شي جينپيڭ اۋمىن عىلىم - تەحنيكا داشۋەسىندە قىزمەت تەكسەردى

12 - ايدىڭ 19 - كۇنى تۇستەن بۇرىن مەملەكەت ءتوراعاسى شي جينپيڭ اۋمىن ەرەكشە اكىمشىلىك رايونىنىڭ اكىمى حى ي - چىڭنىڭ سەرىك بولۋىندا اۋمىن عىلىم - تەحنيكا داشۋەسىنە كەلىپ قىزمەت تەكسەرىپ، مەكتەپتەگى وقىتۋشى - وقۋشىلارمەن جانە عىلمي زەرتتەۋ قىزمەتكەرلەرىمەن ىقىلاسپەن اڭگىمەلەستى. سۋرەتتە: شي جينپيڭ مەكتەپتىڭ كىتاپحاناسىندا ماتەريال وقىپ جاتقان وقۋشىلارمەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 12 - ايدىڭ 19 - كۇنى، اۋمىن (تىلشىلەر فۋ زىمەي، يۇي ياڭ). 12 - ايدىڭ 19 - كۇنى تۇستەن بۇرىن مەملەكەت ءتوراعاسى شي جينپيڭ اۋمىن ەرەكشە اكىمشىلىك رايونىنىڭ اكىمى حى ي - چىڭنىڭ سەرىك بولۋىندا اۋمىن عىلىم - تەحنيكا داشۋەسىنە كەلىپ قىزمەت تەكسەرىپ، مەكتەپتەگى وقىتۋشى - وقۋشىلارمەن جانە عىلمي زەرتتەۋ قىزمەتكەرلەرىمەن ىقىلاسپەن پىكىر اۋىستىردى.

اۋمىن عىلىم - تەحنيكا داشۋەسى − اۋمىن وتان قۇشاعىنا ورالعاننان كەيىن قۇرىلعان جاس داشۋە، اۋمىن مەن مەملەكەتتىڭ دامۋ قاجەتىنە تىعىز سايكەسىپ، ەرەكشەلىگى جانە ابزالدىعى بار زەرتتەۋ سالاسىن دامىتۋعا دەن قويىپ، اۋمىنداعى وقۋشى كولەمى ەڭ ۇلكەن امبەباپ داشۋەگە اينالدى. شي جينپيڭ امبەباپ وقىتۋ عيماراتىنا كەلىپ، مەكتەپ پەن اۋمىننىڭ جوعارى دارەجەلى وقۋ - اعارتۋىنىڭ دامۋ جاعدايىن ەگجەي - تەگجەيلى ۇعىسىپ، اۋمىننىڭ وقۋ - اعارتۋدا ەكونوميكالىق، قوعامدىق دامۋعا قىزمەت وتەۋدەن جازباي، ”وقۋ - اعارتۋ ارقىلى اۋمىندى گۇلدەندىرۋدى، دارىندىلار ارقىلى اۋمىندى گۇلدەندىرۋدى“ ىلگەرىلەتۋدەگى ناتيجەلەرىن تۇراقتاندىردى. شي جينپيڭ جۇڭگوشا دارىلەردىڭ ساپاسىن زەرتتەۋ، اي شارى جانە پلانەتا عىلىمى مەملەكەتتىك ءتۇيىندى تاجىريبەحاناسىنىڭ جاعدايى جونىندەگى تانىستىرۋدى تىڭداپ، ەڭ جاڭا عىلمي زەرتتەۋ جەتىستىكتەرىن ۇعىستى. ول مىنالاردى ءبىلدىردى: جۇڭگوشا شيپاگەرلىك، دارىگەرلىك − جۇڭحۋا وركەنيەتىنىڭ اسىل قازىناسى، جۇڭگوشا شيپاگەرلىك، دارىگەرلىكتى جاڭالىق اشا دامىتۋ − ءىرى ءىس. اتا - بابالارىمىزدىڭ بىزگە قالدىرعان قاستەرلى بايلىعىن ويداعىداي جالعاستىرىپ، دامىتىپ، ويداعىداي پايدالانىپ، جۇڭگوشا شيپاگەرلىك پەن دارىگەرلىكتىڭ دۇنيە جۇزىنە بەت الۋىن ىلگەرىلەتۋ كەرەك. ايدى بارلاۋ ينجەنەرياسىنىڭ جەتىستىكتەرىنە ەلىمىزدىڭ نەشە ۇرپاق عارىش قىزمەتكەرلەرىنىڭ اقىل - پاراساتى مەن جۇرەك قانى سىڭگەن، ول ءبىزدىڭ وسى جىلداردا عىلىم - تەحنيكا ارقىلى ءوز كۇشىنە سۇيەنىپ ءومىر ءسۇرۋ، ءوزىن الۋەتتەندىرۋ جاعىندا قول جەتكىزگەن كورنەكتى تابىستارىمىزدى ءبىر قىرىنان ايگىلەدى. سىزدەردىڭ قىزمەتتەرىڭىز اۋمىننىڭ جوعارى ورەلى، حالىقارالىق وزىق عىلمي زەرتتەۋ جۇرگىزە الاتىندىعىن دالەلدەدى.

