شي جينپيڭ حى حوۋحۋا جانە سۇي شى - انمەن كەزدەستى

12 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ اۋمىندا مەملەكەتتىك ساياسي كەڭەس ءتوراعاسىنىڭ ورىنباسارى حى حوۋحۋا جانە اۋمىن ەرەكشە اكىمشىلىك رايونىنىڭ بۇرىنعى اكىمى سۇي شى - انمەن كەزدەستى.

سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن

«حالىق گازەتى»، 12 - ايدىڭ 19 - كۇنى، اۋمىن (تىلشىلەر حۋاڭ فاحۇڭ، ۋاڭ زى). مەملەكەت ءتوراعاسى شي جينپيڭ 12 - ايدىڭ 19 - كۇنى تۇستەن كەيىن اۋمىندا مەملەكەتتىك ساياسي كەڭەس ءتوراعاسىنىڭ ورىنباسارى حى حوۋحۋا جانە اۋمىن ەرەكشە اكىمشىلىك رايونىنىڭ بۇرىنعى اكىمى سۇي شى - انمەن كەزدەستى.

شي جينپيڭ حى حوۋحۋا مەن سۇي شى - انعا مىنالاردى ءبىلدىردى: وتان قۇشاعىنا ورالعان 25 جىلدان بەرى اۋمىننىڭ وزگەرىسى وتە زور بولدى، ناتيجەسى بارشا جۇرتقا ايان. سىزدەر ىلگەرىندى - كەيىندى اكىم بولىپ، ەرەكشە اكىمشىلىك رايون ۇكىمەتى مەن قوعامنىڭ ءار سالاسىنداعىلاردى باستاپ، مەملەكەتتىڭ حاۋىپسىزدىگىن باتىل قورعاپ، اۋمىننىڭ گۇلدەنۋى مەن ورنىقتىلىعىن ساقتاپ، وسى ارانىڭ ۇزاق بولاشاقتىق دامۋىنا تاماشا نەگىز قالادىڭىزدار. اۋمىننىڭ بۇگىنگى تاماشا جاعدايعا جەتۋىندە سىزدەر اسا زور ۇلەس قوستىڭىزدار.

شي جينپيڭ بىلاي دەپ اتاپ كورسەتتى: سىزدەردىڭ جاڭا كەزەكتى اكىم مەن جاڭا كەزەكتى ەرەكشە اكىمشىلىك رايون ۇكىمەتىنىڭ زاڭ بويىنشا بيلىك جۇرگىزۋىن قولداۋلارىڭىزدى، وتاندى سۇيەتىن، اۋمىندى سۇيەتىن كۇشتەردىڭ دامۋىن، زورايۋىن قولداۋلارىڭىزدى، اۋمىن مەن ىشكى وڭىرلەردىڭ اۋىس - كۇيىسىن، سەلبەستىگىن جەبەۋلەرىڭىزدى، حالىقارالىق قوعامعا ورتالىقتىڭ باعىت - ساياساتتارىن ۇگىتتەۋلەرىڭىزدى، اۋمىننىڭ جوسپار - جوباسىن تانىستىرۋلارىڭىزدى، اۋمىن حيكايالارىن جاقسى بايانداۋلارىڭىزدى، ”ءبىر ەل، ەكى ءتۇزىم“ امالياتىنىڭ ورنىقتى، باياندى بولۋىنا ۇزدىكسىز ۇلەس قوسۋلارىڭىزدى ءۇمىت ەتەمىن.

حى حوۋحۋا مەن سۇي شى - ان ءتوراعا شي جينپيڭنىڭ كوڭىل بولگەندىگىنە جانە شابىتتاندىرعاندىعىنا العىس ايتىپ، مىنانى ءبىلدىردى: باستان - اياق اۋمىن مەن مەملەكەتكە قىزمەت وتەۋگە تاباندى بولىپ، جاڭا كەزەكتى اكىم مەن جاڭا كەزەكتى ەرەكشە اكىمشىلىك رايون ۇكىمەتىنىڭ قوعامنىڭ ءار سالاسىنداعىلاردى ىنتىماقتاستىرىپ، باستاپ، اۋمىننىڭ دامۋىنىڭ جاڭا جاعدايىن اشۋىنا بار كۇشپەن قولداۋ كورسەتەمىز.

ساي چي، شيا باۋلۇڭ قاتارلىلار كەزدەسۋدە بىرگە بولدى.

كەلۋ قاينارى: حالىق تورابى