شي جينپيڭ لي جياچاۋمەن كەزدەستى

12 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ اۋمىندا اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ قيمىلىنا قاتىناسۋعا كەلگەن شياڭگاڭ ەرەكشە اكىمشىلىك رايونىنىڭ اكىمى لي جياچاۋمەن كەزدەستى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

«حالىق گازەتى»، 12 - ايدىڭ 19 - كۇنى، اۋمىن (تىلشىلەر رىن شياۋشيا، لوۋ چيڭچيڭ). مەملەكەت ءتوراعاسى شي جينپيڭ 12 - ايدىڭ 19 - كۇنى تۇستەن كەيىن اۋمىندا اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ قيمىلىنا قاتىناسۋعا كەلگەن شياڭگاڭ ەرەكشە اكىمشىلىك رايونىنىڭ اكىمى لي جياچاۋمەن كەزدەستى.

شي جينپيڭ مىنانى ءبىلدىردى: ”ءبىر ەل، ەكى ءتۇزىم“ امالياتى جاڭا كەزەڭگە ءوتتى، شياڭگاڭ مەن اۋمىن اناعۇرلىم زور ىسكەرلىك كورسەتىپ، اناعۇرلىم جاقسى دامۋدى جۇزەگە اسىرۋى، ءوزارا ۇيرەنىپ، ءوزارا ۇلگى الىپ، اۋىس - كۇيىستى، سەلبەستىكتى كۇشەيتىپ، اناعۇرلىم جارقىن بولاشاق اشۋى كەرەك.

شي جينپيڭ بىلاي دەپ اتاپ كورسەتتى: مەملەكەت شياڭگاڭنان زور ءۇمىت كۇتەدى. اكىم لي جياچاۋ مەن ەرەكشە اكىمشىلىك رايون ۇكىمەتىنىڭ ورنىقتى قاداممەن بيلىك جۇرگىزىپ، بار كۇشپەن ەكونوميكاعا، دامۋعا ۇمتىلىپ، شياڭگاڭنىڭ تىڭ شۇعىلاسىن جاراتۋعا قۇلشىنۋىن ءۇمىت ەتەمىن.

لي جياچاۋ ءتوراعا شي جينپيڭنىڭ قابىلداعانىنا العىس ايتىپ، مىنانى ءبىلدىردى: شياڭگاڭدى ەكونوميكانى دامىتۋ، دامۋدى كوزدەۋ ءۇشىن قۇلشىنىپ، حالىق تۇرمىسىن شىنايى جاقسارتىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنا بەلسەنە ات سالىسىپ، مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋعا باستايمىن.

ساي چي، شيا باۋلۇڭ قاتارلىلار كەزدەسۋدە بىرگە بولدى.

كەلۋ قاينارى: حالىق تورابى