جاڭالىق اشۋدىڭ ومىرشەڭدىك كۇشى مەن ىشكى قوزعاۋشى كۇشىن ۇزدىكسىز قاۋلاتىپ، جوعارى دەڭگەيلى سىرتقا ەسىك اشۋ ارقىلى تەرەڭ قاتپارلى رەفورمانىڭ جوعارى ساپالى دامۋىن جەبەۋ كەرەك

شينحۋا اگەنتتىگى، 10 - ايدىڭ 20 ـ كۇنى، تيانجين. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا مەملەكەت دارەجەلى ەكونوميكالىق ـ تەحنيكالىق اشۋ رايوندارىنىڭ قىزمەتى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: مەملەكەت دارەجەلى ەكونوميكالىق ـ تەحنيكالىق اشۋ رايوندارىن قۇرۋ − ەلىمىزدىڭ رەفورما جاساپ، ەسىك اشۋدى ىلگەرىلەتۋدەگى ماڭىزدى شاراسى. 40 جىلدان بەرى مەملەكەت دارەجەلى ەكونوميكالىق ـ تەحنيكالىق اشۋ رايوندارى ەسىك اشۋدى كەڭەيتۋگە تاباندى بولىپ، رەفورما جاساپ، جاڭالىق اشۋدى تەرەڭدەتىپ، قاجىرلىلىقپەن كۇرەس جۇرگىزىپ، قايراتتانا العا ۇمتىلىپ، اشىق ەكونوميكانىڭ جاڭا ءتۇزىلىس قۇرىلىسىنا، وڭىرلەردىڭ سايكەستى دامۋىنا جانە كاسىپ سالاسىنىڭ جوعارى ساپالى دامۋىنا بەلسەندى ۇلەس قوستى.

شي جينپيڭ بىلاي دەپ باسا دارىپتەدى: جاڭا ءداۋىردىڭ جاڭا جورىعىندا مەملەكەت دارەجەلى ەكونوميكالىق ـ تەحنيكالىق اشۋ رايوندارى پارتيا 20 ـ قۇرىلتايىنىڭ جانە پارتيا 20 ـ كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيانىڭ جاپپاي باسشىلىعىنا تاباندى بولىپ، جاڭا دامۋ ۇستانىمىن دايەكتىلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتىپ، جاڭالىق اشۋدىڭ ومىرشەڭدىك كۇشى مەن ىشكى قوزعاۋشى كۇشىن ۇزدىكسىز قاۋلاتىپ، جاڭا دامۋ جاعدايىن قالىپتاستىرۋعا بەلسەنە ات سالىسىپ، جوعارى دەڭگەيدەگى سىرتقا ەسىك اشۋ ارقىلى تەرەڭ قاتپارلى رەفورمانى، جوعارى ساپالى دامۋدى جەبەۋ كەرەك. باتىلدىقپەن رەفورما جاساپ، ەسىك اشۋدىڭ اتويشىسى بولىپ، جوعارى دەڭگەيدەگى سىرتقا ەسىك اشۋ ءتۇزىلىس، مەحانيزمىن اناعۇرلىم كەمەلدەندىرۋ؛ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋعا بەلسەنە ات سالىسىپ، حالىقارالىق سەلبەستىكتى كەڭەيتىپ، ساۋداگەر شاقىرىپ، قارجى ەنگىزۋ تاسىلىندە جاڭالىق اشىپ، ”جۇڭگوعا قارجى قوسۋ“ ماركاسىن جاراتۋعا دەم بەرۋ؛ وزىق جاساۋ كاسىبىنىڭ كاسىپ سالاسى نەگىزىن بەكەمدەپ جانە جوعارىلاتىپ، كاسىپ سالاسىنىڭ جوعارى دەڭگەيلەنۋىن، جاسىلدانۋىن، سيفرلانۋىن ىلگەرىلەتىپ، سيفرلى كاسىپ سالاسىن، بولاشاق كاسىپ سالاسىن قالىپتاستىرىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك.

مەملەكەت دارەجەلى ەكونوميكالىق اشۋ رايوندارىنىڭ 40 جىلدىعى جونىندەگى اڭگىمە ءماجىلىسى 10 - ايدىڭ 20 ـ كۇنى تيانجيندە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى حى ليفىڭ ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەدى. حى ليفىڭ بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى − جاڭا ءداۋىردىڭ جاڭا جورىعىندا مەملەكەت دارەجەلى ەكونوميكالىق اشۋ رايوندارى قىزمەتىن ويداعىداي ىستەۋدىڭ ءتۇبىرلى تياناعى جانە ارەكەت باعدارناماسى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، مەملەكەت دارەجەلى ەكونوميكالىق اشۋ رايوندارىنىڭ دامۋى ءدوپ كەلگەن جاڭا جاعدايدى جەتە تانىپ، وزەكتى ارقاۋ ەتىپ، جالپى جاعدايعا قىزمەت ەتىپ، ءتۇزىلىس، مەحانيزم رەفورماسىندا جاڭالىق اشۋدىڭ سىناق اتىزىن قۇرىپ، جوعارى دەڭگەيدە سىرتقا ەسىك اشۋدى ىلگەرىلەتۋدىڭ اتويشىسى بولىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋدان ۇلگى كورسەتۋ رايونىن قۇرىپ، وڭىرلىك ەسىك اشۋ مەن وڭىرلىك سايكەستى دامۋدىڭ ىلگەرىلەتۋشىسى بولۋعا قۇلشىنىپ، ەكونوميكانىڭ تيپىن وزگەرتىپ، دارەجەسىن جوعارىلاتۋدى ىلگەرىلەتۋدىڭ، جاڭا دامۋ جاعدايىن ورناتۋعا قىزمەت وتەۋدىڭ جالىندى كۇشىنە اينالىپ، ەكونوميكالىق اشۋ رايوندارى قىزمەتىنىڭ جاڭا جاعدايىن قۇلشىنا اشۋ كەرەك.

ساۋدا مينيسترلىگىندەگى، ورتالىق شتات كەڭسەسىندەگى، ونەركاسىپ جانە ينفورماتسيالاندىرۋ مينيسترلىگىندەگى، جاراتىلىستىق بايلىق مينيسترلىگىندەگى، تيانجين، جياڭسۋ، انحۇي، گۋاڭشيدەگى جانە ءبىر ءبولىم مەملەكەت دارەجەلى ەكونوميكالىق اشۋ رايوندارىنداعى جاۋاپتى جولداستار ءسوز سويلەدى.

كەلۋ قاينارى: حالىق تورابى