بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.02.17 16:16 كەلۋ قاينارى : حالىق تورابى
جۇڭگو اقپارات تورابىنىڭ 2 – ايدىڭ 16 – كۇنى بەرگەن حابارى. ا ق ش سىمدى تەلەۆيزيا اقپارات تورابىنىڭ (CNN) حابارىنا قاراعاندا، ا ق ش مەملەكەتتىك اۆياتسيا – عارىش مەكەمەسى (NASA) رەاكتيۆتى ىلگەرىلەتۋ تاجىريبەحاناسىنىڭ جەرگە جاقىن اسپان دەنەلەرىن زەرتتەۋ ورتالىعى تاياۋدا مىنانى بىلدىرگەن: ”2024YR4“ اتتى شاعىن قىدىرما جۇلدىزدىڭ 2032 – جىلى جەر شارىنا سوعىلۋ ىقتيمالدىعى %2.
”2024YR4“ شاعىن قىدىرما جۇلدىزى 2024 – جىلى 12 – ايدىڭ 27 – كۇنى تۇڭعىش رەت بايقالعان. مەجەگە قاراعاندا، بۇل شاعىن قىدىرما جۇلدىزدىڭ ديامەترى 40-90 مەتر بولىپ، ءبىر عيماراتتىڭ ۇلكەندىگىمەن قارايلاس ەكەن.
2025 – جىلى 1 – ايدان بەرى، NASA استرونومدارى تەلەسكوپپەن وسى شاعىن قىدىرما جۇلدىزدى وكشەلەي باقىلاعان. قازىر بۇل شاعىن قىدىرما جۇلدىزدىڭ جەر شارىنان قاشىقتىعى 48 ميلليون كيلومەتردەن اسادى. سوعىلۋ ىقتيمالدىعى وتە از بولعانىمەن، استرونومدار اناعۇرلىم ناقتى تۇيىندەردى بايقاۋ ءۇشىن ونى ءجىتى باقىلاۋدا.
حاباردا بىلاي دەلىنگەن: ”2024YR4“ شاعىن قىدىرما جۇلدىزىنىڭ ۇلكەن-كىشىلىگى پلانەتالارعا ”اسا حاۋىپتى“ شاعىن قىدىرما جۇلدىزدارمەن سالىستىرعاندا الدە قايدا كىشكەنە. ”پلانەتالارعا اسا حاۋىپتى“ شاعىن قىدىرما جۇلدىزدار دەپ ديامەترى ءبىر كيلومەتر نەمەسە ودان دا ۇلكەن كەلەتىن عارىشتىق تاۋ جىنىستارى ايتىلادى، ولار تىرشىلىككە ويرانداۋ سيپاتتى ىقپال جاساۋى مۇمكىن. مەجەگە قاراعاندا، دينوزاۆردىڭ تۇقىمىنىڭ قۇرۋىن تۋدىرعان شاعىن قىدىرما جۇلدىزدىڭ ديامەترى شامامەن 10 كيلومەتر ەكەن.
2013 - جىلى ديامەترى 20 مەتر كەلەتىن شاعىن قىدىرما جۇلدىز رەسەيدىڭ چەليابينسكي وبلىسىنىڭ اسپانىندا جەر شارى اتموسفەرا قاباتىنا كىرىپ، كەڭىستىكتە قوپارىلىس جاساپ، شىعارعان ەنەرگياسى تۇڭعىش اتوم بومبىنىڭ 20 دا 30 ەسەسىندەي بولىپ، جارىقتىعى كۇننەن اسىپ، جىلۋ تاراتىپ، 7000 نان استام قۇرىلىستى ءبۇلدىرىپ، 1000 نان استام ادامدى جارالاعان.
كەلۋ قاينارى: حالىق تورابى
