بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

زەيىن - زەردەنى شوعىرلاندىرىپ، رەفورمانىڭ، دامۋدىڭ جاڭا ءورىسىن اشايىق (باسماقالا)

− 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ اشىلعاندىعىن قىزۋ قۇتتىقتايمىز

2025.03.05 16:07     كەلۋ قاينارى : حالىق تورابى

كوكتەم كەلىپ، شىعىس جەلى ەسىپ، تاۋ - وزەن شىت جاڭا بەينەگە ەندى. 3 - ايدىڭ 5 – كۇنى 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدە سالتاناتپەن اشىلدى. مەملەكەتتىك حالىق قۇرىلتايىنىڭ 3000 عا جۋىق ۋاكىلى ءبىر اراعا باس قوسىپ، ”14 - بەسجىلدىقتىڭ“ شەشۋشى جەڭىسىنە قول جەتكىزۋگە اقىل - كەڭەس بەرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە زەيىن - زەردەنى، كۇش - قۋاتتى شوعىرلاندىردى. ءماجىلىستىڭ اشىلعاندىعىن قىزۋ قۇتتىقتايمىز!

ايبىندى جورىقتا كۇرەس جۇرگىزىپ، جاۋاپكەرشىلىك ارقالاپ، تىڭ دا نىق قادام تاستادى. ەستەن كەتپەس 2024 - جىلى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل جوعارىدان تومەنگە دەيىن ۇدەرە العا تارتىپ، قيىندىقتاردى جەڭىپ، كوپتەگەن ءىرى ىستەردى، ماڭىزدى ىستەردى ىستەپ، كوپتەگەن قيىن ىستەردى، شۇعىل ىستەردى شەشتى. ”ءداۋىردىڭ جاڭا تاراۋى“ ارقىلى پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن دايەكتىلەندىرىپ، ”ەڭ جاقسى ارەكەت“ ارقىلى رەسپۋبليكانىڭ 75 جىلدىعىن قۇتتىقتادىق، ءبىزدىڭ نىسانامىز ونان ارى بەكەمدەلدى؛ ەكونوميكانىڭ جالپى مولشەرى، استىق ءونىمى تىڭنان ارتتى، چاڭ - ى - 6، شىنجىن - جۇڭشان ارناسى سياقتى جاڭالىق اشۋ جەتىستىكتەرى ۇزدىكسىز جارىققا شىعىپ، ”ورنىقتىلىق“ نەگىزى ونان ارى بەكەمدەلدى، ”ىلگەرىلەۋدىڭ“ قوزعاۋشى قۋاتى ۇزدىكسىز كۇشەيىپ، قوزعاۋشى كۇشىمىز ونان ارى نىعايدى؛ وليمپيادا جارىس الاڭىندا ەرلىكپەن العا ۇمتىلىپ، اۋىر جاراتىلىستىق اپاتتىڭ الدىندا جۇدىرىقتاي جۇمىلىپ، حالىقارالىق ساحنادا جۇڭگو باستاماسىن ايقىن العا قويدىق، ءبىزدىڭ رۋحىمىز ءتىپتى دە اسقاقتادى.

وتكەن ءبىر جىلداعى ناتيجە وڭاي – وسپاق قولعا كەلگەن جوق، ادامدى جەلپىندىرەدى، جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليستىك ءتۇزىمنىڭ كورنەكتى ابزالدىعىن تولىق ايگىلەدى، ءبىزدىڭ جاڭا ءداۋىردىڭ جاڭا جورىعىندا ءورىس اشا العا ىلگەرىلەپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتۋ بەكىمىمىز بەن سەنىمىمىزدى اناعۇرلىم بەكەمدەدى. بەينە، باس شۋجي شي جينپيڭ اتاپ كورسەتكەندەي: ”ءبىز سەنىمدى بەكەمدەپ، سەنىمنەن اۋىتقىماي، قايشىلىقتار مەن ماسەلەلەرگە بەتپە - بەت كەلىپ، حاۋىپ - قاتەر مەن سىن - سايىسقا توتەپ بەرۋدە شەگىنشەكتەمەسەك بولعانى، ءسوز جوق، رەفورما جاساپ، دامۋدىڭ جاڭا ءورىسىن اشا الامىز!“

