پارتيانى جاپپاي قاتاڭ باسقارۋ جۇيەسىن اقاۋسىزداندىرۋ كەرەك

شينحۋا اگەنتتىگى، 2 - ايدىڭ 15 – كۇنى، بەيجيڭ. 2 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 4 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانى جاپپاي قاتاڭ باسقارۋ جۇيەسىن اقاۋسىزداندىرۋ كەرەك» اتتى ماڭىزدى ماقالاسى جاريالانادى.

ماقالادا بىلاي دەپ اتاپ كورسەتىلدى: پارتيا 18 - قۇرىلتايىنان بەرى ءبىز پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، ءبىر قىدىرۋ نازاريادا، امالياتتا، تۇزىمدە جاڭالىق اشۋ جەتىستىكتەرىنە قول جەتكىزىپ، پارتيانى جاپپاي قاتاڭ باسقارۋ جۇيەسىن ورناتىپ، عاسىرلىق ۇلكەن پارتيانىڭ وزىنە توڭكەرىس جاساۋىنىڭ جاڭا ءورىسىن اشتىق. سونىمەن بىرگە، مىنانى دا كورە ءبىلۋىمىز كەرەك: پارتيا ىشىندە ورىن تەپكەن يدەيالىق جاقتا، ۇيىمدىق جاقتا، ستيل جاعىندا كىرشىكسىز بولماۋ سياقتى كورنەكتى ماسەلەلەر ءالى تۇبەگەيلى شەشىلگەن جوق، شىرىكتەسۋگە قارسى تۇرۋ كۇرەسىنىڭ جاعدايى ءالى دە قاتاڭ دا كۇردەلى، ونىڭ ۇستىنە جاڭا جاعداي، جاڭا ماسەلەلەر ۇزدىكسىز جارىققا شىعۋدا، پارتيا ءدوپ كەلگەن ”ءتورت ۇلكەن سىناق“، ”ءتورت ءتۇرلى قاتەر“ ۇزاق ۋاقىت ءومىر سۇرەدى. پارتيانى جاپپاي قاتاڭ باسقارۋ ماڭگى جالعاسادى، پارتيانىڭ وزىندىك توڭكەرىسى ماڭگى جالعاسادى. بۇكىل پارتيا، ءسوز جوق، ەمتيحان تاپسىرۋدىڭ سەرگەكتىگى مەن تاباندىلىعىن ماڭگى ساقتاپ، پارتيانى جاپپاي قاتاڭ باسقارۋ جۇيەسىن كەمەلدەندىرۋدى ءونىمدى جول ەتىپ، جاڭا داۋىردەگى پارتيا قۇرىلىسىنىڭ جاڭا دا ۇلى ينجەنەرياسىن ۇزدىكسىز العا ىلگەرىلەتۋى كەرەك.

ماقالادا بىلاي دەپ باسا دارىپتەلدى: جاڭا داۋىردەگى پارتيا قۇرىلىسى − پارتيانىڭ ساياسي قۇرىلىسىن ءبىر تۇتاس باسشىلىققا العان، پارتيانىڭ ءتۇرلى قۇرىلىستارىنا بىرگە كۇش سالىناتىن، جالپىلىق كۇش سالىناتىن جۇيەلى ينجەنەريا، ءسوز جوق، پارتيا ورتالىق كوميتەتىنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىندىك توڭكەرىسى جونىندەگى ماڭىزدى يدەياسىن ءتۇبىرلى تياناق ەتىپ، پارتيانىڭ جاپپاي باسشىلىعىنا جانە پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ جانە ونى كۇشەيتىپ، جاڭا داۋىردەگى پارتيا قۇرىلىسىنىڭ باس تالابىن دايەكتىلەندىرىپ، تياناقتاندىرىپ، جۇيەلى ويلاۋمەن، عىلمي ادىسپەن پارتيانى باسقارۋدىڭ، پارتيانى جونگە سالۋدىڭ مازمۇنىن جاپپاي قامتۋدى، وبيەكتىسىن جاپپاي قامتۋدى، جاۋاپكەرشىلىك جاعىندا تۇتاس تىزبەكتى بولۋدى، ءتۇزىم جاعىندا تولىق ۇلاسۋدى ىلگەرىلەتىپ، فاكتورى تولىق، فۋنكتسياسى كەمەلدى، عىلمي دا ولشەمدى، اينالىمى جوعارى ءونىمدى پارتيانى جاپپاي قاتاڭ باسقارۋ جۇيەسىن اناعۇرلىم اقاۋسىزداندىرۋ كەرەك.

