شي جينپيڭ حى ي - چىڭمەن كەزدەستى

12 - ايدىڭ 18 - كۇنى تۇستەن كەيىن مەملەكەت ءتوراعاسى شي جينپيڭ اۋمىندا اۋمىن ەرەكشە اكىمشىلىك رايونىنىڭ اكىمى حى ي - چىڭمەن كەزدەستى

سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن

«حالىق گازەتى»، 12 - ايدىڭ 18 - كۇنى، اۋمىن. مەملەكەت ءتوراعاسى شي جينپيڭ 12 - ايدىڭ 18 - كۇنى تۇستەن كەيىن اۋمىندا اۋمىن ەرەكشە اكىمشىلىك رايونىنىڭ اكىمى حى ي - چىڭمەن كەزدەستى.

شي جينپيڭ حى ي - چىڭعا مىنالاردى ءبىلدىردى: ءسىز اكىم بولعان وسى 5 جىلدا قيىندىققا قارسى اتتانىپ، ناقتى ىستەر تىندىردىڭىز، شىنىندا وڭاي ەمەس، قىزمەتتى وتە ناتيجەلى ىستەدىڭىز. ءسىز وسى كەزەكتى ەرەكشە اكىمشىلىك رايون ۇكىمەتىن باستاپ، اۋمىن قوعامىنىڭ ءار سالاسىمەن ىنتىماقتاسىپ، ”ءبىر ەل، ەكى ءتۇزىم“ باعىتىن جاپپاي، دۇرىس، بۇلجىماي دايەكتىلەندىرىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسىن جەڭىپ، ەكونوميكانىڭ ۇيلەسىمدى، كوپ نەگىزدى دامۋىن قۇلشىنا ىلگەرىلەتىپ، ءتۇرلى ىستەردە تىڭ ىلگەرىلەۋشىلىكتەرگە قول جەتكىزىپ، گۇلدەنگەن، ورنىقتى تاماشا جاعدايدى بەكەمدەدىڭىز، دامىتتىڭىز. ورتالىق ءسىزدىڭ جانە وسى كەزەكتى ەرەكشە اكىمشىلىك رايون ۇكىمەتىنىڭ قىزمەتىن تولىق تۇراقتاندىرادى.

شي جينپيڭ بىلاي دەپ اتاپ كورسەتتى: ءسىزدىڭ جاڭا كەزەكتى اكىمنىڭ جانە ونىڭ باسقارۋ، جونگە سالۋ ۇجىمىنىڭ زاڭ بويىنشا بيلىك جۇرگىزۋىن بەلسەنە قولداپ، ”ءبىر ەل، ەكى ءتۇزىم“ ىستەرىنە، اۋمىن مەن مەملەكەتتىڭ دامۋىنا ۇزدىكسىز كۇش قوسۋىڭىزدى ءۇمىت ەتەمىن.

حى ي - چىڭ ەرەكشە اكىمشىلىك رايون ۇكىمەتى مەن اۋمىن قالا تۇرعىندارى اتىنان ءتوراعا شي جينپيڭ مەن حانىمى پىڭ لييۋاننىڭ اۋمىنعا كەلىپ، اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا جانە اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىنا قاتىناسۋىن ءارى اۋمىندى كوزدەن كەشىرۋىن قىزۋ قارسى الاتىنىن ءبىلدىردى. ول مىنالاردى ءبىلدىردى: ءتوراعا شي جينپيڭ مەن ورتالىق ۇكىمەتتىڭ سەنىمى مەن قولداۋىنا شىن جۇرەكتەن العىس ايتامىن. ورتالىقتىڭ زور كۇشپەن قولداۋىندا، 5 جىلدان بەرى اۋمىن ەرەكشە اكىمشىلىك رايونى ۇكىمەتى قوعامنىڭ ءار سالاسىنداعىلاردى ىنتىماقتاستىرىپ جانە باستاپ، 3 جىلدىق جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسىنا پارمەندى توتەپ بەرىپ، ەرەكشە اكىمشىلىك رايوننىڭ ءتۇرلى كوركەيت ىستەرىنىڭ جاپپاي تىڭ ساتىعا كوتەرىلۋىن ىلگەرىلەتتى. مەن جاڭا كەزەكتى ەرەكشە اكىمشىلىك رايون ۇكىمەتىنىڭ زاڭ بويىنشا بيلىك جۇرگىزۋىن قولداپ، اۋمىن مەن مەملەكەتتىڭ دامۋ قۇرىلىسىنا ۇزدىكسىز ءوز ۇلەسىمدى قوسامىن.

ساي چي، شيا باۋلۇڭ قاتارلىلار كەزدەسۋدە بىرگە بولدى.

كەلۋ قاينارى: حالىق تورابى