شي جينپيڭ 38 - كەزەكتى افريكا وداعى باسشىلار ماجىلىسىنە قۇتتىقتاۋ تەلەگرامماسىن جولدادى

شينحۋا اگەنتتىگى، 2 - ايدىڭ 15 – كۇنى، بەيجيڭ. 2 - ايدىڭ 15 - كۇنى مەملەكەت ءتوراعاسى شي جينپيڭ 38 - كەزەكتى افريكا وداعى باسشىلار ماجىلىسىنە تەلەگرامما جولداپ، افريكا ەلدەرى مەن حالقىن قىزۋ قۇتتىقتايتىندىعىن ءبىلدىردى.

شي جينپيڭ بىلاي دەپ اتاپ كورسەتتى: قازىرگى الماعايىپ حالىقارالىق جاعداي الدىندا، جۇڭگو مەن افريكانى ۋاكىل ەتكەن ”دۇنيە ءجۇزىنىڭ وڭتۇستىگى“ ايتارلىقتاي زورايدى. وتكەن ءبىر جىلدا افريكا وداعى افريكا ەلدەرىن ىنتىماقتاستىرىپ جانە باستاپ، ءبىر تۇلعالاندىرۋ قۇرىلىسىن زور كۇشپەن ىلگەرىلەتىپ، وڭىرلىك جانە دۇنيە جۇزىلىك سىن - سايىسقا بەلسەنە توتەپ بەرىپ، ءبىر اۋىزدان ”افريكا ءۇنىن“ تاراتىپ، افريكانىڭ حالىقاراداعى ورنى مەن ىقپال كۇشىن ۇزدىكسىز جوعارىلاتۋعا جەتەكشىلىك ەتتى. افريكا ەلدەرى مەن حالقىنىڭ دەربەس، ءوز ـ وزىنە قوجايىن بولۋ، دامۋ، گۇلدەنۋ جولىندا ۇزدىكسىز تىڭ دا اناعۇرلىم زور تابىستارعا قول جەتكىزۋىن شىن جۇرەكتەن تىلەيمىن.

شي جينپيڭ بىلاي دەپ باسا دارىپتەدى: 2024 - جىل جۇڭگو - افريكا قارىم - قاتىناسى قارىشتاپ دامىعان ءبىر جىل بولدى. جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسى ءساتتى اشىلدى، جۇڭگو مەن افريكا جاڭا داۋىردەگى بارلىق جاعدايدا بىردەي تاعدىرلاس ورتاق تۇلعا قۇرۋدىڭ جاڭا كەزەڭىن باستاپ، ادامزاتتىڭ تاعدىرلاس ورتاق تۇلعاسىن قۇرۋدا ءداۋىردىڭ الدىڭعى لەگىندە ۇزدىكسىز ءجۇردى. مەن افريكا ەلدەرىنىڭ باسشىلارىمەن بىرگە جۇڭگو مەن افريكانىڭ وسىزامانداندىرۋدى قول ۇستاسا ىلگەرىلەتۋ جونىندەگى 6 ۇلكەن باستاماسى مەن ”10 ءىرى سەرىكتەستىك ارەكەتىن“ تياناقتاندىرۋدى ىلگەرىلەتىپ، اناعۇرلىم كوپ ناقتى تابىستارمەن 2 ميلليارد 800 ميلليوننان استام جۇڭگو - افريكا حالىقتارىنا باقىت جاراتۋدى قالايمىن.

كەلۋ قاينارى: حالىق تورابى