ماقالادا پارتيانى جاپپاي قاتاڭ باسقارۋ جۇيەسىن اقاۋسىزداندىرۋ جونىندە 5 جاقتان ورنالاستىرۋ جاسالدى. ءبىرىنشى، جوعارى مەن تومەندى تۇتاستىراتىن، اتقارۋى پارمەندى ۇيىمدىق جۇيەنى اقاۋسىزداندىرۋ كەرەك. پارتيانىڭ باسشىلىعى، پارتيانى باسقارۋ، پارتيانى جونگە سالۋ قىزمەتتەرىن ناقتى تياناقتاندىرىپ، پارتيانىڭ ورتالىق ۇيىمدارى، جەرگىلىكتى ۇيىمدارى، نەگىزگى ساتى ۇيىمدارى، ءسوز جوق، پارمەندى دە تەبىندى، ىركىلىسسىز اينالىمدا بولۋى كەرەك. پارتيانىڭ ۇيىمدىق جۇيەسى قاتايىپ، پارتيانىڭ ءار دارەجەلى ۇيىمدارىنىڭ ساياسي فۋنكتسياسى مەن ۇيىمدىق فۋنكتسياسى تولىق ساۋلەلەنگەندە عانا، پارتيانى جاپپاي قاتاڭ باسقارۋدى ۇزدىكسىز ىشكەرىلەي ىلگەرىلەتۋگە بولادى. پارتيانىڭ ۇيىمدىق جۇيەسىن قاتايتۋدىڭ تەتىگى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋدا، تۇپتەپ كەلگەندە، ”ەكىنى قورعاۋدى“ ورىنداۋدا. ەكىنشى، وزەكتى بەكەمدەپ، نەگىزدى جەتىلدىرۋ، رۋحتى سومداۋ تاربيە جۇيەسىن اقاۋسىزداندىرۋ كەرەك. عىلمي نازاريانى يگەرىپ، يدەيالىق نەگىزدى بەكەمدەگەندە عانا، پارتيانى جاپپاي قاتاڭ باسقارۋدىڭ بەرىك تىرەگى بولادى. يدەيالىق قۇرىلىس سىندى وسى نەگىزدى، ءسوز جوق، مىقتى يگەرىپ، پارتيانىڭ جاڭالىق اشۋ نازارياسىمەن قارۋلانۋىن تاباندىلىقپەن ىلگەرىلەتىپ، پارتيالىلىق تاربيەنى تاباندىلىقپەن كۇشەيتىپ، پارتيا مۇشەلەرىن، كادرلاردى پارتيانى جاپپاي قاتاڭ باسقارۋ ستراتەگيالىق باعىتىن سانالى ارەكەتكە اينالدىرۋعا جەتەكتەۋ كەرەك. ءۇشىنشى، دالمە - ءدال كۇش سالاتىن، ۇستىنەن وڭاۋ مەن تۇبىرىنەن وڭاۋدى ۇشتاستىراتىن باقىلاۋ - باسقارۋ جۇيەسىن اقاۋسىزداندىرۋ كەرەك. پارتيانى جاپپاي قاتاڭ باسقارۋدى ىلگەرىلەتۋدىڭ ماڭىزى شىنايى باسقارىپ، شىنايى قاتاڭ بولۋدا، ءمانى دالمە ـ ءدال باسقارۋدى اتقارۋدا. پارتيانىڭ جاعدايىنا، پارتيا ستيلىنىڭ جاڭا بەتالىسىنا قاداعالاي نازار اۋدارىپ جانە وعان تالداۋ جاساپ، تۇجىرىم جاساپ، ماسەلەنى بەتكە الۋعا، ءتۇپ قاينارىنا قاراي جونگە سالۋعا تاباندى بولىپ، ۇستىنەن وڭاۋمەن بىرگە، تۇبىرىنەن وڭاپ، پارتيانى باسقارۋدىڭ، پارتيانى جونگە سالۋدىڭ دالدىگىن، ونىمدىلىگىن جوعارىلاتۋ كەرەك. ءتورتىنشى، عىلمي، كەمەلدى، ءونىمدى، جارامدى ءتۇزىم جۇيەسىن اقاۋسىزداندىرۋ كەرەك. پارتيانى جاپپاي قاتاڭ باسقارۋدىڭ ساياسي سيپاتى، پرينسيپتىك سيپاتى كۇشتى، ءسوز جوق، عىلمي، كەمەلدى ءتۇزىم ارقىلى ارناعا ءتۇسىرۋ كەرەك. ءتۇزىم قۇرىلىسى پارتيانى باسقارۋ، پارتيانى جونگە سالۋدىڭ قاجەتىمەن، پارتيانىڭ ءتۇرلى قۇرىلىستارىمەن سايكەسۋى، ءتۇزىمدى جان - جاقتى بەكەمدەۋ كەرەك. سونىمەن بىرگە، ءتۇزىمنىڭ تىم شىرما - شاتۋ بولۋىنان، ”ءتۇزىم تۇزاعىنا“ تۇسۋىنەن دە ساقتانۋ كەرەك. جۇيەلى شوعىرلاندىرۋدى كۇشەيتىپ، ءتۇرلى تۇزىمدەردى ورگانيكالى تۇتاس تۇلعاعا اينالدىرۋ كەرەك. بەسىنشى، نەگىزگى تۇلعا ايقىن، تالاپ انىق بولعان جاۋاپكەرشىلىك جۇيەسىن اقاۋسىزداندىرۋ كەرەك. پارتيانى جاپپاي قاتاڭ باسقارۋ − بۇكىل پارتيانىڭ ورتاق جاۋاپكەرشىلىگى، سوندىقتان، ءسوز جوق، جاۋاپكەرشىلىك جۇيەسىن ساتىعا، تۇرگە ءبولىپ ورناتىپ جانە كەمەلدەندىرىپ، جاۋاپكەرشىلىكتى ايقىنداۋ، ناقتىلاندىرۋ ارقىلى ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ، كادرلاردىڭ جاۋاپكەرشىلىكتى ءبىلۋىن، جاۋاپكەرشىلىكتى ارقالاۋىن، جاۋاپكەرشىلىكتى اتقارۋىن ىلگەرىلەتۋ كەرەك.

ماقالادا بىلاي دەپ اتاپ كورسەتىلدى: پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋ ءۇشىن، ورتالىق كوميتەت ساياسي بيۋروسىنداعى جولداستار جاقسى باستاماشى بولىپ، ونەگە كورسەتىپ، تارتىپكە قاتاڭ بويسۇنىپ، جاۋاپكەرشىلىكتى ارقالاپ، قاراستى ورىندى قاتاڭ باسقارىپ، بۇكىل پارتيانى ويداعىداي جونگە سالۋعا، قۋاتتى ەتىپ قۇرۋعا ىنتىماقتاستىرىپ، باستاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋگە پارمەندى قامتاماسىزدىق ازىرلەۋ كەرەك.

كەلۋ قاينارى: حالىق تورابى