انحۇي ولكەسى عىلىم – تەحنيكادا جاڭالىق جاراتۋ مەن كاسىپتە تيپكە بۇرىلىس جاساپ، دارەجەسىن جوعارىلاتۋدى جەدەلدەتتى (سەنىمدى بەكەمدەپ، رەفورمانىڭ، دامۋدىڭ تىڭ ءورىسىن اشايىق)

”1 - ايدا ءبىزدىڭ زەردەلىلەنگەن جابدىق توقتامىمىزدىڭ جالاڭ سوماسى 100 ميلليون يۋاننان استى“. انحۇي حىلى جارناسى شەكتەۋلى سەرىكتەستىگى باقشا رايونىندا كاسىپورىن دەربەس زەرتتەپ اشقان ادامسىز زات تيەۋ ماشيناسى زاتتاردى يكەمدى تاسىمالداپ ءجۇر. سەرىكتەستىك باس ديرەكتورىنىڭ كومەكشىسى لي داۋلياڭ مىعىم سەنىممەن، ”بارلىق ءوندىرىس جەلىسى تولىق ىسكە قوسىلدى“ دەدى.

2024 - جىلى 10 - ايدا باس شۋجي شي جينپيڭ انحۇيدا قىزمەت تەكسەرگەندە بىلاي دەپ اتاپ كورسەتتى: ”عىلىم - تەحنيكادا جاڭالىق اشۋدى جانە كاسىپ سالاسىنىڭ تيبىندە بۇرىلىس جاساپ، دارەجەسىن جوعارىلاتۋدى جەدەلدەتۋ كەرەك“. 2024 - جىلى انحۇي ولكەسىندە 3500 جوعارى، جاڭا تەحنيكا كاسىپورنى، 7533 عىلىم - تەحنيكالىق ورتا، شاعىن كاسىپورىن تىڭنان قوسىلدى؛ ستراتەگيالىق جاڭادان گۇلدەنگەن كاسىپ سالالارى ءونىم قۇنىنىڭ، جوعارى تەحنيكالى جاساۋ كاسىبى ارتقان قۇنىنىڭ كولەمدەگى ونەركاسىپتەگى سالىستىرماسى جەكە - جەكە %43.6 ىن، %16.1 ىن ۇستادى.

2 - ايدىڭ 5 - كۇنى انحۇي ولكەلىك پارتكوم عىلىم - تەحنيكادا جاڭالىق اشۋ ارقىلى جاڭاشا وندىرگىش كۇشتەردىڭ دامۋىنا جەتەكشىلىك ەتۋ جينالىسىن اشتى، انحۇي حىلي سەرىكتەستىگى سياقتى 50 تاڭداۋلى جاسامپاز كاسىپورىننىڭ نەگىزگى جاۋاپتىلارى جيىندا ”C ورنىنا“ وتىردى. باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاۋ نەگىزىندە، ماجىلىستە ”ءومىر قانشا رەت قايتالانادى“ دەگەن تەبىنمەن عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ الدىڭعى لەگىندە جۇرۋگە قۇلشىنۋ العا قويىلدى.

جاڭا كەزەڭ، جاڭا تالاپ الدىندا انحۇي ”جاڭالىققا“ قاراي ىلگەرىلەۋگە، ”ساپا“ ارقىلى الىسقا جەتكىزۋگە تاباندى بولىپ، عىلىم - تەحنيكادا جاڭالىق اشۋدىڭ وشاعىن، جاڭادان گۇلدەنگەن كاسىپ سالالارى شوعىرلانعان جەردى، رەفورما جاساپ، ەسىك اشۋدىڭ جاڭا بيىگىن جانە ەكونوميكالىق، قوعامدىق دامۋدىڭ جالپى بەتتىك جاسىل تيپكە بۇرىلىس جاساۋ رايونىن جەدەل قالىپتاستىردى.

جوعارى ساپالى عىلىم - تەحنيكامەن قامداۋدى كۇشەيتتى. ”زۋچۇڭجى -3“ اسقىن وتكىزگىش كۆانتتىق ەسەپتەۋىنىڭ ەڭ كۇشتى ابزالدىعىن ىسكە اسىردى، ”تياندۋ“ قوس جۇلدىزى ايدى اينالىپ ساپ تۇزەپ ۇشۋدى جۇزەگە اسىردى، جيۋشاۋ ىشكى يادرو جۇمساق بولشەگى، اسقىن وتكىزگىش پروتون اينالما ۇدەتكىشى سياقتى ءبىر توپ تەحنيكا مەن ءونىم شەتەلدىڭ مونوپولياسىن تالقاندادى، كوپ تىلدە سويلەيتىن زەردەلى جۇيە نىسانى مەملەكەتتىك عىلىم - تەحنيكا العاباسارلىعى سيلىعىنىڭ 1 - دارەجەلى سيلىعىنا يە بولدى. ”جاساندى كۇن“ بۇكىلدەي اسقىن وتكىزگىش توكاماك يادرولىق بىرىگۋ تاجىريبە قۇرىلعىسى (EAST) تاعى دا دۇنيە جۇزىلىك رەكورد جاراتتى...

