ورتالىقتىڭ اۋىل - قىستاق قىزمەتى ءماجىلىسى بەيجيڭدە اشىلدى

«حالىق گازەتى»، 12 - ايدىڭ 18 - كۇنى، بەيجيڭ. ورتالىقتىڭ اۋىل - قىستاق قىزمەتى ءماجىلىسى 12 - ايدىڭ 17 - كۇنىنەن 18 - كۇنىنە دەيىن بەيجيڭدە اشىلدى. ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن جاپپاي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن تياناقتاندىرىپ، قازىرگى اۋىل شارۋاشىلىعى، اۋىل - قىستاق، شارۋالار قىزمەتىندە ءدوپ كەلگەن جاعدايلار مەن سىن - سايىسقا تالداۋ جاساپ، 2025 - جىلعى اۋىل شارۋاشىلىعى، اۋىل - قىستاق، شارۋالار قىزمەتىن ورنالاستىردى.

پارتيا ورتالىق كوميتەتى وسى رەتكى ماجىلىسكە ايرىقشا ءمان بەردى. ماجىلىستەن بۇرىن ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى وسى رەتكى ءماجىلىستى ويداعىداي اشىپ، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ جونىندە ايقىن تالاپتار قويدى.

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ جونىندە ماڭىزدى نۇسقاۋ بەردى. شي جينپيڭ بىلاي دەپ اتاپ كورسەتتى: 2024 - جىلى ەلىمىزدىڭ استىق ءوندىرىسى تىڭ ساتىعا كوتەرىلىپ، شارۋالاردىڭ كىرىسى ورنىقتى ارتىپ، اۋىل - قىستاق قوعامى جاراسىمدى، ورنىقتى بولىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋگە نەگىزدىك تىرەك ازىرلەدى. 2025 - جىلعى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدە جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، قالا مەن اۋىلدىڭ توعىسپالى دامۋىنا تاباندى بولىپ، اۋىل - قىستاق رەفورماسىن اناعۇرلىم تەرەڭدەتىپ، اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ، شارۋالاردى بايىتۋدى قولداۋ ءتۇزىمىن كەمەلدەندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك. ەگىستىك جەردىڭ قىزىل سىزىعىن قاتاڭ ساقتاپ، جوعارى ساپالى ەگىنجاي قۇرىلىسىن ىلگەرىلەتىپ، اۋىل شارۋاشىلىعىنىڭ عىلىم - تەحنيكا جانە جابدىق تىرەگىن كۇشەيتىپ، استىق پەن ماڭىزدى اۋىل شارۋاشىلىق ونىمدەرىنىڭ ورنىقتى وندىرىلۋىنە، قامدالۋىنا شىنايى كەپىلدىك ەتۋ كەرەك. اۋىل - قىستاقتىڭ حالىقتى اۋقاتتاندىرۋ كاسىپ سالاسىن بەلسەنە دامىتىپ، اۋىل شارۋاشىلىعىنىڭ جالپىلىق ونىمدىلىگىن جوعارىلاتىپ، اۋدان ءوڭىرى ەكونوميكاسىن زورايتىپ، شارۋالاردىڭ كىرىسىن ارتتىرۋ ارناسىن كەڭەيتىپ، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، كولەمدى تۇردە قايتا كەدەيلەسۋدەن، كەدەيلەسۋدەن ساقتانۋ تومەنگى شەگىن باتىل ساقتاۋ كەرەك. ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەلەرىن ىشكەرىلەي ۇيرەنىپ، قولدانىپ، اۋىل - قىستاق قۇرىلىسىن تىڭعىلىقتى ىلگەرىلەتىپ، اۋىل - قىستاق مادەنيەتىن گۇلدەندىرىپ، ەسكى عۇرىپ - ادەتتى وزگەرتۋدى ىلگەرىلەتىپ، قونىستانۋعا، كاسىپكە قولايلى، كورىكتى اۋىل - قىستاق قۇرۋ كەرەك. اۋىل - قىستاق نەگىزگى ساتى پارتيا ۇيىمى قۇرىلىسىن كۇشەيتىپ، پارتيا قۇرىلىسىنىڭ نەگىزگى ساتىنى باسقارۋعا جەتەكشىلىك ەتۋ ونىمدىلىگىن جوعارىلاتۋ كەرەك.

شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، 5 دارەجەلى شۋجيلەردىڭ اۋىل - قىستاقتى گۇلدەندىرۋدى يگەرۋ ساياسي جاۋاپكەرشىلىگىن بەكەمدەپ، قالىڭ پارتيا مۇشەلەرىنىڭ، كادرلاردىڭ جانە شارۋالار بۇقاراسىنىڭ بەلسەندىلىگىن تولىق جۇمىلدىرىپ، شىنايى يگەرىپ، ناقتى ىستەپ، ۇزاق ۋاقىت ۇلەس قوسىپ، اۋىل شارۋاشىلىعىن، اۋىل - قىستاقتى وسىزامانداندىرۋ اياق الىسىن جەدەلدەتىپ، اۋىل شارۋاشىلىعىنىڭ نەگىزىن اناعۇرلىم بەكەمدەۋدى، اۋىل - قىستاق ءوڭىرىنىڭ اناعۇرلىم گۇلدەنۋىن، شارۋالار تۇرمىسىنىڭ اناعۇرلىم شالقي ءتۇسۋىن ىلگەرىلەتىپ، اۋىل شارۋاشىلىعىندا قۋاتتى ەل قۇرۋ نىساناسىنا قاراي تىڭعىلىقتى قادام تاستاۋ كەرەك.

ءماجىلىس شي جينپيڭنىڭ ماڭىزدى نۇسقاۋىن جەتكىزدى، ۇيرەندى، «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ اۋىل - قىستاق رەفورماسىن ونان ارى تەرەڭدەتۋ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتۋ جونىندەگى پىكىرىن (تالقى نۇسقاسى)» تالقىلادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ گوجۇڭ ماجىلىسكە قاتىناستى ءارى ءسوز سويلەدى.

ءماجىلىس بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى بيىلعى اۋىل شارۋاشىلىعى، اۋىل - قىستاق، شارۋالار قىزمەتىندە قول جەتكىزگەن ناتيجەلەردى تولىق تۇراقتاندىرىپ، 2025 - جىلعى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ جونىندە ايقىن تالاپ قويدى، اۋىل شارۋاشىلىعى، اۋىل - قىستاق، شارۋالار قىزمەتىنە عىلمي جەتەكشىلىك ەتۋدى ستراتەگيالىق جاقتان ورنالاستىردى، شەشۋشى ورىندا تياناقتاندىردى، مۇنىڭ ساياسي سيپاتى، يدەيالىق سيپاتى، جەتەكشىلىك سيپاتى، باعىتتامالىلىق سيپاتى وتە كۇشتى. باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن، ءسوز جوق، ىشكەرىلەي ۇيرەنىپ، دايەكتىلەندىرىپ، وسكەلەڭ ساياسي سانالىلىقپەن دايەكتىلەندىرۋدى، تياناقتاندىرۋدى باتىل ويداعىداي يگەرىپ، ءىس جۇزىندىكپەن ۇشتاستىرا وتىرىپ ناقتى ارەكەتكە جانە شاراعا اينالدىرۋ كەرەك.