2023 - جىلى 5 - ايدا شي جينپيڭ ”اۋمىن عىلىم - تەحنيكا 1 - ءنومىرلى“ جاساندى سەرىگىن زەرتتەپ جاساۋعا قاتىناسقان اۋمىن عىلىم - تەحنيكا داشۋەسى وقىتۋشى - وقۋشىلارىنىڭ ۋاكىلدەرىنە جاۋاپ حات قايتارىپ، ولاردى شىنايى شابىتتاندىرىپ، اۋمىننىڭ ءار سالاسىندا كۇشتى اڭىس قوزعاعان بولاتىن. شي جينپيڭ اۋمىن عىلىم - تەحنيكا جاساندى سەرىك عىلىمى جانە قولدانىلمالى ساندى مالىمەت ورتالىعىنا كىرىپ، ەلەكتروندىق ەكران ارقىلى جاساندى سەرىكتىڭ اۋقىمدىق اينالىم جاعدايىن كورىپ، نىساننىڭ عىلمي زەرتتەۋ اياق الىسى مەن قولدانىلۋ بولاشاعىن ۇعىسىپ، سول جەردەگى زەرتتەۋشىلەر جانە وقۋشىلاردىڭ ۋاكىلدەرىمەن ىقىلاسپەن اڭگىمەلەستى. شي جينپيڭ مىنالاردى ءبىلدىردى: بۇل اۋمىننىڭ ىشكى وڭىرلەرمەن جوعارى عىلىم - تەحنيكا سالاسىندا سەلبەستىكتى تەرەڭدەتۋىنىڭ تابىستى ۇلگىسى بولىپ، اۋمىننىڭ عىلىم - تەحنيكا سالاسىنىڭ كورنەكتى جاڭالىق اشۋ، جاسامپازدىق قابىلەتىن ايگىلەدى. سىزدەردىڭ ۇزدىكسىز قۇلشىنىپ، ەرلىكپەن شىڭعا ۇمتىلىپ، اناعۇرلىم ۇزدىك ناتيجەلەرگە قول جەتكىزىپ، اۋمىنعا اناعۇرلىم ويداعىداي قىزمەت ەتۋلەرىڭىزدى، مەملەكەتكە اناعۇرلىم ويداعىداي قىزمەت ەتۋلەرىڭىزدى، ادامزاتقا باقىت جاراتۋلارىڭىزدى ءۇمىت ەتەمىن.