”بيىل انحۇي مەملەكەتتىك كۆانتتىق عىلىم - تەحنيكا جانە كاسىپ سالاسى ورتالىعى قۇرىلىسىن بار كۇشپەن جەدەلدەتىپ، پوليمەرلەندىرگىش رەاكتوردىڭ نەگىزگى جۇيەسىنىڭ شەشۋشى جۇيەسىن جان - جاقتى زەرتتەۋ قۇرىلعىسىن قۇرىپ، الدىڭعى لەكتەگى عىلىم - تەحنيكالىق زەرتتەۋ - اشۋدىڭ جول بويى ناتيجە بەرۋ مەحانيزمىن كەمەلدەندىرەدى“ دەدى ولكەلىك دامۋ جانە رەفورما كوميتەتىنىڭ مەڭگەرۋشىسى چىن جۇن.

جوعارى ءونىمدى ەنەرگيا كاسىپ سالاسىندا جاڭالىق جاراتۋدى ىلگەرىلەتتى. عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدى ىشكەرىلەي توعىستىرعان انحۇي ءداستۇرلى كاسىپ سالاسىنىڭ ”قارتايعاندا وركەندەۋىن“، جاڭادان گۇلدەنگەن كاسىپ سالاسىنىڭ جايقالىپ جەتىلۋىن، بولاشاق كاسىپ سالاسىنىڭ ”بايتەرەككە اينالۋىن“ ىلگەرىلەتتى. اۆتوموبيل كاسىپ سالاسىن مىسالعا الساق، حىفەي، ۋحۋ سىندى ”قوس وزەكتى“ قوزعاۋشى كۇش ەتىپ، باسقا رايوندار كوپ جاقتان تىرەك بولىپ، بۇكىل ولكە بويىنشا تۇتاس تۇلعا سايكەسكەن، تۇلعالانعان، ارتقى بازار جەدەل دامىعان كەمەلدى اۆتوموبيل كاسىپ سالاسى جۇيەسىن قالىپتاستىردى. 2024 - جىلى انحۇيدىڭ اۆتوموبيل ءونىم مولشەرى 3 ميلليون 570 مىڭعا جەتىپ، بۇكىل ەل بويىنشا الدىڭعى قاتارعا ءوتتى، مۇنىڭ ىشىندە جاڭا ەنەرگيالى اۆتوموبيل ءونىم مولشەرى ءبىر ميلليون 684 مىڭعا جەتىپ، بۇكىل ەلدەگى سالىستىرماسى 8/1 دەن استى.

جاڭادان گۇلدەنگەن كاسىپ سالالارىن جەتىلدىرۋدى، زورايتۋدى جانە بولاشاق كاسىپ سالالارىن كورەگەندىكپەن ورنالاستىرۋدى ءتۇيىن ەتكەن انحۇي جاڭا جىلدا جاڭا نىسانانى كوزدەدى: 4 تريلليون يۋان دارەجەسىندەگى 4، 500 ميلليارد يۋاننان ساتىن 4، 300 ميلليارد يۋاننان اساتىن 3، 100 ميلليارد يۋاننان اساتىن 3 كاسىپ سالاسى تىزبەگىن جەدەل قالىپتاستىرماق؛ جوعارى، جاڭا تەحنيكالى كاسىپورىنداردان 3000 ىن، ”ارنايىلانعان، سارالانعان، ەرەكشە، جاڭا“ كاسىپورىنداردان 1000 ىن تىڭنان قوسىپ، جاساۋ كاسىبىنىڭ جەكە تۇرلەرىندە اعا جۇلدەگەر جانە تىزبەك يەسى كاسىپورىندارىنان ونىن تىڭنان قوسپاق.

جۋىقتان بەرى انحۇيداعى كاسىپورىندار مىناداي قۋانىشتى حاباردى ارت - ارتىنان جەتكىزدى: انكاي جولاۋشىلار اۆتوموبيلى شەتەلدە ساتۋدا ماڭىزدى قامال الدى، 270 تەن استام جوعارى دەڭگەيلى ءونىم ساۋد ارابياسى، كاتار سياقتى مەملەكەت پەن رايوندارعا ساتىلدى؛ تۇڭگۋان مىس جاپىراقشا سەرىكتەستىگىنىڭ 15 مىڭ توننالىق جوعارى دالدىكتەگى اسقىن جۇقا ەلەكتروندىق مىس جاپىراقشاسى نىسانى سىناق رەتىندە وندىرىسكە قوسىلدى؛ گوكى ەنەرگيا توبىنىڭ جالپى 10 ميلليارد يۋانعا جۋىق قارجى قوسىلعان جاڭا تۇرپاتتى باتەريا نىسانى رەسمي ءوندىرىس باستادى؛ كىدا شۇنفەي توبى تاياۋدا شياۋفي تاياۋدا شۇنفەي توبىنىڭ ۇشقىندى تەرەڭدەي پايىمداۋ X1 مودەلىن جاريالادى...

”عىلىم - تەحنيكادا جاڭالىق اشۋ ارقىلى جاڭاشا وندىرگىش كۇشتەردىڭ دامۋىنا جەتەكشىلىك ەتۋدىڭ ءساتى كەلىپ جەتتى، جاعداي قالىپتاستى. انحۇي قايراتتانا العا ۇمتىلۋ تەبىنىمەن 1 – توقساندا باستامانىڭ ورنىقتى ءارى جاقسى بولۋىنا قۇلشىنىپ، بۇكىل ەلدىڭ جالپى جاعدايىنا ۇلەس قوسادى“ دەدى انحۇي ولكەلىك پارتكومنىڭ شۋجيى لياڭ يانشۇن.

كەلۋ قاينارى: حالىق تورابى