ءماجىلىس بىلاي دەپ باسا دارىپتەدى: نازاردى ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەلەرىن ۇيرەنۋگە، قولدانۋعا، اۋىل - قىستاقتى جاپپاي گۇلدەندىرۋدى ىلگەرىلەتۋگە شوعىرلاندىرىپ، ءبىر توپ ءتۇيىندى ناقتى ءىستى كۇشتى شوعىرلاندىرا وتىرىپ ويداعىداي يگەرىپ، ويداعىداي تىندىرىپ، اۋىل شارۋاشىلىعىنىڭ ونىمدىلىگىن ارتتىرۋدى، اۋىل - قىستاقتىڭ ومىرشەڭدىك قۋاتىن ارتتىرۋدى، شارۋالاردىڭ كىرىسىن ارتتىرۋدى امالدىڭ بارىنشا ىلگەرىلەتۋ كەرەك. مەملەكەتتىڭ استىق حاۋىپسىزدىگىن قامتاماسىز ەتۋ اۋىر مىندەتىن باتىل ارقالاپ، استىق سياقتى ماڭىزدى اۋىل شارۋاشىلىق ونىمدەرىمەن قامداۋدى قامتاماسىز ەتۋ قابىلەتىن ۇزدىكسىز كۇشەيتىپ، استىق ەگىلەتىن جەر اۋدانىن ورنىقتىرىپ، استىق، ماي داقىلدارىنىڭ كولەمدى اۋماقتىق بىرلىك ءونىمىن جوعارىلاتۋ ارەكەتىن ىشكەرىلەي ىلگەرىلەتىپ، اۋىل شارۋاشىلىعىنىڭ اپاتتان ساقتانۋ، اپات زيانىن ازايتۋ قابىلەتى قۇرىلىسىن كۇشەيتىپ، استىقتان ورنىقتى ءونىم الۋعا، مول ءونىم الۋعا شىنايى كەپىلدىك ەتۋ كەرەك. ەگىستىك جەردى قورعاۋدى جانە ساپاسىن جوعارىلاتۋدى كۇشەيتىپ، ەگىستىك جەردى يەمدەنۋ مەن تولىقتاۋدىڭ تەپە - تەڭدىگىن باسقارۋدى قاتايتىپ، ەگىستىك جەردىڭ پايدالانۋ جولىن باقىلاۋ - ولشەۋ جۇيەسىن ورناتىپ، جوعارى ولشەمدى ەگىنجاي قۇرىلىسى ينجەنەرياسىنىڭ ساپاسى مەن قارجىنىڭ حاۋىپسىزدىگىن باقىلاۋ - باسقارۋدى ويداعىداي يگەرۋ كەرەك. اۋىل شارۋاشىلىق عىلىم - تەحنيكا كۇشتەرىنىڭ سايكەسە قامال الۋىن ىلگەرىلەتىپ، عىلىم - تەحنيكا جەتىستىكتەرىن كەڭ كولەمدە جالپىلاستىرۋدى، قولدانۋدى جەدەلدەتىپ، اۋىل شارۋاشىلىعىنىڭ جاڭاشا وندىرگىش كۇشتەرىن جەرگىلىكتى جاعدايعا قاراي دامىتۋ كەرەك. استىق ءوندىرىسىن قولداۋ ساياسات جۇيەسىن اقاۋسىزداندىرىپ، ورتالىق ءبىر تۇتاس جوسپارلاعان استىق ءوندىرۋ، ساتۋ رايوندارىنداعى ولكەلەر ارا ەندىك مۇددەلىك تولەم بەرۋدى باستاۋ كەرەك. اۋىل شارۋاشىلىق ونىمدەرى ساۋداسى مەن ءوندىرىسىن سايكەستىرۋ مەحانيزمىن كەمەلدەندىرىپ، استىق سياقتى ماڭىزدى اۋىل شارۋاشىلىق ونىمدەرىنىڭ باعاسىن ۇيلەسىمدى دەڭگەيدە ساقتاۋدى ىلگەرىلەتۋ كەرەك. كوپ نەگىزدى ازىقتىقپەن قامداۋ جۇيەسىن ورناتىپ، مال شارۋاشىلىعىنىڭ ورنىقتى دامۋىن سۇيەمەلدەپ، استىق پەن ازىقتىقتى ۇنەمدەۋدىڭ باياندى مەحانيزمىن اقاۋسىزداندىرۋ كەرەك. كەدەيلىكتەن ارىلتۋدان قامال الۋ جەتىستىگىن بەكەمدەۋ، كەڭەيتۋدىڭ ءتۇرلى قىزمەتتەرىن تيتتەي دە بوساڭسىماي ويداعىداي يگەرىپ، قايتا كەدەيلەسۋدەن، كەدەيلەسۋدەن ساقتانۋدى قاداعالاۋ، كومەكتەسۋ - سۇيەمەلدەۋ ونىمدىلىگىن جوعارىلاتىپ، اۋىل - قىستاقتا قايتا كەدەيلەسۋدەن، كەدەيلەسۋدەن ساقتانۋ مەحانيزمى مەن تومەن كىرىستى حالىق سانى، دامۋدا ارتتا قالعان وڭىرلەر بويىنشا ساتىعا، تۇرگە ءبولىپ كومەكتەسۋ - سۇيەمەلدەۋ ءتۇزىمىن ءبىر تۇتاس جوسپارلاپ ورناتۋ كەرەك. اۋىل - قىستاق كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، ”جەرگىلىكتى ەرەكشە ونىمدەردى“ ويداعىداي ىستەپ، جاڭا كاسىپ سالالارىن، جاڭا كاسىپ كۇيلەرىن جەتىلدىرىپ، اۋىل شارۋاشىلىعىمەن بىرلەسۋ، اۋىل شارۋاشىلىعىنا جەتەكشىلىك ەتۋ مەحانيزمىن كەمەلدەندىرىپ، شارۋالاردىڭ كىرىسىن ارتتىرۋدى جەبەۋ كەرەك. اۋىل - قىستاق جوبا قۇرىلىسىنىڭ دەڭگەيىن جوعارىلاتىپ، حالىق سانىنىڭ وزگەرىس بەتالىسىنا سايكەسىپ، اۋىل - قىستاقتى جاپپاي گۇلدەندىرۋ مەن جاڭاشا قالا - قالاشىقتاندىرۋدىڭ ورگانيكالى ۇشتاسۋىن ىلگەرىلەتىپ، اۋدان وڭىرىندەگى قالا - اۋىل جوبا ورنالاستىرۋىن ءبىر تۇتاس جوسپارلاپ، نەگىزدىك قۇرىلعىلاردىڭ اۋىل - قىستاققا كەڭەيۋىن ىلگەرىلەتىپ، اۋىل - قىستاقتىڭ نەگىزگى الەۋمەتتىك قىزمەت وتەۋ دەڭگەيىن جوعارىلاتىپ، اۋىل - قىستاقتىڭ قونىس ورتاسىن ۇزدىكسىز جاقسارتىپ، اۋىل - قىستاق ەكولوگيالىق ورتاسىن جونگە سالۋدى كۇشەيتۋ كەرەك. اۋىل - قىستاقتى باسقارۋ جۇيەسىن كۇش سالا اقاۋسىزداندىرىپ، پارتيا قۇرىلىسىن يگەرىپ، اۋىل - قىستاقتى گۇلدەندىرۋدى ىشكەرىلەي ىلگەرىلەتىپ، فورماشىلدىقتى ۇزدىكسىز جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ كەرەك. وركەنيەتتى اۋىل سالتى قۇرىلىسى ينجەنەرياسىن اتقارىپ، جاڭا داۋىردەگى اۋىل - قىستاقتىڭ رۋحاني وركەنيەت قۇرىلىسىن كۇشەيتىپ، ەسكى سالت - سانانى وزگەرتۋدى بەلسەنە ورىستەتۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، اۋىل - قىستاقتاعى قايشىلىقتاردى، داۋ - شاردى اداقتاپ تەكسەرۋدى، شەشۋدى ويداعىداي ىستەپ، اۋىل - قىستاقتىڭ ورنىقتىلىعىن، تىنىشتىعىن قورعاۋ كەرەك. اۋىل - قىستاق رەفورماسىن اناعۇرلىم تەرەڭدەتۋ مىندەتىن جاپپاي تياناقتاندىرىپ، جەردى 2 - كەزەكتى كوتەرمەگە الۋ مەرزىمى تولعاننان كەيىن تاعى 30 جىل ۇزارتۋدى تۇيىندە سىناق ەتۋدى تارتىپپەن ىلگەرىلەتىپ، بوس تۇرعان شارۋالار ۇيلەرىن مايعا بەرۋ، جارناعا قوسۋ، سەلبەسۋ سياقتى تاسىلدەر ارقىلى كادەگە جاراتۋدىڭ ءونىمدى جۇزەگە اسۋ فورماسىن قاراستىرىپ، اۋىل - قىستاقتى گۇلدەندىرۋگە قارجى قوسۋ، قارجى قۇراۋ مەحانيزمىندە جاڭالىق اشىپ، اۋىل - قىستاقتى گۇلدەندىرۋدىڭ قوزعاۋشى كۇشىن، ومىرشەڭدىك كۇشىن تاسقىنداتۋ كەرەك.

