تاۋدى سۇيەنىش ەتە وتىرىپ مانداريننان مول ءونىم الدى (وزىندىك ەرەكشەلىككە يە اۋدان ءوڭىرى ەكونوميكاسىن دامىتۋ)

ءۇش قىساڭ سۋ قويماسىنىڭ قويناۋىندا مانداريننىڭ حوش ءيىسى اڭقيدى.

”ءونىم مولشەرى، ءونىم قۇنى ەكى جاعىنان دا قوماقتى تابىسقا جەتتىك!“ چۇڭچيڭ قالاسى جۇڭشيان اۋدانى جەمىس شارۋاشىلىعىن دامىتۋ ورتالىعىنىڭ مەڭگەرۋشىسى شيۇڭ چاڭچۇن بىلاي دەدى: ”2024 – جىلى تۇتاس اۋداننىڭ ماندارين ءونىم مولشەرى 500 مىڭ توننا، جالپىلىق ءونىم قۇنى 6 ميلليارد 500 ميلليون يۋان بولىپ، سايكەس مەزگىلدەگىدەن جەكە – جەكە %11.1، %30 ارتتى“.

جۇڭشيان اۋدانىنىڭ 2000 جىلدان استام ماندارين ەگۋ تاريحى بار، ءبىراق ءبىر مەزەت سورت جالاڭ، تەحنيكا ارتتا، بازارلانۋ جەتەرسىز بولۋ ماسەلەسىنە ءدوپ كەلدى.

تاياۋ جىلداردان بەرى جۇڭشيان اۋدانى بايلىق قاينارىن تياناق ەتىپ، ماندارين كاسىبىنىڭ بازارلانۋىن، كولەمدەنۋىن بار كۇشپەن ىلگەرىلەتىپ، 200 مىڭنان استام جەمىس ەگۋشىنىڭ كىرىستتى ارتتىرىپ، اۋقاتتانۋىنا ءونىمدى دەم بەردى.

2024 - جىلى 4 - ايدا باس شۋجي شي جينپيڭ چۇڭچيڭدە قىزمەت تەكسەرگەندە بىلاي دەپ باسا دارىپتەدى: ”تاۋدى سۇيەنىش ەتە وتىرىپ، ەكولوگيالىق ەرەكشە اۋىل شارۋاشىلىعىن دامىتۋ كەرەك“.

جۇڭشيان اۋدانى جەرگىلىكتى جاعدايعا قاراي ىستەپ، قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتىپ، مانداريننىڭ تۇتاس كاسىپ تىزبەگىن ۇزدىكسىز كەمەلدەندىرىپ، ۇستەمە قۇندى، باسەكەلىك قۋاتتى ونان ارى جوعارىلاتتى.

ولشەم ءتىپتى دە نازىك بولدى. چۇڭچيڭ (جۇڭشيان) وسى زامانعى اۋىل شارۋاشىلىق ماندارين كاسىپ باقشاسىنىڭ مانداريندى ايىرۋ سەحىنا كىرگەندە، التىن سارى ءتۇستى مانداريننىڭ 42 شىعار اۋىزدان شىعارىلىپ تۇرعانىن عانا كورۋگە بولادى. ”سارالاپ ايىرۋ جەلىسى ۇلكەن - كىشىلىگىنە، سالماعىنا قاراي ماندارين تاڭداۋمەن بىرگە، سۋ قۇرامى، قانت قىشقىلى سالىستىرماسى، سىرتقى كەمىستىگى سياقتى ولشەمدەر بويىنشا دالمە - ءدال تۇرگە ايىرا الادى“ دەدى كاسىپ باقشاسىنىڭ جاۋاپتىسى چىڭ بياۋ.

جەمىسى جاس كۇيىندە ساقتالادى. ”مانداريننىڭ بازارعا شوعىرلى شىعارىلۋى −− كاسىپ سالاسىنىڭ قيىن ءتۇيىنى ءارى كاسىپ سالاسىن دامىتۋدىڭ كۇش سالۋ ءتۇيىنى“. شيۇڭ چاڭچۇن بىلاي دەپ تانىستىردى: جۇڭشيان اۋدانى قازىر 500 مىڭ تەكشە مەتر توڭازىتۋ قويماسىن سالىپ، ءبىر جىلدىڭ ءتورت ماۋسىمىندا جاس جەمىس - جيدەك ساتۋعا كۇش سالۋدا.

جەمىس - جيدەكتى جىنتىكتەي مانەرلەۋدى كۇشەيتىپ، ۇساق مانداريندەردى جاقسى باعادا ساتۋ كەرەك.

