شيپاگەر شۇعىل ەسكەرتتى! مىناداي ءدارىنى قالاعانىڭىزشا ىشۋدەن اباي بولىڭىز 

كۇز بەن قىس مەزگىلىندە تىنىس جولى اۋرۋلارىمەن جۇعىمدالۋ سەبەبىنەن جوتەلۋ ءجيى تۋىلادى، مۇنداي كەزدە اۋرۋ بەلگىسىنە قاراي قانداي ءدارى پايدالانۋىمىز كەرەك؟ قايتكەندە مۇنداي جاعدايدان ءونىمدى ساقتانۋعا بولادى؟ جوتەلدى تۋدىراتىن سەبەپتەردىڭ ءتۇرى كوپ، مامانداردىڭ ايتۋىنشا، جاستار جونىنەن ايتقاندا، ەگەر جوتەل ءبىرشاما جەڭىل بولسا، ونى ۇيلەسىمدى تۇردە باقىلاپ كورۋگە بولادى، ەگەر جوتەل ءۇش اپتادان اسىپ كەتسە دە باسەڭدەمەسە، ءتىپتى اۋىرلاسىپ كەتسە، ەمحاناعا بارىپ تەكسەرىلىپ، سەبەبىن ايقىنداعان ءجون.

ماماندار مىنانى باسا دارىپتەدى: ناۋقاستار شيپاگەردىڭ قويعان دياگنوزىنا ساي ءدارى ىشكەنى، ءدارىنى ءوز قالاۋىنا قاراي ىشۋدەن اباي بولعانى ءجون. ءبىر مەزگىلدەن بەرى، يوۋمەيشافىن دەگەن جوتەلدى باساتىن ءدارىنى كوپتەگەن ادامدار ” بارلىق جوتەلدى باساتىن“ ءدارى دەپ قاراۋدا، الايدا، بيىل مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى مەن مەملەكەتتىك دەنساۋلىق ساقتاۋ – سالاماتتىق كوميتەتى يوۋمەيشافىن قاتارلى ءدارى – دارمەكتەردى باسقارۋدى كۇشەيتۋ جونىندەگى ۇقتىرۋدى جاريالادى. 7 – ايدىڭ 1 – كۇنىنەن باستاپ، يوۋمەيشافىن 2 – توپتاعى رۋحاني اۋرۋ دارىلەرىنىڭ تىزىمدىگىنە رەسمي ەنگىزىلدى. ماماندار مىنانى ەسكەرتەدى: يوۋمەيشافىندى ۇزاق ۋاقىت بويى پايدالانسا، وعان يەك سۇيەپ الۋمەن بىرگە، نەگىزدىك اۋرۋلارعا قاتىستى كەرى اسەر بەرۋى مۇمكىن.

بەيجيڭ داشۋەسى 1 – ەمحاناسى ءدارى – دارمەك ءبولىمىنىڭ ورىنباسار مەڭگەرۋشى دارىگەرى ما ليڭ بىلاي دەدى: يوۋمەيشافىن ورتالىق نەرۆتىك جوتەلدى باساتىن دارىگە جاتادى، ونى قالىپتى پايدالانۋ ادەتتە ءبىرشاما حاۋىپسىز سانالادى، ەگەر كوپ مولشەردە پايدالانسا بۇيرەك قاتارلىلارعا كەرى اسەر ەتۋى مۇمكىن. قايتكەندە جوتەلدى ءونىمدى تيۋعا بولادى؟ ماماندار مىنانى ەسكەرتەدى: كۇندەلىكتى تۇرمىستا كليمات وزگەرىسىنە كوڭىل ءبولۋ، سۋىقتان ساقتانىپ، جىلى كيىنۋ، سىرتقا شىققاندا ماسكى تاعىپ ءجۇرۋ كەرەك. ادەتتە ۇيلەسىمدى تۇردە دەنە شىنىقتىرۋ ارقىلى دا دەنەنىڭ اۋرۋعا قارسىلىق قۋاتىن ارتتىرۋعا بولادى. مۇنان سىرت، تىنىس جولى جۇقپالى اۋرۋلارىنان ساقتانۋ ءۇشىن، جۇقپالى تۇماۋ تارالاتىن ماۋسىمنان بۇرىن كوپشىلىكتىڭ جۇقپالى تۇماۋ ۆاكسيناسىن تەزىرەك ەكتىرگەنى ءجون.

كەلۋ قاينارى: حالىق تورابى