ءماجىلىس بىلاي دەپ باسا دارىپتەدى: پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جاپپاي باسشىلىعىن كۇشەيتىپ، ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەلەرىن ۇيرەنۋدى، قولدانۋدى تەرەڭدەتىپ، ناقتىلاندىرۋدى ىلگەرىلەتىپ، اۋىل - قىستاقتى جاپپاي گۇلدەندىرۋدىڭ باياندى مەحانيزمىن اقاۋسىزداندىرۋ كەرەك. جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرىپ، اۋىل - قىستاقتىڭ ءىس جۇزىندىگىن شىعار ءتۇيىن ەتۋگە تاباندى بولىپ، شارۋالاردىڭ تىلەگىنە قۇرمەت ەتىپ، شارۋالاردىڭ نەگىزگى تۇلعالىق رولىن ساۋلەلەندىرىپ، قىزمەت ءتاسىلى مەن ءادىسىن جاقسارتىپ، جەر - جەردى امالياتتىق ىزدەنۋگە جانە رەفورما جاساۋعا، جاڭالىق اشۋعا شابىتتاندىرىپ، اۋىل - قىستاقتى جاپپاي گۇلدەندىرۋدىڭ جاڭا جاعدايىن ۇزدىكسىز اشۋ كەرەك.

مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى ۋ جىڭلۇڭ ءبىرىنشى جالپى ءماجىلىستى باسقاردى.

ورتالىقتىڭ اۋىل - قىستاق قىزمەتىنە باسشىلىق ەتۋ گرۋپپاسىنىڭ مۇشەلەرى، ولكەلەردەگى، اۆتونوميالى رايوندارداعى، توتە قاراستى قالالارداعى جانە جوسپارى بولەك جاسالاتىن قالالارداعى، شينجياڭ ءوندىرىس - قۇرىلىس بيڭتۋانىنداعى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، قاتىستى فينانس قۇرىلىمدارى مەن كاسىپورىندارداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.

كەلۋ قاينارى: حالىق تورابى