ءتۇزىم ورنىقتى بولسا، مەملەكەت ورنىقتى بولادى، ءتۇزىم كۇشەيسە، مەملەكەت قۇدىرەتتەنەدى. 70 نەشە جىلدان بەرى پارتيانىڭ باسشىلىعىندا حالىق قۇرىلتايى ءتۇزىمى جۇڭگونىڭ بايتاق دالاسىنا مىقتاپ تامىر تارتىپ، جۇڭگوشا سوتسياليزمنىڭ ۇلى امالياتىمەن تەرەڭ توعىسىپ، ”ەكى كەرەمەتتى“ جاراتۋعا ماڭىزدى تۇزىمدىك كەپىلدىك ازىرلەدى. وتكەن ءبىر جىلدا مەملەكەتتىك حالىق قۇرىلتايى جانە ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، نەگىزگى زاڭدى اتقارۋدى جانە ونىڭ اتقارىلۋىن باقىلاۋدى كۇشەيتۋ ارقىلى نەگىزگى زاڭنىڭ بەدەلى مەن ابىرويىن قورعاپ، جوعارى ساپالى زاڭ شىعارۋ ارقىلى رەفورمانى، دامۋدى قامتاماسىزداندىرىپ جانە وعان قىزمەت وتەپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ دايەكتى تياناقتانۋىن ءونىمدى باقىلاۋ ارقىلى ىلگەرىلەتىپ، حالىق قۇرىلتايىنىڭ سىرتپەن بارىس - كەلىس جاساۋى ارقىلى مەملەكەتتىڭ ديپلوماتيالىق جالپى جاعدايىنا قىزمەت وتەپ، ءتۇرلى قىزمەتتەردە تىڭ ىلگەرىلەۋشىلىكتەر مەن ناتيجەلەرگە قول جەتكىزىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى. اماليات مىنانى دالەلدەدى: حالىق قۇرىلتايى ءتۇزىمى − ەلىمىزدىڭ مەملەكەت جاعدايىنا جانە ءىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ وزىنە ءوزى قوجايىن بولۋىنا كەپىلدىك ەتەتىن تاماشا ءتۇزىم، جالپى حالىقتىڭ كۇشىن ءونىمدى تۇردە ۇيىستىرىپ، جۇڭگو ۇلگىسىندەگى وسىزامانداندىرۋدى بىرگە ىلگەرىلەتەتىن تاماشا ءتۇزىم.

قاجىماي - تالماي كۇرەس جۇرگىزۋ ارقىلى جۇڭگو ۇلگىسىندەگى وسىزامانداندىرۋ ايبىندى كارتيناسىن اشتى ءارى شەكسىز نۇرلى بولاشاق جاراتتى. بۇگىنگى دۇنيەدە بىلىقپالىق ارالاسىپ، عاسىرلىق وزگەرىس جەدەل قۇبىلۋدا، العا باسۋ جولىنداعى حاۋىپ - قاتەردى، سىن - سايىستى جانە تۇراقسىز فاكتورلاردى جەڭۋدە ”شىڭعا شىعۋ ءۇشىن شارشاپ – شالدىعۋدان تايىنبايتىن“ كۇش - قايرات كەرەك. حالىق − تاريحتى جاراتۋشى، بارلىق قيىنشىلىق پەن سىن - سايىستى جەڭۋدەگى ەڭ ۇلكەن سۇيەنىش. جۇڭگو ۇلگىسىندەگى وسىزامانداندىرۋ − ءجۇز ميلليونداعان حالىقتىڭ ءوز ءىسى، تەك حالىققا بەرىك سۇيەنگەندە عانا جاڭا تاريحي ۇلى ىستەردى ۇزدىكسىز جاراتۋعا بولادى. جاڭا جورىقتا حالىق قۇرىلتايى ءتۇزىمى سىندى جالپى بارىستىق حالىق دەموكراتياسىن جۇزەگە اسىرۋدىڭ ماڭىزدى تۇزىمدىك دانەكەرىنە ويداعىداي تاباندى بولىپ، ويداعىداي كەمەلدەندىرىپ، ويداعىداي جۇرگىزىپ، حالىقتىڭ ۇنىنە قۇلاق اسىپ، حالىقتىڭ اقىل - پاراساتىن شوعىرلاندىرىپ، حالىقتىڭ تىلەگىنە جاۋاپ قايتارىپ، وسى ءتۇزىمنىڭ كورنەكتى ابزالدىعىن اناعۇرلىم تولىق ساۋلەلەندىرگەندە جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ پارمەندى كۇش - قۋاتىن ۇيىستىرۋعا بولادى.