وسىدان كەيىن شي جينپيڭ مەكتەپ كىتاپحاناسىنا كەلىپ، ”دۇنيە ءجۇزى كارتاسىنداعى اۋمىن“ گۋاڭدۇڭ - شياڭگاڭ - اۋمىن ۇلكەن شىعاناق رايونى مەن اۋمىننىڭ بايىرعى كارتاسى كورمەسىن ەكسكۋرسيالاپ، كىتاپحانادا ساقتالعان باعالى كىتاپتاردى كوردى. ءتوراعا شي جينپيڭنىڭ كەلگەنىن كورگەن، ماتەريال وقىپ جاتقان وقۋشىلار ەرەكشە تەبىرەندى. شي جينپيڭ كوپشىلىكتەن كاسىپ ۇيرەنۋ، زەرتتەۋ سالاسى جانە تۇرمىس جاعدايى سياقتىلاردى ەگجەي - تەگجەيلى سۇراپ ۇعىسىپ، وقۋشىلاردى باعالى ۇيرەنۋ ۋاقىتىن قاستەرلەپ، پايدالى بىلىمدەردى كوبىرەك قابىلداپ، ينتەرنەت بايلىعىن ۇيرەنۋ مەن عىلمي زەرتتەۋدىڭ جاقسى قولعاناتىنا اينالدىرۋعا شابىتتاندىردى. كىتاپحانا زالىندا شاپالاق ءۇنى شاتىرلادى، عىلمي زەرتتەۋ قىزمەتكەرلەرى، مەكتەپتەگى وقىتۋشى - وقۋشىلار ءتوراعا شي جينپيڭمەن امانداستى. شي جينپيڭ بىلاي دەدى: اۋمىننىڭ وقۋ - اعارتۋىنىڭ گۇلدەنىپ - كوركەيگەنىن، كوپشىلىكتىڭ جالىندى دا جىگەرلى، سەنىمدەرىنىڭ زور ەكەندىگىن كورىپ، قاتتى قۋاندىم. وقۋ - اعارتۋعا باستان - اياق ستراتەگيالىق بيىكتەن ءمان بەرىپ، مەملەكەت پەن اۋمىننىڭ دامۋ قاجەتىن مىقتاپ ارقاۋ ەتىپ پاندەر جۇيەسىن ورنالاستىرىپ، جوعارى ساپالى دارىندىلاردى باۋلۋ كەرەك. سىزدەردىڭ ۇلى مۇرات ورناتىپ، وتانمەن تاعدىرلاس، داۋىرمەن قادامداس بولىپ، ءوز ءومىر قۇندارىڭىزدى جۇزەگە اسىرۋلارىڭىزدى ءۇمىت ەتەمىن. اۋمىن عىلىم - تەحنيكا داشۋەسىنىڭ ەرتەڭىنىڭ ءتىپتى دە جاقسى بولۋىن، اۋمىننىڭ ەرتەڭىنىڭ ءتىپتى دە جاقسى بولۋىن تىلەيمىن ءارى بۇعان سەنەمىن.

مەكتەپتەن اتتاناردا وقىتۋشى - وقۋشىلار جولدىڭ ەكى جاعىنا لىق تولدى، كوپشىلىك قول بۇلعاپ الاقايلاپ، ءتوراعا شي جينپيڭدى قىزۋ مەرەيمەن اتتاندىرىپ سالدى.

ساي چي، لي حۇڭجۇڭ، حى ۋەيدۇڭ، حى ليفىڭ، ۋاڭ دۇڭفىڭ، شيا باۋلۇڭ قاتارلىلار قيمىلعا قاتىناستى.

سول كۇنى تۇستەن بۇرىن ءتوراعا شي جينپيڭنىڭ حانىمى پىڭ لييۋان حى ي - چىڭنىڭ حانىمى جىڭ سۋجىننىڭ سەرىك بولۋىندا اۋمىن مۇراجايىن ەكسكۋرسيالادى. پىڭ لييۋان مۇراجايدا ساقتالعان مادەني ەسكەرتكىشتەردى دەن قويا كورىپ، اۋمىننىڭ تاريحي وزگەرىستەرىن جانە جۇڭگو مەن باتىس ەرەكشەلىگى توعىسقان قۇرىلىس، كاسىپ، مادەنيەت تۇرمىسى سياقتى جاعدايلاردى ىشكەرىلەي ۇعىسىپ، سول جەردەگى فارفور كەرپىش سۋرەتتەرىن جاساۋ، اعاش ويما سياقتى بەيزاتتىق مادەنيەت مۇرالارىن جالعاستىرۋشىلارمەن ىقىلاسپەن اڭگىمەلەستى.

مۇراجايدىڭ 3 - قاباتىنداعى ۇلكەن زالدا پىڭ لييۋان كورمەنى ەندى عانا ەكسكۋرسيالاپ بولعان بالاقايلارمەن ەكسكۋرسيادان العان اسەرلەرى جونىندە پىكىر الماستىردى ءارى مادەنيەت جاسامپازدىعى بازارىنا كەلىپ مادەنيەت جاسامپازدىعى ونىمدەرى كورمەسىن تاماشالادى، ورىك ءدانى شەلپەگىن جاساۋعا ناق مايداندا قاتىناستى. پىڭ لييۋان كوپشىلىكتى تاڭداۋلى ءداستۇرلى مادەنيەتكە مۇراگەرلىك ەتىپ، وتاندى ءسۇيۋ، اۋمىندى ءسۇيۋ سۇيىسپەنشىلىگىن نىعايتىپ، ءبىلىم مەن شەبەرلىكتى قۇلشىنا ۇيرەنىپ، اۋمىننىڭ قۇرىلىسى مەن مەملەكەتتىڭ دامۋىنا بەلسەنە ات سالىسۋعا شابىتتاندىردى.

كەلۋ قاينارى: حالىق تورابى