حالىق ىستەرى مينيسترلىگى قايىرىمدىلىق ۇيىمدارىنا باعىتتالعان تەكسەرۋ مەن زاڭ اتقارۋ قىزمەتىن ورىستەتەدى 

پارتيا ورتالىق كوميتەتىنىڭ قايىرىمدىلىق ىستەرىن دامىتۋ جونىندەگى شەشىمدەرىن، ورنالاستىرۋلارىن جانە جاڭادان وزگەرىس ەنگىزىلگەن قايىرىمدىلىق زاڭىن دايەكتى تياناقتاندىرۋ، قايىرىمدىلىق ىستەرىنىڭ اقاۋسىز دامۋىن جۇيەلى باسقارۋ جانە ىلگەرىلەتۋ ءۇشىن، جۋىردا حالىق ىستەرى مينيسترلىگى ۇقتىرۋ باسىپ تاراتىپ، جەر – جەردەگى حالىق ىستەرى تاراۋلارىنان قايىرىمدىلىق ۇيىمدارىنا باعىتتالعان تەكسەرۋ جانە زاڭ اتقارۋ قىزمەتىن ورىستەتۋدى تالاپ ەتتى.

ۇقتىرۋدا مىنالار اتاپ كورسەتىلدى: جەر – جەردەگى حالىق ىستەرى تاراۋلارى قايىرىمدىلىق ۇيىمدارىنا باعىتتامالى تۇردە ىشكەرىلەي تەكسەرۋ جۇرگىزەدى؛ قايىرىمدىلىق ۇيىمدارىمەن بايلانىستى بولعان، زاڭ – تۇزىمگە قايشى كۇماندى جاعدايلارعا شاتىلعان قاتىستى قوعامدىق ۇيىمدارعا تەكسەرۋ جۇرگىزۋ كولەمىن كەڭەيتەدى؛ الەۋمەتتىك يگىلىك قيمىلىن ورىستەتۋدى باستى ماقسات ەتكەن جانە قىزمەت كولەمىندە الەۋمەتتىك يگىلىك ىستەرىن ورىستەتۋ قامتىلعان باسقا دا قوعامدىق ۇيىمدارعا تەكسەرۋ جۇرگىزۋ كولەمىن كەڭەيتەدى.

ۇقتىرۋدا مىنالار باسا دارىپتەلگەن: جىلۋعا اقشا جيناۋ، قايىرىمدىلىق ماقساتىنداعى مال – مۇلىكتى باسقارۋ جانە پايدالانۋ، قايىرىمدىلىق ماقساتىنداعى نىسانداردى اتقارۋ جانە بولىمشە (ۋاكىلدىك) قۇرىلىمداردى باسقارۋ قاتارلى جاعدايلارعا ءتۇيىندى تۇردە تەكسەرۋ جۇرگىزەدى؛ سالماقتى ناۋقاستارعا كومەك بەرۋ، ءالسىز توپتاردى سۇيەمەلدەۋ، وقۋ – اعارتۋ، ەمدەۋ قاتارلى سالالارداعى قايىرىمدىلىق ماقساتىنداعى قيمىلدارعا جانە قايىرىمدىلىق ماقساتىنداعى نىساندارعا ءتۇيىندى تۇردە تەكسەرۋ جۇرگىزەدى.

ۇقتىرۋدا مىنالار تالاپ ەتىلگەن: جەر – جەردەگى حالىق ىستەرى تاراۋلارى زاڭ – تۇزىمگە ساي قايىرىمدىلىق ۇيىمدارىنىڭ جانە باسقا دا قوعامدىق ۇيىمداردىڭ زاڭ – تۇزىمگە قايشى ارەكەتتەرىنە قاتاڭ تەكسەرۋ جۇرگىزۋى ءارى ءبىرجاقتى ەتۋى كەرەك. تەكسەرۋ جانە زاڭ اتقارۋ قىزمەتى بارىسىندا قاتىستى ادامداردىڭ قايىرىمدىلىق ماقساتىنداعى مال – مۇلىكتى جاسىرىن ءبولىپ الۋى، باسقا ماقساتتا پايدالانۋى، يەلەپ الۋى، قايىرىمدىلىق، الەۋمەتتىك يگىلىك دەگەن اتتى جامىلىپ نەمەسە قايىرىمدىلىق ماقساتىنداعى ۇيىمداردىڭ اتىن جامىلىپ الدامكوستىك، اقشا جىلىستاتۋ، زاڭسىز قارجى توپتاۋ قاتارلى زاڭعا قايشى قىلمىستىق ارەكەتتەرمەن شۇعىلدانۋ كۇمانى بايقالسا، دەرەكتەردى دەرەۋ قوعام حاۋىپسىزدىگى ورگاندارى مەن ءتارتىپ تەكسەرۋ جانە باقىلاۋ ورگاندارىنا وتكىزىپ بەرۋى، قاتىستى تاراۋلاردىڭ زاڭ بويىنشا قاتاڭ سوققى بەرۋىنە سايكەسۋى، اكىمشىلىك زاڭ اتقارۋ مەن قىلمىستىق ىستەر جاعىنداعى ءادىليالىق زاڭ اتقارۋدى ۇشتاستىرۋدى كۇشەيتىپ، پارمەندى سەسكەندىرۋ رولىن قالىپتاستىرۋى كەرەك.

كەلۋ قاينارى: حالىق تورابى