شي جينپيڭ تەلەگرامما جولداپ پرابوۆونىڭ يندونەزيانىڭ زۇڭتۇڭى بولىپ تاعايىندالعاندىعىن قۇتتىقتادى

شينحۋا اگەنتتىگى، 10 ـ ايدىڭ 20 ـ كۇنى، بەيجيڭ. 10 ـ ايدىڭ 20 ـ كۇنى مەملەكەت ءتوراعاسى شي جينپيڭ پرابوۆو سۋبياندوعا تەلەگرامما جولداپ، ونىڭ يندونەزيانىڭ زۇڭتۇڭى بولىپ تاعايىندالعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن يندونەزيا − ءداستۇرلى دوس كورشىلەر. ەكى ەلدىڭ جالپى بەتتىك ستراتەگيالىق سەرىكتەستىك قارىم - قاتىناسى ۇزدىكسىز ورنىقتى جوعارىلاپ، تاعدىرلاس ورتاق تۇلعانى بىرگە قۇرۋدىڭ جاڭا كەزەڭىنە ءوتتى. كەلەر جىل − جۇڭگو مەن يندونەزيانىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعى، ەكى جاقتى سەلبەستىكتى ىلگەرىلەتۋگە جاڭا وراي ازىرلەيدى. مەن پرابوۆو زۇڭتۇڭمەن تىعىز ستراتەگيالىق قارىم ـ قاتىناستى ساقتاپ، جۇڭگو ـ يندونەزيا تاعدىرلاس ورتاق تۇلعاسى قۇرىلىسىنىڭ ۇزدىكسىز تىڭ ساتىعا كوتەرىلۋىنە جەتەكشىلىك ەتىپ، وركەندەپ كەلە جاتقان ءىرى ەلدەردىڭ بىرلەسىپ ءوزىن الۋەتتەندىرۋىنىڭ، ىنتىماقتاسا سەلبەسۋىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ تىڭ داستانىن جازۋدى قالايمىن.