شي جينپيڭ حىڭچين گۋاڭدۇڭ - اۋمىن تەرەڭدەي سەلبەستىك جاساۋ رايونىندا قىزمەت تەكسەردى

12 - ايدىڭ 19 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اۋمىن ەرەكشە اكىمشىلىك رايونىنىڭ اكىمى حى ي - چىڭنىڭ سەرىك بولۋىندا حىڭچين گۋاڭدۇڭ - اۋمىن تەرەڭدەي سەلبەستىك جاساۋ رايونىنا كەلىپ قىزمەت تەكسەردى. سۋرەتتە: شي جينپيڭ حىڭچين تيانمۋچين تۇعىرىنىڭ كورمە زالىندا قىزمەت تەكسەرگەندە حىڭچين گۋاڭدۇڭ - اۋمىن تەرەڭدەي سەلبەستىك جاساۋ رايونىنىڭ جوباسى، قۇرىلىسى، باسقارۋى، قىزمەت وتەۋى سياقتىلارعا قاتىناسقان ءارقايسى جاقتىڭ ۋاكىلدەرىمەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

«حالىق گازەتى»، 12 - ايدىڭ 19 - كۇنى، اۋمىن (تىلشىلەر جاۋ ىنا، يە شۋفان). 12 - ايدىڭ 19 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اۋمىن ەرەكشە اكىمشىلىك رايونىنىڭ اكىمى حى ي - چىڭنىڭ سەرىك بولۋىندا حىڭچين گۋاڭدۇڭ - اۋمىن تەرەڭدەي سەلبەستىك جاساۋ رايونىنا كەلىپ قىزمەت تەكسەردى.

حىڭچين گۋاڭدۇڭ ولكەسى جۋحاي قالاسىنىڭ وڭتۇستىك شەتىنە ورنالاسقان، اۋمىنمەن سۋ ارقىلى ءبولىنىپ تۇرادى، اۋمىن ەكونوميكاسىنىڭ ۇيلەسىمدى، كوپ نەگىزدى دامۋىن جەبەيتىن ماڭىزدى تۇعىر. پارتيا 18 - قۇرىلتايىنان بەرى باس شۋجي شي جينپيڭ حىڭچيندە تالاي رەت تەكسەرۋ جۇرگىزىپ، حىڭچيننىڭ دامۋىندا رول ۇستاپ، باعدار بەلگىلەدى. 2021 - جىلى 9 - ايدا پارتيا ورتالىق كوميتەتى، مەملەكەتتىك كەڭەس «حىڭچين گۋاڭدۇڭ - اۋمىن تەرەڭدەي سەلبەستىك جاساۋ رايونى قۇرىلىسىنىڭ جالپى تۇلعالىق جوباسىن» جاريالاپ، سەلبەستىك رايونى قۇرىلىسىنا تاماشا جوبا جاسادى.

حىڭچين تيانمۋچين تۇعىرىنىڭ كورمە زالىندا شي جينپيڭ ”حىڭچين مەن اۋمىن تىلەكتەستىگى − حىڭچين گۋاڭدۇڭ - اۋمىن تەرەڭدەي سەلبەستىك جاساۋ رايونى قۇرىلىسىنىڭ نەگىزگى تاقىرىپتىق كورمەسىن“ ەكسكۋرسيالادى. كورمە زالىندا سۋرەتتەر، كەستەلەر، ناقتى زات مودەلدەرى قوسىلىپ، حىڭچين مەن اۋمىننىڭ ءبىر تۇلعالانعان دامۋ جاعدايىن جانە تاياۋ جىلداردان بەرگى گۋاڭدۇڭ مەن اۋمىننىڭ تەرەڭدەي سەلبەستىك جاساۋىنىڭ كەزەڭدىك جەتىستىكتەرىن جاندى دا تىكە كورسەتتى، شي جينپيڭ ءالسىن - ءالى كىدىرىپ قاراپ شىعىپ، قاتىستى جاعدايلاردى سۇرادى. شي جينپيڭ مىنانى ءبىلدىردى: حىڭچين گۋاڭدۇڭ - اۋمىن تەرەڭدەي سەلبەستىك جاساۋ رايونى قۇرىلعان 3 جىلدان استام ۋاقىتتان بەرى ءتۇرلى قىزمەتتەردە بەلسەندى ىلگەرىلەۋشىلىككە قول جەتكىزىپ، حىڭچين مەن اۋمىننىڭ ءبىر تۇلعالانۋ دەڭگەيى بىرتىندەپ جوعارىلاپ، اۋمىن ەكونوميكاسىنىڭ ۇيلەسىمدى، كوپ نەگىزدى دامۋىنداعى تىرەكتىك رولى كۇن سايىن كورنەكتىلەندى. اماليات ورتالىقتىڭ حىڭچيندى اشۋ، ىستەستىك جاساۋ رايونىن قۇرۋ جونىندەگى شەشىمىنىڭ بۇكىلدەي دۇرىس ەكەندىگىن دالەلدەدى.

شي جينپيڭ گۋاڭدۇڭ مەن اۋمىننىڭ جۇڭگوشا شيپاگەرلىك، دارىگەرلىك بويىنشا جوعارى دەڭگەيلى عىلىم - تەحنيكالىق تىرەك تۇعىرىن بىرگە قۇرۋ جاعدايى جونىندەگى تانىستىرۋدى تىڭداپ، ولاردىڭ كوپ ءپاندى بىرىكتىرىپ، جۇڭگوشا شيپاگەرلىك، دارىگەرلىكتى دۇنيە جۇزىنە بەت الدىرۋعا دەم بەرۋ ءادىسىن تۇراقتاندىردى. اۋمىن جاڭا كوشەسى − حىڭچيندا اۋمىن تۇرعىندارى ءۇشىن تۇڭعىش رەت قۇرىلعان جالپىلىق حالىق تۇرمىسى ينجەنەرياسى، نىسان كورمە رايونىنىڭ الدىندا شي جينپيڭ وسى ارادا تۇراتىن قالا تۇرعىندارىنىڭ ۋاكىلدەرىمەن ىقىلاسپەن اڭگىمەلەستى. يگىلىك جاراتۋشى جاستار ۋاكىلدەرىنىڭ اۋمىننان حىڭچينگە كەلىپ تامىر تارتىپ، يگىلىك جاراتۋ كەشىرمەسىن تىڭداعاننان كەيىن شي جينپيڭ مىنانى ءبىلدىردى: سىزدەردىڭ جاڭالىق اشۋ، يگىلىك جاراتۋ اڭگىمەلەرىڭىز اۋمىندا ءبىر توپ مۇراتتى، جاۋاپكەرشىلىك ارقالايتىن، باتىلدىقپەن ىزدەنىس جاسايتىن جانە جاڭالىق اشاتىن جاس بار ەكەندىگىن تۇسىندىرەدى، حىڭچيندى اشۋ قۇرىلىسى سىزدەردىڭ ءىس تىندىرىپ، يگىلىك جاراتۋلارىڭىزعا كەڭ كەڭىستىك جانە وراي ازىرلەپ بەردى، بۇل جەردە زور ءىس تىندىرۋعا بولادى، اناعۇرلىم كوپ اۋمىن جاستارىنىڭ حىڭچيندە تاماشا ءومىر كەشىرۋىن ءۇمىت ەتەمىن.

شي جينپيڭ حىڭچين گۋاڭدۇڭ - اۋمىن تەرەڭدەي سەلبەستىك جاساۋ رايونىنىڭ جوباسى، قۇرىلىسى، باسقارۋى، قىزمەت وتەۋى سياقتىلارعا قاتىناسقان ءارقايسى جاقتىڭ ۋاكىلدەرىمەن ىقىلاسپەن اڭگىمەلەستى. ول مىنانى ءبىلدىردى: ”اۋمىن + حىڭچين“ ”ءبىر ەل، ەكى ءتۇزىم“ امالياتىنىڭ جاڭا ۇلگىسىنە، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنىڭ جاڭا بيىگىنە، مەملەكەتتىڭ جوعارى دەڭگەيدە سىرتقا ەسىك اشۋىن جۇزەگە اسىرۋدىڭ جاڭا تۇعىرىنا اينالۋدا. سىزدەر حىڭچيندى گۇلدەندىرۋدىڭ باستاماشىسى، ىسكەرلەرى بولىپ، مەملەكەت پەن اۋمىننىڭ دامۋىنا ۇلەس قوستىڭىزدار.

شي جينپيڭ بىلاي دەپ اتاپ كورسەتتى: حىڭچيندى اشۋداعى اۋەلگى ماقساتتىڭ، ءسوز جوق، اۋمىن ەكونوميكاسىنىڭ ۇيلەسىمدى، كوپ نەگىزدى دامۋى ءۇشىن ەكەندىگىن ەستە بەرىك ساقتاۋ كەرەك. جوبانى تاباندىلىقپەن تياناقتاندىرىپ، ستراتەگيالىق تاباندىلىقتى ساقتاپ، ۇزاق ۋاقىت ۇلەس قوسۋعا تاباندى بولۋ كەرەك. سەلبەستىك رايونىن اشۋ قۇرىلىسىنىڭ ونىمدىلىگىن تەكسەرۋدە اۋمىن ەكونوميكاسىنىڭ ۇيلەسىمدى، كوپ نەگىزدى دامۋىن جەبەۋ، اۋمىن تۇرعىندارىنىڭ جۇمىستانۋىنا قولايلىلىق جاساۋ جاعىندا ناقتى شارالار مەن جەتىستىكتەردىڭ بار - جوقتىعىنا، ”ەكى ءتۇزىمنىڭ“ پايداسىن ساۋلەلەندىرۋگە، ەكى جەردىڭ ەرەجەلەردى ۇشتاستىرۋدى جانە مەحانيزمدەردى ۇشتاستىرۋدى ىلگەرىلەتۋگە بايلانىستى جاڭا تۇزىمدىك جەتىستىكتەردىڭ بار - جوقتىعىنا قاراۋ؛ حىڭچين، اۋمىندى ءبىر تۇلعالاندىرۋدىڭ گۋاڭدۇڭ - شياڭگاڭ - اۋمىن ۇلكەن شىعاناق رايونى بازارىن ءبىر تۇلعالاندىرۋ قۇرىلىسىندا الدىمەن اتقارىپ، الدىمەن سىناق ەتۋ رولىن ساۋلەلەندىرە العان، الماعاندىعىنا قاراۋ كەرەك. گۋاڭدۇڭ، جۋحاي، اۋمىن − سەلبەستىك رايونى قۇرىلىسىنىڭ ۇلەس قوسۋشىلارى جانە يگىلىگىن كورۋشىلەر، بارلىعى وسى نىساناعا قاراي بىرگە قۇلشىنۋى كەرەك.

شي جينپيڭ بىلاي دەپ باسا دارىپتەدى: جاڭا باستامادا، سىزدەردىڭ ورتالىقتىڭ تالابى بويىنشا، باتىلدىقپەن رەفورما جاساپ، كۇش ۇيىستىرىپ قامال الىپ، سەلبەستىك رايونى قۇرىلىسىنىڭ جاڭا جاعدايىن قول ۇستاسا اشۋلارىڭىزدى ءۇمىت ەتەمىن. نەگىزدىك قۇرىلعىلار جاعىنداعى ”قاتتى بايلانىستى“، ەرەجە - مەحانيزم جاعىنداعى ”جۇمساق بايلانىستى“، حىڭچين، اۋمىن تۇرعىندارىنىڭ ”كوڭىل بايلانىسىن“ ۇزدىكسىز كۇشەيتىپ، حىڭچين، اۋمىن ەكونوميكاسى ايرىقشا سايكەسەتىن، ەرەجە تەرەڭدەي ۇشتاسقان ءتۇزىم جۇيەسىن جەدەل ورناتىپ، حىڭچين، اۋمىننىڭ ءبىر تۇلعالانۋىن اناعۇرلىم جوعارى دەڭگەيگە كوتەرۋ كەرەك. الەۋمەتتىك قىزمەت وتەۋ جانە قوعامدىق قامتاماسىزداندىرۋ جۇيەسىن ۇزدىكسىز كەمەلدەندىرىپ، ساپالى تۇرمىس ورتاسىن جاراتىپ، اۋمىندىق باۋىرلاستاردىڭ وسى ارادا تۇرمىس كەشىرۋىنە، جۇمىستانۋىنا، يگىلىك جاراتۋىنا قولايلىلىق جاراتۋ كەرەك. ورتالىق بەرگەن ءتۇرلى قولداۋ ساياساتتارىنان تولىق، ويداعىداي پايدالانىپ، ماڭداي الدى شارۋاشىلىق - ساۋدا ورتاسىن كۇش سالا قالىپتاستىرىپ، اۋمىن ەكونوميكاسىنىڭ ۇيلەسىمدى، كوپ نەگىزدى دامۋى مەن گۋاڭدۇڭ - شياڭگاڭ - اۋمىن ۇلكەن شىعاناق رايونى بازارىن ءبىر تۇلعالاندىرۋ قۇرىلىسىن ىلگەرىلەتۋ كەرەك.

ساي چي، لي حۇڭجۇڭ، حى ۋەيدۇڭ، حى ليفىڭ، حۋاڭ كۇنميڭ، ۋاڭ دۇڭفىڭ، شيا باۋلۇڭ قاتارلىلار قيمىلعا قاتىناستى.

كەلۋ قاينارى: حالىق تورابى