحىن ساۋلەلەندىرىپ، عىلىم - تەحنيكادا جاڭالىق اشۋعا بەلسەنە ات سالىسىپ، جۇڭگو مەن شەتەلدىڭ عىلىم - تەحنيكا اۋىس - كۇيىسىن جەبەۋگە، عىلىم - تەحنيكا العاباسارلىعىن ىلگەرىلەتۋگە جاستىق كوكتەمدەرىڭدى، كۇش - قۋاتتارىڭدى ارناۋلارىڭدى ءۇمىت ەتەمىن. بۇكىل قوعام جاستاردىڭ ەسەيىپ - ەرجەتۋىنە جانە دامۋىنا كوڭىل ءبولىپ، تاماشا جاڭالىق اشۋ، يگىلىك جاراتۋ ورتاسىن قالىپتاستىرىپ، قالىڭ جاستاردىڭ جۇڭگو ۇلگىسىندەگى وسىزامانداندىرۋدىڭ كەڭ اياسىندا قابىلەتىن اناعۇرلىم ويداعىداي ايگىلەۋىنە مۇمكىندىك جاساۋى كەرەك.

شي جينپيڭ

2024 – جىلى 10 – ايدىڭ 16 – كۇنى

(شينحۋا اگەنتتىگى، 10 - ايدىڭ 17 - كۇنى، بەيجيڭ)

شينحۋا اگەنتتىگى، 10 - ايدىڭ 17 - كۇنى، بەيجيڭ. تاياۋدا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو حالىقارالىق ستۋدەنتتەر جاڭالىق اشۋ جارىسىنا قاتىناسقان وقۋشىلاردىڭ ۋاكىلدەرىنە جاۋاپ حات جازىپ، ولاردى شىن ىقىلاسپەن شابىتتاندىردى ءارى شىنايى ءۇمىت ارتتى.

شي جينپيڭ بىلاي دەپ اتاپ كورسەتتى: سەندەر جارىستى تۇعىر ەتىپ، ساباقحانا مەن تاجىريبەحانادا ۇيرەنگەن بىلىمدەرىڭمەن ءىس جۇزىندىك ماسەلەلەردى شەشىپ، جاڭالىق اشۋ امالياتى بارىسىندا ونەرلەرىڭدى ارتتىرىپ، ءوزارا ۇيرەنۋ، ءوزارا ۇلگى الۋ بارىسىندا جۇڭگو - شەتەل جاستارىنىڭ دوستىعىن كۇشەيتتىڭدەر، بۇل وتە ماعىنالى.

شي جينپيڭ بىلاي دەپ باسا دارىپتەدى: جاڭالىق اشۋ − ادامزاتتىڭ العا باسۋىنىڭ قاينارى، جاستار − جاڭالىق اشۋداعى ماڭىزدى جالىندى كۇش. سەندەردىڭ عىلىم رۋحىن ساۋلەلەندىرىپ، عىلىم - تەحنيكادا جاڭالىق اشۋعا بەلسەنە ات سالىسىپ، جۇڭگو مەن شەتەلدىڭ عىلىم - تەحنيكا اۋىس - كۇيىسىن جەبەۋگە، عىلىم - تەحنيكا العاباسارلىعىن ىلگەرىلەتۋگە جاستىق كوكتەمدەرىڭدى، كۇش - قۋاتتارىڭدى ارناۋلارىڭدى ءۇمىت ەتەمىن. بۇكىل قوعام جاستاردىڭ ەسەيىپ - ەرجەتۋىنە جانە دامۋىنا كوڭىل ءبولىپ، تاماشا جاڭالىق اشۋ، يگىلىك جاراتۋ ورتاسىن قالىپتاستىرىپ، قالىڭ جاستاردىڭ جۇڭگو ۇلگىسىندەگى وسىزامانداندىرۋدىڭ كەڭ اياسىندا قابىلەتىن اناعۇرلىم ويداعىداي ايگىلەۋىنە مۇمكىندىك جاساۋى كەرەك (جاۋاپ حاتتىڭ تولىق مازمۇنى بولەك جاريالاندى).

جۇڭگو حالىقارالىق ستۋدەنتتەردىڭ جاڭالىق اشۋ جارىسىن وقۋ - اعارتۋ مينيسترلىگى قاتىستى تاراۋلارمەن، ولكە دارەجەلى حالىق ۇكىمەتىمەن بىرلەسىپ ۇيىمداستىرعان، مۇنداعى ماقسات جۇڭگولىق، شەتەلدىك ستۋدەنتتەردىڭ جاڭالىق اشۋىنا، يگىلىك جاراتۋىنا، اۋىس - كۇيىسىنە، سەلبەستىگىنە تۇعىر ازىرلەۋ. بيىلعى جارىسقا 153 مەملەكەت پەن رايوننان 20 ميلليوننان استام ستۋدەنت قاتىناستى، مۇنىڭ ىشىندە حالىقاراداعى وقۋشى 40 مىڭعا تايادى، جالپى شەشۋشى جارىس شاڭحايدا وتكىزىلدى. تاياۋدا جارىسقا قاتىناسقان وقۋشىلاردىڭ 25 ۋاكىلى باس شۋجي شي جينپيڭگە حات جازىپ، جارىسقا قاتىناسۋدان العان اسەرلەرىنەن مالىمەت بەرىپ، جاڭالىق اشۋ امالياتىنا ات سالىسىپ، ءداۋىر بورىشىن باتىلدىقپەن ارقالاۋ بەكىمدەرىن بىلدىرگەن بولاتىن.

كەلۋ قاينارى: حالىق تورابى