شي جينپيڭ اۋمىن ەرەكشە اكىمشىلىك رايونىنىڭ اكىمشىلىك، زاڭ شىعارۋ، ءادىليا قۇرىلىمدارىنىڭ جاۋاپتىلارىمەن كەزدەستى

«حالىق گازەتى»، 12 - ايدىڭ 19 - كۇنى، اۋمىن (تىلشىلەر چاي ي - فەي، جۋ شياۋشي). مەملەكەت ءتوراعاسى شي جينپيڭ 12 - ايدىڭ 19 - كۇنى تۇستەن كەيىن اۋمىندا اۋمىن ەرەكشە اكىمشىلىك رايونىنىڭ اكىمشىلىك، زاڭ شىعارۋ، ءادىليا قۇرىلىمدارىنىڭ جاۋاپتىلارىمەن كەزدەستى.

شي جينپيڭ مىنالاردى ءبىلدىردى: 5 جىلدان بەرى حى ي - چىڭ اكىمنىڭ جەتەكشىلىگىندە، اۋمىننىڭ اكىمشىلىك، زاڭ شىعارۋ، ءادىليا قۇرىلىمدارى ”ءبىر ەل، ەكى ءتۇزىم“ باعىتىن جان - جاقتى، دالمە - ءدال، بۇلجىماي دايەكتىلەندىرىپ، قاتاڭ تۇردە نەگىزگى زاڭ مەن ءتۇبىرلى زاڭ بويىنشا بيلىك جۇرگىزىپ، اركىم ءوز مىندەتىن وتەپ، ناقتى ءىس تىندىرىپ، اۋمىننىڭ گۇلدەنۋى، ورنىقتىلىعى، دامۋى ءۇشىن قىرۋار قىزمەت ىستەدى، ناتيجەلەر القاۋعا تاتيدى، كوپشىلىككە ايان. ورتالىق ۇكىمەت وسى كەزەكتى ەرەكشە اكىمشىلىك رايون ۇكىمەتىنىڭ قىزمەتىن تولىق تۇراقتاندىرادى، جوعارى باعالايدى.

شي جينپيڭ بىلاي دەپ باسا دارىپتەدى: ءار كەزەكتى ەرەكشە اكىمشىلىك رايون ۇكىمەتىنىڭ قوعامداعى ءار سالانى ىنتىماقتاستىرىپ، ۇزدىكسىز كۇرەس جۇرگىزۋى ارقىلى اۋمىن قارىشتاپ دامۋدى جۇزەگە اسىردى، ”ءبىر ەل، ەكى ءتۇزىمنىڭ“ اۋمىنداعى امالياتى وراسان زور تابىسقا قول جەتكىزدى. ىستەر ۇرپاقتان - ۇرپاققا جالعاپ قول سالا ىستەۋمەن ورىندالدى. كوپشىلىكتىڭ بۇدان بىلاي قانداي قىزمەت ورنىندا بولسىن، جاڭا كەزەكتى اكىم مەن جاڭا كەزەكتى ەرەكشە اكىمشىلىك رايون ۇكىمەتىنىڭ زاڭ بويىنشا بيلىك جۇرگىزۋىن بار كۇشپەن قولداپ، اۋمىننىڭ دامۋىنا ۇزدىكسىز دەم بەرىپ، اناعۇرلىم كوركەم اۋمىن قۇرۋعا ۇلەس قوسۋىن ءۇمىت ەتەمىن.

سول كۇنى تۇستەن كەيىن شي جينپيڭ اۋمىن ەرەكشە اكىمشىلىك رايونى ءتارتىپ قوسىنىنىڭ ۋاكىلدەرىمەن كەزدەستى.

ساي چي، لي حۇڭجۇڭ، حى ۋەيدۇڭ، حى ليفىڭ، ۋاڭ دۇڭفىڭ، شيا باۋلۇڭ قاتارلىلار جوعارىداعى كەزدەسۋدە بىرگە بولدى.

اۋمىن ەرەكشە اكىمشىلىك رايونىنىڭ اكىمى حى ي - چىڭ، ەندى مىندەتكە وتىراتىن اكىم سىن حاۋحۇي دا قاتىستى كەزدەسۋلەردە بىرگە بولدى.

كەلۋ قاينارى: حالىق تورابى