مەملەكەتتىك ەمدەۋدى قامتاماسىزداندىرۋ مەڭگەرمەسىنىڭ ءىرى دەرەك ورتالىعى قۇرىلدى

حالىق گازەتىنىڭ 2 – ايدىڭ 16 – كۇنى بەيجيڭنەن بەرگەن حابارى. تاياۋدا وتكىزىلگەن بەيجيڭ قالاسى حايديان رايونىنىڭ 2025 - جىلعى ەكونوميكالىق، قوعامدىق جوعارى ساپالى دامۋ جينالىسىندا مەملەكەتتىك ەمدەۋدى قامتاماسىزداندىرۋ مەڭگەرمەسىنىڭ ءىرى دەرەك ورتالىعى رەسمي قۇرىلدى.

بۇل ورتالىق ەمدەۋدى قامتاماسىزداندىرۋ ءىرى دەرەگىن قولدانۋ، باسقارۋ، قىزمەت وتەۋ، سونداي - اق توراپ حاۋىپسىزدىگى مەن ينفورماتسيالاندىرۋ قۇرىلىسىن كۇشەيتۋ سىندى ماڭىزدى مىندەتتى ارقالايدى ، سونىمەن بىرگە ەمدەۋدى قامتاماسىزداندىرۋ سالاسىنىڭ سيفرلانۋىن ىلگەرىلەتەدى. ۇعىسۋعا قاراعاندا، بۇكىل ەل بويىنشا ەمدەۋ قامسىزداندىرۋى ينفورماتسيا تەكشەسى بۇكىل ەلدەگى ءبىر ميلليارد 330 ميلليون قامسىزداندىرۋعا قاتىناسقان بۇقارانى، 50 ميلليون ادام ىستەتۋشى ورىندى، 930 مىڭ شيپاحانانىڭ ءدارى دۇكەنىن، 17 مىڭ 900 ءدارى-دارمەك جاسايتىن كاسىپورىندى، 376 مىڭ ءدارى-دارمەك ماتەريالدارىن ساتاتىن ، جەتكىزىپ بەرەتىن جانە ءار جىلى 60 ميلليارد قوراپ ەمدەۋ قامسىزداندىرۋى ءدارى – دارمەگىنىڭ سوڭعى بارىسىن قۋزاستىرۋ ينفورماتسياسىن قورعاۋ، باسقارۋ جانە قولدانۋىن قامتيدى. بۇل ورتالىق حايديان رايونىنا رەسمي ىرگە تەپكەننەن كەيىن، ەمدەۋ قامسىزداندىرۋىنداعى ءىرى دەرەكتىڭ ەمدەۋ، ءدارى ـ دارمەك، دەنساۋلىق ساقتاۋ سالاسىنداعى زەرتتەۋ ـ اشۋدى، قولدانۋدى ىلگەرىلەتىپ، ەمدەۋ قامسىزداندىرۋى دەرەكتەرىنىڭ ەمدەۋ قامسىزداندىرۋ رەفورماسىن ىلگەرىلەتەدى، باسقارۋ، قىزمەت وتەۋ قابىلەتىن جوعارىلاتادى.

كەلۋ قاينارى: حالىق تورابى