شارۋالار قاۋىمىنىڭ وقۋعا ءتۇسۋ، اۋرۋ كورسەتۋ، قارتتاردى كۇتىمدەۋ، بالالاردى باعۋ سياقتى ماسەلەلەرگە قاتىستى ورتالىقتىڭ 1- ءنومىرلى قۇجاتى جونىندە ەڭ جاڭا تۇسىندىرمەسى

2 – ايدىڭ 24 – كۇنى تۇستەن كەيىن، مەملەكەتتىك كەڭەستىڭ اقپارات كەڭسەسى اقپار جاريالاۋ ءماجىلىسىن اشىپ، اۋىل - قىستاق رەفورماسىن ونان ارى تەرەڭدەتىپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتۋگە قاتىستى جاعدايلاردى تانىستىردى.

ورتالىقتىڭ قازىنا ـ ەكونوميكا كوميتەتى كەڭسەسىنىڭ ورىنباسار مەڭگەرۋشىسى جۋ ۋيدۇڭ بىلاي دەدى: اۋىل ـ قىستاقتىڭ حالىق تۇرمىسى قامتاماسىز ەتىلدى جانە جاقساردى، قازىر باسىم كوپ ساندى اۋىل ـ قىستاق نەگىزدىك قۇرىلعىلارىنىڭ ”قاتتى بولشەكتەرى“ كورنەكتى جاقساردى، پارىق الەۋمەتتىك قىزمەت وتەۋدەگى ”جۇمساق بولشەگى “ جاعىنان ٴتىپتى دە كورنەكتى بەينەلەنۋدە.

ورتالىقتىڭ 1 - ءنومىرلى قۇجاتى شارۋالار قاۋىمىنىڭ وقۋعا ءتۇسۋ، اۋرۋ كورسەتۋ، قارتتاردى كۇتىمدەۋ، بالالاردى باعۋ قاتارلى جاقتارداعى كورنەكتى ماسەلەلەرگە باعىتتاي وتىرىپ، حالىق تۇرمىسىنا قاتىستى كوڭىل ءبولىپ وتىرعان ماسەلەلەرگە بەلسەنە جاۋاپ قايتاردى.

وقۋ - اعارتۋ جاعىندا، باستىسى، وڭىرلىك وقۋ - اعارتۋ بايلىعىن ورنالاستىرۋدى ساپالىلاندىرىپ، جاتاقتى مەكتەپتەر مەن قاجەتتى شاعىن كولەمدى مەكتەپتەردى ويداعىداي باسقارۋ كەرەك. قۇجاتتا اۋىل - قىستاق وقۋشىلارىنىڭ قورەكتىك تاماعىن باسقارۋدى جاپپاي كۇشەيتىپ، ازىق - تۇلىك حاۋىپسىزدىگى مەن قارجىنىڭ جۇيەلى پايدالانىلۋىنا كەپىلدىك ەتۋ باسا دارىپتەلدى.

ەمدەۋ جاعىندا، باستىسى، ەمدەۋ - دەنساۋلىق ساقتاۋ قىزمەتكەرلەرى مەن قىزمەت وتەۋدىڭ تومەنگە ءتۇسۋىن ىلگەرىلەتىپ، اۋىل – قالاشىقتاردا ورتالىق شيپاحانالارىن ويداعىداي باسقارىپ، شارۋالاردىڭ اۋرۋ كورسەتۋىنە، ەمدەلۋىنە اناعۇرلىم قولايلىلىق جاراتۋ كەرەك. نەگىزگى ەمدەۋدى قامسىزداندىرۋىنا ءۇرتىس قاتىناسقان جانە سول جىلى ەسەپتەن كوتەرمەگەن اۋىل - قىستاق تۇرعىندارىنىڭ كەلەسى جىلعى سالماقتى ناۋقاستاردى قامسىزداندىرۋدىڭ ەڭ جوعارى تولەم شەگىن جوعارىلاتۋ ارقىلى بەلگىلى شابىت بەرىپ، قامسىزداندىرۋعا قاتىناسقان شارۋالاردى يگىلىككە كەنەلتۋ كەرەك.

قارتتاردى كۇتىمدەۋ جاعىندا، اۋىل - قىستاقتاعى قارتتانۋ اۋقىمىنا باعىتتاي وتىرىپ، اۋىل - قىستاقتاعى قارتتاردى كۇتىمدەۋدەگى قيىن تۇيىندەرىنە نازار اۋدارىپ، اۋىل - قىستاقتاعى قارتتاردى كۇتىمگە الۋعا قىزمەت وتەۋ جۇيەسىن كەمەلدەندىرىپ، قالا - اۋىل تۇرعىندارىنىڭ نەگىزگى زەينەتكەرلىك قامسىزداندىرۋىنىڭ نەگىزدىك زەينەتاقىسىن بىرتىندەپ جوعارىلاتىپ، شارۋالاردىڭ زەينەتكەرلىك جاعىنداعى ۋايىمىن شەشۋ كەرەك.

كەلۋ قاينارى: حالىق تورابى