مەملەكەتتىك ەكى ءماجىلىستى ويداعىداي اشۋ − ەلىمىزدىڭ ساياسي ومىرىندەگى ءىرى ءىس، ەكونوميكالىق، قوعامدىق دامۋدىڭ تۇتاس جىلدىق نىسانا - مىندەتتەرىن جوبالاۋدا، بۇكىل ەلدەگى ءار ۇلت حالقىن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋگە، تياناقتاندىرۋعا جۇمىلدىرۋدا كەلەلى ماڭىز الادى. بيىل − ”14 - بەسجىلدىق“ جوبا اياقتالاتىن جىل، سونداي - اق رەفورمانى اناعۇرلىم جاپپاي تەرەڭدەتۋدەگى ماڭىزدى ءبىر جىل. شەشۋشى جىلدا شەشۋشى شارا، شەشۋشى ءتۇيىن بولۋى كەرەك. قايتكەندە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن تياناقتاندىرىپ، ەكونوميكانىڭ ۇزدىكسىز قالپىنا كەلۋىن ىلگەرىلەتۋگە بولادى؟ قايتكەندە ءتۇيىندى سالالارداعى حاۋىپ - قاتەر مەن سىرتقى سوققىدان ءونىمدى ساقتانۋعا جانە ونى جويۋعا بولادى؟ قايتكەندە ”14 - بەسجىلدىق“ جوبانىڭ نىسانالارىن، مىندەتتەرىن جوعارى ساپامەن ورىنداپ، ”15 - بەسجىلدىقتىڭ“ تاماشا باستاماسىن جۇزەگە اسىرۋعا بەرىك نەگىز قالاۋعا بولادى؟ پارتيا مەن مەملەكەت قىزمەتىنىڭ جالپى جاعدايىن مىقتاپ ارقاۋ ەتىپ، زاڭ بويىنشا مىندەت اتقارىپ، جاۋاپكەرشىلىك ارقالاپ، جاۋاپكەرشىلىكتى ادا ەتۋدە 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى، ءسوز جوق، ماڭىزدى تاپسىرمانىڭ ۇددەسىنەن شىعىپ، اناعۇرلىم زور ۇلەس قوسا الادى. حالىق قۇرىلتايى ۋاكىلدەرى حالىقتان شىققان، حالىققا تامىر تارتقان، حالىق جۇكتەگەن داڭقتى مىندەتتى ارقالاپ وتىر، قالىڭ ۋاكىلدەردىڭ پارتيا مەن مەملەكەتتىڭ حالىق بۇقاراسىمەن بايلانىس جاساۋىنىڭ كوپىرى بولىپ، ناقتى، جارامدى ۇتىمدى ادىستەردى كوبىرەك شىعارىپ، جۇڭگونىڭ دامۋىنىڭ، العا باسۋىنىڭ جاقسى ءۇنىن تاراتۋىن ءۇمىت ەتەمىز.

ساپاردا جەل وڭىنان سوعىپ، بولاشاققا نىق قادام تاستادىق. ۇلى نىساناعا قاراي ۇزدىكسىز ۇدەرە العا تارتۋدا، بىزدە حاۋىپ - قاتەرگە قارسى تۇرۋدىڭ، سىن - سايىستى جەڭۋدىڭ مىعىم تىرەگى، رەفورما جاساۋدىڭ، دامۋدىڭ جاڭا ءورىسىن اشۋدىڭ مىعىم تەبىنى بار. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سەنىمدى بەكەمدەپ، كوكىرەك تولى ۇمىتپەن ءورىس اشا ىلگەرىلەپ، قايسارلىقپەن كۇرەس جۇرگىزسەك، ءبىز، ءسوز جوق، ”14 - بەسجىلدىقتىڭ“ سىرگە جيارىنداعى شايقاستى ويداعىداي جۇرگىزىپ، جۇڭگو ۇلگىسىندەگى وسىزامانداندىرۋدىڭ جاڭا تاراۋىن جازا الامىز.

ءماجىلىستىڭ تولىق تابىستى بولۋىن تىلەيمىز!

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى