اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ ادەبيەت - كوركەمونەر ساۋىق كەشى اۋمىندا وتكىزىلدى

12 - ايدىڭ 19 - كۇنى كەشتە اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ ادەبيەت - كوركەمونەر ساۋىق كەشى اۋمىن شىعىس ازيا سپورت جينالىسى دەنە تاربيە سارايىندا وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كونسەرتتى كوردى. ساۋىق كەشىنىڭ سوڭىندا شي جينپيڭ كورەرمەندەرمەن بىرگە «وتاندى جىرلايمىز» ءانىن اسقاقتاتا شىرقادى.

سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

«حالىق گازەتى»، 12 - ايدىڭ 19 - كۇنى، اۋمىن (تىلشىلەر جين جىڭبو، زوۋ شياڭ). جيڭحاي تەڭىزىندە جەلكەن كوتەرىلىپ، جەل وڭىنان سوعىپ، حاۋجياڭ وزەنى شاتتىق جىرىمەن بولاشاققا بەت الدى. اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ ادەبيەت - كوركەمونەر ساۋىق كەشى 12 - ايدىڭ 19 - كۇنى كەشتە اۋمىن شىعىس ازيا سپورت جينالىسى دەنە تاربيە سارايىندا وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كونسەرتتى تاماشالادى.

كونسەرت الاڭىندا شىراقتار سامالاداي جارقىراپ، شاتتىققا شومدى. ساعات 20 مولشەرىندە ويناقى مۋزىكا ءۇنى كوتەرىلىپ، شي جينپيڭ مەن حانىمى پىڭ لييۋان اۋمىن ەرەكشە اكىمشىلىك رايونىنىڭ اكىمى حى ي - چىڭ مەن حانىمى جىڭ سۋجىننىڭ سەرىك بولۋىندا ساۋىق كەشى الاڭىنا كىردى. تۇتاس الاڭداعى كورەرمەندەر ورىندارىنان تۇرىپ شاپالاق سوعىپ، قىزۋ قارسى الدى.

ساحنادا التىن ءتۇستى شامگۇل قۇلپىرا اشىلىپ، «مەن جانە مەنىڭ وتانىم»، «بۇگىن كەشتە ۇيىقتامايمىز» مۋزىكاسى ورىندالدى. «جەتى بالا جىرىنىڭ» تەرەڭ سۇيىسپەنشىلىككە تولى اۋەنىندە اۋمىننىڭ قارتتارعا، ورتا جاستاعىلارعا، جاستارعا ۋاكىلدىك ەتەتىن 3 قالا تۇرعىنى اۋمىنمەن بىرگە ەسەيىپ - ەرجەتۋدەگى تابىس سەزىمىن، باقىت سەزىمىن ءبىلدىردى.

جاستىق كوكتەم لەبى ەسكەن ءان - ءبي «اۋمىن، سالەمەتسىز بە» قويۋ مەرەكەلىك تۇسكە ەندى، اسپاپتىق مۋزىكا ءنومىرى «جيڭحاي تەڭىزىنىڭ جاڭا ىرعاعى» اسقاقتاتا شىرقالىپ، گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ جوباسىن ايشىقتاپ سۋرەتتەدى. مۋزىكالى قىسقا تەاتر «”AI دەگى حىڭچين» اۋمىن تۇرعىندارىنىڭ نازارىنداعى حىڭچين گۋاڭدۇڭ - اۋمىننىڭ تەرەڭدەي سەلبەستىك جاساۋ رايونىنىڭ قاۋلاعان ومىرشەڭدىك كۇشىن ايگىلەدى، گۋاڭدۇڭ ءانى «شامگۇل . جارىق ايدىڭ تەڭىز جاعاسىندا كوتەرىلۋى» ءداستۇرلى گۋاڭدۇڭ تەاترىمەن، ءان - بيمەن توعىسىپ، جاراسىمدى، باقىتتى اۋمىن قۇرۋدىڭ تاماشا ارمان - تىلەگىن بەينەلەدى، ءبي «ارىستان شىعىستا اسىر سالدى» جانە ءان «قاينار كوزى» مادەنيەتتى جالعاستىرۋدىڭ، دامىتۋدىڭ سانالىلىعىن، سەنىمىن ايگىلەدى. كورىنىستىك بايانداۋ «وتانمەن بىرگە ەسەيدىم» جاڭا داۋىردەگى اۋمىننىڭ دامۋىنداعى اسەرلى ساتتەردى جاندى بەينەلەپ، «سۇيەم سەنى، جۇڭگو» حورى اۋمىندىق باۋىرلاستاردىڭ وتان اناسىنا دەگەن شىنايى سۇيىسپەنشىلىگىن كورسەتتى. تۇتاس ساۋىق كەشى تارتىمدى، دۋماندى ءوتىپ، كورەرمەندەردىڭ قىزۋ قارسى الۋىنا بولەندى.

ساۋىق كەشىنىڭ سوڭىندا شي جينپيڭ بۇكىل الاڭداعى كورەرمەندەرمەن بىرگە «وتاندى جىرلايمىز» ءانىن اسقاقتاتا شىرقاپ، ۇلى وتاننىڭ گۇلدەنىپ - كوركەيۋىن، بايىپ - قۇدىرەتتەنۋىن، اۋمىننىڭ بولاشاعىنىڭ ءتىپتى دە نۇرلى بولۋىن تىلەدى. شي جينپيڭ ارتيستەر مەن كورەرمەندەرگە قول بۇلعاپ قۇرمەت ءبىلدىردى، ساۋىق كەشىنىڭ سالتاناتى جوعارى ورلەۋگە كوتەرىلدى، ءان اۋەنى مەن شاپالاق ءۇنى شاتتىقتىڭ شالقار تەڭىزىنە اينالدى.

ساي چي، لي حۇڭجۇڭ، حى ۋەيدۇڭ، حى ليفىڭ، ۋاڭ شياۋحۇڭ، ۋاڭ دۇڭفىڭ، شيا باۋلۇڭ قاتارلىلار كونسەرتتى بىرگە تاماشالادى.

مەملەكەتتىك ساياسي كەڭەس ءتوراعاسىنىڭ ورىنباسارى حى حوۋحۋا، شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ ەندى مىندەتكە وتىراتىن اكىمى سىن حاۋحۇي، بۇرىنعى اكىم سۇي شى - ان، سونداي - اق اۋمىنداعى ءار سالا ۋاكىلدەرى مەن ۇسىنىس ەتىلگەن سيلى قوناقتار كونسەرتتى تاماشالادى.

كەلۋ قاينارى: حالىق تورابى