چۇڭچيڭ پايسىنباي ماندارين شىرىنى شەكتى سەرىكتەستىگىنىڭ ءوندىرىس سەحىندا جاس جەمىس - جيدەكتى الدىن الا جۋۋ، قايتالاي جۋۋ، ەكشەپ تەكسەرۋ، شىرىنىن سىعۋ سياقتى بۋىنداردان كەيىن، قويىلتىلعان شىرىن نەمەسە جاس ماندارين شىرىنى ازىرلەندى. ”ءبىزدىڭ ونىمدەرىمىز 10 نەشە مەملەكەتكە ەكسپورت ەتىلدى، بيىل تەحنيكانى زەرتتەۋ - اشۋ سەرپىنىن ارتتىرىپ، شەشۋشى جابدىقتاردى جاڭالاپ، ءونىم مولشەرىن زور مولشەردە ارتتىرۋعا قۇلشىنامىز“ دەدى سەحتىڭ جاۋاپتىسى يان چاۋسۇڭ.

جۇڭشيان اۋدانى مانداريندى تۇگەلدەي كادەگە جاراتۋ ءۇشىن، 30 ميلليون يۋان قارجى قوسىپ، وسىزاماندانعان ماندارين قابىعىن، قالدىعىن مانەرلەۋ زاۆودىن قۇرىپ، ماندارين قابىعىن، قالدىعىن ەفير مايى، مال ازىعى سياقتى ءوتىمدى بۇيىمدارعا اينالدىردى.

ساندى مالىمەتكە قاراعاندا، تاعى ءبىر ماندارين ساۋداسى جاسالىپ، 75 توننا جاس جەمىس جۇڭشيان اۋدانىنان حۋنانعا جونەلتىلگەن.

چۇڭچيڭ ءۇش قىساڭ ماندارين ساۋدا ورتالىعىنىڭ ۇلكەن ەكرانىندا ساۋدا جاعدايى، باعا بازار جاعدايى سياقتى ساندى مالىمەتتەر انىق كورىنۋدە. ”تۇعىر ارقىلى 213 تاپسىرىستىڭ ورىندالۋىنا دەم بەرىلدى“. چۇڭچيڭ ءۇش قىساڭ ماندارين ساۋدا ورتالىعى كاسىپ ءبولىمى باستىعىنىڭ ورىنباسارى فۋ بين جەلىدەگى تۇعىر ءداستۇرلى اينالىم ارناسى مەن وڭىرلىك شەكتەمەنى بۇزىپ، ساۋدانى ءتىپتى دە ءونىمدى، قولايلى ەتكەنىن ايتتى.

مانداريننىڭ ماركالانۋىن، جوعارى دەڭگەيگە كوتەرىلۋىن ىلگەرىلەتكەن جۇڭشيان اۋدانى تاعى ءبىر تۇتاس وڭىرلىك الەۋمەتتىك ماركا − ”جۇڭچىڭدى“ جاراتىپ، ءبىر تۇتاس پايدالانۋعا ۇقىق بەرىپ، ءونىمدى ءبىر تۇتاس دارەجەگە ايىرىپ، ماركانى ءبىر تۇتاس قوراپتاپ، ءونىمنىڭ قاينارىن ءبىر تۇتاس انىقتاپ، باقىلاپ – باسقارۋ، تۇتىنۋشىلاردىڭ ۇقىعىن قورعاۋ ىستەرىن ءبىر تۇتاس ىستەدى. بۇگىنگى تاڭدا، ”جۇڭچىڭ“ ماركاسىنىڭ اسەرى كورنەكتى بولىپ، 30 نەشە مەملەكەتكە ساتىلىپ، جالپى 7000 توننادان استام ەكسپورت ەتىلىپ، ۇنەمىلىك ەكسپورت مەحانيزمى قالىپتاستى.

”ءداستۇرلى ەگۋدەن وسى زامانعى كاسىپ سالاسىنا دەيىن، جالاڭ ساتۋدان جىنتىكتەي مانەرلەۋگە دەيىن، ماندارين بۇقارانىڭ كىرىسىن ارتتىرىپ بايۋدىڭ التىن جەمىسىنە اينالدى“. جۇڭشيان اۋداندىق پارتكومنىڭ شۋجيى لي جيە مىنانى ءبىلدىردى: جۇڭشيان اۋدانى ورتالىقتىڭ ەكونوميكالىق قىزمەت ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ماندارين كاسىپ سالاسىنىڭ جوعارى ساپالى دامۋىن ۇزدىكسىز ىلگەرىلەتىپ، سورتتى جەتىلدىرىپ، ساپاسىن جوعارىلاتىپ، ايگىلى ماركا جاراتىپ، كاسىپ تىزبەگىنىڭ ءارقايسى بۋىنىنداعى تەحنيكالىق ولشەمدى ارناعا ءتۇسىرىپ، ماندارين كاسىبىنىڭ ساپاسىن جوعارىلاتىپ، ونىمدىلىگىن ارتتىرۋدى ءبىر تۇلعالاندىرادى.

كەلۋ قاينارى: حالىق تورابى