جۇقپالى تۇماۋ ءجيى تۋىلاتىن مەزگىلدە، مىناداي 5 توپتاعى ادامداردىڭ دەر كەزىندە ۆاكسينا ەكتىرگەنى ءجون 

كۇز بەن قىس مەزگىلىندە كۇندىز بەن تۇنگى اۋا رايىنىڭ پارقى زور بولاتىندىقتان، جۇقپالى تۇماۋ ءجيى تارالاتىن مەزگىل سانالادى. ءار جىلى تارالاتىن جۇقپالى تۇماۋ ۆيرۋسىنىڭ تۇبىرشىگىندە وزگەرىس بولاتىندىقتان، وعان سايكەس كەلەتىن جۇقپالى تۇماۋ ۆاكسيناسىنا قوسىلاتىن ۆيرۋس تۇبىرشىگى دە سوعان سايكەس وزگەرىپ وتىرادى، سوندىقتان، ءار جىلى ەڭ جاڭا جۇقپالى تۇماۋ ۆاكسياسىن ەكتىرىپ وتىرعاندا عانا، ودان ساقتانۋ ونىمدىلىگىنە قول جەتكىزۋگە بولادى.

كەيبىر ناۋقاستار جۇقپالى تۇماۋعا شالدىققاننان كەيىن قوسالقى اۋرۋلارعا شالدىعۋ حاۋپى ءبىرشاما جوعارىلايدى، كەيبىر ادامدار جۇقپالى تۇماۋعا شالدىعۋ حاۋپى جوعارى ادامدارمەن ءجيى ارالاساتىندىقتان، ولاردىڭ بارلىعى جۇقپالى تۇماۋ ۆاكسياسىن ەكتىرۋى كەرەك. مىناداي ادامدار جۇقپالى تۇماۋعا شالدىققاننان كەيىن قوسالقى اۋرۋعا شالدىعۋ حاۋپى ءبىرشاما جوعارى ادامدار سانالادى، ولاردىڭ جۇقپالى تۇماۋ ۆاكسيناسىن ەكتىرگەنى ءجون.

ءبىرىنشى، 6 ايدان 59 ايعا دەيىنگى ارالىقتاعى نارەستەلەر، سابيلەر

ەكىنشى، 60 جاستان جوعارعى قارتتار

ءۇشىنشى، ەرەكشە سوزىلمالى ناۋقاسى بارلار: سوزىلمالى تىنىس جولى اۋرۋى بارلار، جۇرەك - قان تامىر اۋرۋى بارلار، باۋىر مەن بۇيرەك قىزمەتىندە كەمىستىك بارلار، قان اۋرۋى بارلار، نەرۆ جۇيەسىندە اۋرۋى بارلار، نەرۆ بۇلشىق ەتى قىزمەتى كەدەرگىگە ۇشىراعاندار، زات الماسۋ قۋاتىندا كىناراتى بار اۋرۋلار (قانتتى نەسەپ اۋرۋىن قامتيدى)، يممۋنيتەتتى تەجەۋ سيپاتتى اۋرۋى بارلار نەمەسە يممۋنيتەت قىزمەتى ناشارلاعاندار قامتىلادى.

ءتورتىنشى، جۇقپالى تۇماۋ مەزگىلىندە جۇكتى بولۋعا دايىندالعان ايەلدەر

بەسىنشى، ناۋقاس حاۋپى جوعارى ادامدارمەن جاقىننان ءجيى ارالاساتىن ادامدار: قارتتار ءۇيى، شيپاجاي جانە باسقا سوزىلمالى اۋرۋى بار ادامداردى كۇتىمدەيتىن قۇرىلىمداردا قىزمەت وتەيتىندەر؛ 6 ايدان تومەنگى نارەستە بار وتباسىنداعىلار نەمەسە بالاعا قاراۋشىلار؛ 60 جاستان اسقان قارتتار بار وتباسىنداعىلار جانە قارتتاردى كۇتىمدەۋشىلەر؛ باسقا دا جۇقپالى تۇماۋعا شالدىعۋ حاۋپى جوعارى ادامداردىڭ وتباسىنداعىلار مەن ونى كۇتىمدەۋشىلەر؛ ەمدەۋ قىزمەتكەرلەرى.

كەلۋ قاينارى: حالىق تورابى